| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. અપ્પમાદસુત્તવણ્ણના
7. Appamādasuttavaṇṇanā
૧૨૮. સત્તમે સમધિગ્ગય્હાતિ સમધિગ્ગણ્હિત્વા, આદિયિત્વાતિ અત્થો. અપ્પમાદોતિ કારાપકઅપ્પમાદો. સમોધાનન્તિ સમવધાનં ઉપક્ખેપં. એવમેવ ખોતિ હત્થિપદં વિય હિ કારાપકઅપ્પમાદો, સેસપદજાતાનિ વિય અવસેસા ચતુભૂમકા કુસલધમ્મા. તે હત્થિપદે સેસપદાનિ વિય અપ્પમાદે સમોધાનં ગચ્છન્તિ, અપ્પમાદસ્સ અન્તો પરિવત્તન્તિ. યથા ચ હત્થિપદં સેસપદાનં અગ્ગં સેટ્ઠં, એવં અપ્પમાદો સેસધમ્માનન્તિ દસ્સેતિ. મહગ્ગતલોકુત્તરધમ્માનમ્પિ હેસ પટિલાભકટ્ઠેન લોકિયોપિ સમાનો અગ્ગોવ હોતિ.
128. Sattame samadhiggayhāti samadhiggaṇhitvā, ādiyitvāti attho. Appamādoti kārāpakaappamādo. Samodhānanti samavadhānaṃ upakkhepaṃ. Evameva khoti hatthipadaṃ viya hi kārāpakaappamādo, sesapadajātāni viya avasesā catubhūmakā kusaladhammā. Te hatthipade sesapadāni viya appamāde samodhānaṃ gacchanti, appamādassa anto parivattanti. Yathā ca hatthipadaṃ sesapadānaṃ aggaṃ seṭṭhaṃ, evaṃ appamādo sesadhammānanti dasseti. Mahaggatalokuttaradhammānampi hesa paṭilābhakaṭṭhena lokiyopi samāno aggova hoti.
અપ્પમાદં પસંસન્તીતિ ‘‘એતાનિ આયુઆદીનિ પત્થયન્તેન અપ્પમાદોવ કાતબ્બો’’તિ અપ્પમાદમેવ પસંસન્તિ. યસ્મા વા પુઞ્ઞકિરિયાસુ પણ્ડિતા અપ્પમાદં પસંસન્તિ, તસ્મા આયુઆદીનિ પત્થયન્તેન અપ્પમાદોવ કાતબ્બોતિ અત્થો. અત્થાભિસમયાતિ અત્થપટિલાભા. સત્તમં.
Appamādaṃ pasaṃsantīti ‘‘etāni āyuādīni patthayantena appamādova kātabbo’’ti appamādameva pasaṃsanti. Yasmā vā puññakiriyāsu paṇḍitā appamādaṃ pasaṃsanti, tasmā āyuādīni patthayantena appamādova kātabboti attho. Atthābhisamayāti atthapaṭilābhā. Sattamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. અપ્પમાદસુત્તં • 7. Appamādasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. અપ્પમાદસુત્તવણ્ણના • 7. Appamādasuttavaṇṇanā
