| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭. అప్పమాదసుత్తవణ్ణనా
7. Appamādasuttavaṇṇanā
౧౨౮. సత్తమే సమధిగ్గయ్హాతి సమధిగ్గణ్హిత్వా, ఆదియిత్వాతి అత్థో. అప్పమాదోతి కారాపకఅప్పమాదో. సమోధానన్తి సమవధానం ఉపక్ఖేపం. ఏవమేవ ఖోతి హత్థిపదం వియ హి కారాపకఅప్పమాదో, సేసపదజాతాని వియ అవసేసా చతుభూమకా కుసలధమ్మా. తే హత్థిపదే సేసపదాని వియ అప్పమాదే సమోధానం గచ్ఛన్తి, అప్పమాదస్స అన్తో పరివత్తన్తి. యథా చ హత్థిపదం సేసపదానం అగ్గం సేట్ఠం, ఏవం అప్పమాదో సేసధమ్మానన్తి దస్సేతి. మహగ్గతలోకుత్తరధమ్మానమ్పి హేస పటిలాభకట్ఠేన లోకియోపి సమానో అగ్గోవ హోతి.
128. Sattame samadhiggayhāti samadhiggaṇhitvā, ādiyitvāti attho. Appamādoti kārāpakaappamādo. Samodhānanti samavadhānaṃ upakkhepaṃ. Evameva khoti hatthipadaṃ viya hi kārāpakaappamādo, sesapadajātāni viya avasesā catubhūmakā kusaladhammā. Te hatthipade sesapadāni viya appamāde samodhānaṃ gacchanti, appamādassa anto parivattanti. Yathā ca hatthipadaṃ sesapadānaṃ aggaṃ seṭṭhaṃ, evaṃ appamādo sesadhammānanti dasseti. Mahaggatalokuttaradhammānampi hesa paṭilābhakaṭṭhena lokiyopi samāno aggova hoti.
అప్పమాదం పసంసన్తీతి ‘‘ఏతాని ఆయుఆదీని పత్థయన్తేన అప్పమాదోవ కాతబ్బో’’తి అప్పమాదమేవ పసంసన్తి. యస్మా వా పుఞ్ఞకిరియాసు పణ్డితా అప్పమాదం పసంసన్తి, తస్మా ఆయుఆదీని పత్థయన్తేన అప్పమాదోవ కాతబ్బోతి అత్థో. అత్థాభిసమయాతి అత్థపటిలాభా. సత్తమం.
Appamādaṃ pasaṃsantīti ‘‘etāni āyuādīni patthayantena appamādova kātabbo’’ti appamādameva pasaṃsanti. Yasmā vā puññakiriyāsu paṇḍitā appamādaṃ pasaṃsanti, tasmā āyuādīni patthayantena appamādova kātabboti attho. Atthābhisamayāti atthapaṭilābhā. Sattamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౭. అప్పమాదసుత్తం • 7. Appamādasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭. అప్పమాదసుత్తవణ్ణనా • 7. Appamādasuttavaṇṇanā
