| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౧౧. అప్పమాదసుత్తవణ్ణనా
11. Appamādasuttavaṇṇanā
౫౩. ఏకాదసమే సమధిగ్గయ్హాతి సుట్ఠు గణ్హిత్వా. జఙ్గలానం పాణానన్తి పథవీతలచారీనం సపాదకపాణానం. పదజాతానీతి పదాని. సమోధానం గచ్ఛన్తీతి ఓధానం ఉపనిక్ఖేపం గచ్ఛన్తి. అగ్గమక్ఖాయతీతి సేట్ఠం అక్ఖాయతి. పబ్బజలాయకోతి పబ్బజతిణచ్ఛేదకో. ఓధునాతీతి హేట్ఠా ముఖం ధునాతి. నిధునాతీతి ఉభోహి పస్సేహి ధునాతి. నిచ్ఛాదేతీతి బాహాయ వా పహరతి, రుక్ఖే వా పహరతి. అమ్బపిణ్డియాతి అమ్బఫలపిణ్డియా. వణ్టూపనిబన్ధనానీతి వణ్టే ఉపనిబన్ధనాని , వణ్టే వా పతిట్ఠితాని. తదన్వయాని భవన్తీతి వణ్టానువత్తకాని భవన్తి, అమ్బపిణ్డిదణ్డకానువత్తకాని భవన్తీతిపి అత్థో. ఖుద్దరాజానోతి ఖుద్దకరాజానో, పకతిరాజానో వా.
53. Ekādasame samadhiggayhāti suṭṭhu gaṇhitvā. Jaṅgalānaṃ pāṇānanti pathavītalacārīnaṃ sapādakapāṇānaṃ. Padajātānīti padāni. Samodhānaṃ gacchantīti odhānaṃ upanikkhepaṃ gacchanti. Aggamakkhāyatīti seṭṭhaṃ akkhāyati. Pabbajalāyakoti pabbajatiṇacchedako. Odhunātīti heṭṭhā mukhaṃ dhunāti. Nidhunātīti ubhohi passehi dhunāti. Nicchādetīti bāhāya vā paharati, rukkhe vā paharati. Ambapiṇḍiyāti ambaphalapiṇḍiyā. Vaṇṭūpanibandhanānīti vaṇṭe upanibandhanāni , vaṇṭe vā patiṭṭhitāni. Tadanvayāni bhavantīti vaṇṭānuvattakāni bhavanti, ambapiṇḍidaṇḍakānuvattakāni bhavantītipi attho. Khuddarājānoti khuddakarājāno, pakatirājāno vā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧౧. అప్పమాదసుత్తం • 11. Appamādasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧౧. అప్పమాదసుత్తవణ్ణనా • 11. Appamādasuttavaṇṇanā
