| Library / Tipiṭaka / തിപിടക • Tipiṭaka / ചൂളവഗ്ഗ-അട്ഠകഥാ • Cūḷavagga-aṭṭhakathā |
ആപത്തിയാ അദസ്സനേ ഉക്ഖേപനീയകമ്മകഥാ
Āpattiyā adassane ukkhepanīyakammakathā
൪൬. ഛന്നവത്ഥുസ്മിം – ആവാസപരമ്പരഞ്ച ഭിക്ഖവേ സംസഥാതി സബ്ബാവാസേസു ആരോചേഥ.
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
൫൦. ഭണ്ഡനകാരകോതിആദീസു ഭണ്ഡനാദിപച്ചയാ ആപന്നം ആപത്തിം രോപേത്വാ തസ്സാ അദസ്സനേയേവ കമ്മം കാതബ്ബം. തികാ വുത്തപ്പകാരാ ഏവ.
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
൫൧. സമ്മാവത്തനായം പനേത്ഥ തേചത്താലീസ വത്താനി. തത്ഥ ന അനുദ്ധംസേതബ്ബോതി ന ചോദേതബ്ബോ. ന ഭിക്ഖു ഭിക്ഖൂഹീതി അഞ്ഞോ ഭിക്ഖു അഞ്ഞേഹി ഭിക്ഖൂഹി ന ഭിന്ദിതബ്ബോ. ന ഗിഹിദ്ധജോതി ഓദാതവത്ഥാനി അച്ഛിന്നദസപുപ്ഫദസാനി ച ന ധാരേതബ്ബാനി. ന തിത്ഥിയദ്ധജോതി കുസചീരാദീനി ന ധാരേതബ്ബാനി. ന ആസാദേതബ്ബോതി ന അപസാദേതബ്ബോ. അന്തോ വാ ബഹി വാതി വിഹാരസ്സ അന്തോ വാ ബഹി വാ. ന തിത്ഥിയാദിപദത്തയം ഉത്താനമേവ . സേസം സബ്ബം പാരിവാസികക്ഖന്ധകേ വണ്ണയിസ്സാമ. സേസം തജ്ജനീയേ വുത്തനയമേവ. ആപത്തിയാ അപ്പടികമ്മേ ഉക്ഖേപനീയകമ്മം ഇമിനാ സദിസമേവ.
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
൬൫. അരിട്ഠവത്ഥു ഖുദ്ദകവണ്ണനായം വുത്തം. ‘‘ഭണ്ഡനകാരകോ’’തിആദീസു യം ദിട്ഠിം നിസ്സായ ഭണ്ഡനാദീനി കരോതി, തസ്സാ അപ്പടിനിസ്സഗ്ഗേയേവ കമ്മം കാതബ്ബം. സേസം തജ്ജനീയേ വുത്തനയമേവ. സമ്മാവത്തനായമ്പി ഹി ഇധ തേചത്താലീസംയേവ വത്താനീതി.
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
ആപത്തിയാ അദസ്സനേ ഉക്ഖേപനീയകമ്മകഥാ നിട്ഠിതാ.
Āpattiyā adassane ukkhepanīyakammakathā niṭṭhitā.
കമ്മക്ഖന്ധകവണ്ണനാ നിട്ഠിതാ.
Kammakkhandhakavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi
൫. ആപത്തിയാ അദസ്സനേ ഉക്ഖേപനീയകമ്മം • 5. Āpattiyā adassane ukkhepanīyakammaṃ
ആകങ്ഖമാനഛക്കം • Ākaṅkhamānachakkaṃ
തേചത്താലീസവത്തം • Tecattālīsavattaṃ
൭. പാപികായ ദിട്ഠിയാ അപ്പടിനിസ്സഗ്ഗേ ഉക്ഖേപനീയകമ്മം • 7. Pāpikāya diṭṭhiyā appaṭinissagge ukkhepanīyakammaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ആപത്തിയാ അദസ്സനേ ഉക്ഖേപനീയകമ്മകഥാവണ്ണനാ • Āpattiyā adassane ukkhepanīyakammakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / അധമ്മകമ്മദ്വാദസകകഥാവണ്ണനാ • Adhammakammadvādasakakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / നിയസ്സകമ്മകഥാദിവണ്ണനാ • Niyassakammakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൫. ആപത്തിയാ അദസ്സനേ ഉക്ഖേപനീയകമ്മകഥാ • 5. Āpattiyā adassane ukkhepanīyakammakathā
