| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཐཱ
Āpattiyā adassane ukkhepanīyakammakathā
༤༦. ཚནྣཝཏྠུསྨིཾ – ཨཱཝཱསཔརམྤརཉྩ བྷིཀྑཝེ སཾསཐཱཏི སབྦཱཝཱསེསུ ཨཱརོཙེཐ།
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
༥༠. བྷཎྜནཀཱརཀོཏིཨཱདཱིསུ བྷཎྜནཱདིཔཙྩཡཱ ཨཱཔནྣཾ ཨཱཔཏྟིཾ རོཔེཏྭཱ ཏསྶཱ ཨདསྶནེཡེཝ ཀམྨཾ ཀཱཏབྦཾ། ཏིཀཱ ཝུཏྟཔྤཀཱརཱ ཨེཝ།
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
༥༡. སམྨཱཝཏྟནཱཡཾ པནེཏྠ ཏེཙཏྟཱལཱིས ཝཏྟཱནི། ཏཏྠ ན ཨནུདྡྷཾསེཏབྦོཏི ན ཙོདེཏབྦོ། ན བྷིཀྑུ བྷིཀྑཱུཧཱིཏི ཨཉྙོ བྷིཀྑུ ཨཉྙེཧི བྷིཀྑཱུཧི ན བྷིནྡིཏབྦོ། ན གིཧིདྡྷཛོཏི ཨོདཱཏཝཏྠཱནི ཨཙྪིནྣདསཔུཔྥདསཱནི ཙ ན དྷཱརེཏབྦཱནི། ན ཏིཏྠིཡདྡྷཛོཏི ཀུསཙཱིརཱདཱིནི ན དྷཱརེཏབྦཱནི། ན ཨཱསཱདེཏབྦོཏི ན ཨཔསཱདེཏབྦོ། ཨནྟོ ཝཱ བཧི ཝཱཏི ཝིཧཱརསྶ ཨནྟོ ཝཱ བཧི ཝཱ། ན ཏིཏྠིཡཱདིཔདཏྟཡཾ ཨུཏྟཱནམེཝ ། སེསཾ སབྦཾ པཱརིཝཱསིཀཀྑནྡྷཀེ ཝཎྞཡིསྶཱམ། སེསཾ ཏཛྫནཱིཡེ ཝུཏྟནཡམེཝ། ཨཱཔཏྟིཡཱ ཨཔྤཊིཀམྨེ ཨུཀྑེཔནཱིཡཀམྨཾ ཨིམིནཱ སདིསམེཝ།
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
༦༥. ཨརིཊྛཝཏྠུ ཁུདྡཀཝཎྞནཱཡཾ ཝུཏྟཾ། ‘‘བྷཎྜནཀཱརཀོ’’ཏིཨཱདཱིསུ ཡཾ དིཊྛིཾ ནིསྶཱཡ བྷཎྜནཱདཱིནི ཀརོཏི, ཏསྶཱ ཨཔྤཊིནིསྶགྒེཡེཝ ཀམྨཾ ཀཱཏབྦཾ། སེསཾ ཏཛྫནཱིཡེ ཝུཏྟནཡམེཝ། སམྨཱཝཏྟནཱཡམྤི ཧི ཨིདྷ ཏེཙཏྟཱལཱིསཾཡེཝ ཝཏྟཱནཱིཏི།
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཐཱ ནིཊྛིཏཱ།
Āpattiyā adassane ukkhepanīyakammakathā niṭṭhitā.
ཀམྨཀྑནྡྷཀཝཎྞནཱ ནིཊྛིཏཱ།
Kammakkhandhakavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi
༥. ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ • 5. Āpattiyā adassane ukkhepanīyakammaṃ
ཨཱཀངྑམཱནཚཀྐཾ • Ākaṅkhamānachakkaṃ
ཏེཙཏྟཱལཱིསཝཏྟཾ • Tecattālīsavattaṃ
༧. པཱཔིཀཱཡ དིཊྛིཡཱ ཨཔྤཊིནིསྶགྒེ ཨུཀྑེཔནཱིཡཀམྨཾ • 7. Pāpikāya diṭṭhiyā appaṭinissagge ukkhepanīyakammaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཐཱཝཎྞནཱ • Āpattiyā adassane ukkhepanīyakammakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨདྷམྨཀམྨདྭཱདསཀཀཐཱཝཎྞནཱ • Adhammakammadvādasakakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ནིཡསྶཀམྨཀཐཱདིཝཎྞནཱ • Niyassakammakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༥. ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཐཱ • 5. Āpattiyā adassane ukkhepanīyakammakathā
