| Library / Tipiṭaka / તિપિટક • Tipiṭaka / ચૂળવગ્ગ-અટ્ઠકથા • Cūḷavagga-aṭṭhakathā |
આપત્તિયા અદસ્સને ઉક્ખેપનીયકમ્મકથા
Āpattiyā adassane ukkhepanīyakammakathā
૪૬. છન્નવત્થુસ્મિં – આવાસપરમ્પરઞ્ચ ભિક્ખવે સંસથાતિ સબ્બાવાસેસુ આરોચેથ.
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
૫૦. ભણ્ડનકારકોતિઆદીસુ ભણ્ડનાદિપચ્ચયા આપન્નં આપત્તિં રોપેત્વા તસ્સા અદસ્સનેયેવ કમ્મં કાતબ્બં. તિકા વુત્તપ્પકારા એવ.
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
૫૧. સમ્માવત્તનાયં પનેત્થ તેચત્તાલીસ વત્તાનિ. તત્થ ન અનુદ્ધંસેતબ્બોતિ ન ચોદેતબ્બો. ન ભિક્ખુ ભિક્ખૂહીતિ અઞ્ઞો ભિક્ખુ અઞ્ઞેહિ ભિક્ખૂહિ ન ભિન્દિતબ્બો. ન ગિહિદ્ધજોતિ ઓદાતવત્થાનિ અચ્છિન્નદસપુપ્ફદસાનિ ચ ન ધારેતબ્બાનિ. ન તિત્થિયદ્ધજોતિ કુસચીરાદીનિ ન ધારેતબ્બાનિ. ન આસાદેતબ્બોતિ ન અપસાદેતબ્બો. અન્તો વા બહિ વાતિ વિહારસ્સ અન્તો વા બહિ વા. ન તિત્થિયાદિપદત્તયં ઉત્તાનમેવ . સેસં સબ્બં પારિવાસિકક્ખન્ધકે વણ્ણયિસ્સામ. સેસં તજ્જનીયે વુત્તનયમેવ. આપત્તિયા અપ્પટિકમ્મે ઉક્ખેપનીયકમ્મં ઇમિના સદિસમેવ.
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
૬૫. અરિટ્ઠવત્થુ ખુદ્દકવણ્ણનાયં વુત્તં. ‘‘ભણ્ડનકારકો’’તિઆદીસુ યં દિટ્ઠિં નિસ્સાય ભણ્ડનાદીનિ કરોતિ, તસ્સા અપ્પટિનિસ્સગ્ગેયેવ કમ્મં કાતબ્બં. સેસં તજ્જનીયે વુત્તનયમેવ. સમ્માવત્તનાયમ્પિ હિ ઇધ તેચત્તાલીસંયેવ વત્તાનીતિ.
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
આપત્તિયા અદસ્સને ઉક્ખેપનીયકમ્મકથા નિટ્ઠિતા.
Āpattiyā adassane ukkhepanīyakammakathā niṭṭhitā.
કમ્મક્ખન્ધકવણ્ણના નિટ્ઠિતા.
Kammakkhandhakavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi
૫. આપત્તિયા અદસ્સને ઉક્ખેપનીયકમ્મં • 5. Āpattiyā adassane ukkhepanīyakammaṃ
આકઙ્ખમાનછક્કં • Ākaṅkhamānachakkaṃ
તેચત્તાલીસવત્તં • Tecattālīsavattaṃ
૭. પાપિકાય દિટ્ઠિયા અપ્પટિનિસ્સગ્ગે ઉક્ખેપનીયકમ્મં • 7. Pāpikāya diṭṭhiyā appaṭinissagge ukkhepanīyakammaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / આપત્તિયા અદસ્સને ઉક્ખેપનીયકમ્મકથાવણ્ણના • Āpattiyā adassane ukkhepanīyakammakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અધમ્મકમ્મદ્વાદસકકથાવણ્ણના • Adhammakammadvādasakakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / નિયસ્સકમ્મકથાદિવણ્ણના • Niyassakammakathādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૫. આપત્તિયા અદસ્સને ઉક્ખેપનીયકમ્મકથા • 5. Āpattiyā adassane ukkhepanīyakammakathā
