| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
आपत्तिसमुट्ठानगाथावण्णना
Āpattisamuṭṭhānagāthāvaṇṇanā
२८३. ततियो पन गाथावारो दुतियवारेन वुत्तमेवत्थं सङ्गहेत्वा दस्सेतुं वुत्तो। तत्थ कायोव कायिकोति वत्तब्बे वचनविपल्लासेन ‘‘कायिका’’ति वुत्तं। तेनाह ‘‘तेन समुट्ठिता’’ति, कायो समुट्ठानं अक्खातोति अत्थो।
283. Tatiyo pana gāthāvāro dutiyavārena vuttamevatthaṃ saṅgahetvā dassetuṃ vutto. Tattha kāyova kāyikoti vattabbe vacanavipallāsena ‘‘kāyikā’’ti vuttaṃ. Tenāha ‘‘tena samuṭṭhitā’’ti, kāyo samuṭṭhānaṃ akkhātoti attho.
विवेकदस्सिनाति सब्बसङ्खतविवित्तत्ता, ततो विवित्तहेतुत्ता च नीवरणविवेकञ्च निब्बानञ्च दस्सनसीलेन। विभङ्गकोविदाति उभतोविभङ्गकुसलाति आलपनं। इध पनेवं अञ्ञो पुच्छन्तो नाम नत्थि, उपालित्थेरो सयमेव अत्थं पाकटं कातुं पुच्छाविसज्जनञ्च अकासीति इमिना नयेन सब्बत्थ अत्थो वेदितब्बो।
Vivekadassināti sabbasaṅkhatavivittattā, tato vivittahetuttā ca nīvaraṇavivekañca nibbānañca dassanasīlena. Vibhaṅgakovidāti ubhatovibhaṅgakusalāti ālapanaṃ. Idha panevaṃ añño pucchanto nāma natthi, upālitthero sayameva atthaṃ pākaṭaṃ kātuṃ pucchāvisajjanañca akāsīti iminā nayena sabbattha attho veditabbo.
आपत्तिसमुट्ठानगाथावण्णना निट्ठिता।
Āpattisamuṭṭhānagāthāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / ३. आपत्तिसमुट्ठानगाथा • 3. Āpattisamuṭṭhānagāthā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / छआपत्तिसमुट्ठानवारादिवण्णना • Chaāpattisamuṭṭhānavārādivaṇṇanā
