| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੪. ਚੁਦ੍ਦਸਮવਗ੍ਗੋ
14. Cuddasamavaggo
(੧੪੪) ੯. ਅਪਰਿਯਾਪਨ੍ਨਕਥਾ
(144) 9. Apariyāpannakathā
੭੦੯. ਦਿਟ੍ਠਿਗਤਂ ਅਪਰਿਯਾਪਨ੍ਨਨ੍ਤਿ? ਆਮਨ੍ਤਾ। ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ, ਸਕਦਾਗਾਮਿਮਗ੍ਗੋ ਸਕਦਾਗਾਮਿਫਲਂ, ਅਨਾਗਾਮਿਮਗ੍ਗੋ ਅਨਾਗਾਮਿਫਲਂ, ਅਰਹਤ੍ਤਮਗ੍ਗੋ ਅਰਹਤ੍ਤਫਲਂ, ਸਤਿਪਟ੍ਠਾਨਂ ਸਮ੍ਮਪ੍ਪਧਾਨਂ ਇਦ੍ਧਿਪਾਦੋ ਇਨ੍ਦ੍ਰਿਯਂ ਬਲਂ ਬੋਜ੍ਝਙ੍ਗੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
709. Diṭṭhigataṃ apariyāpannanti? Āmantā. Maggo phalaṃ nibbānaṃ, sotāpattimaggo sotāpattiphalaṃ, sakadāgāmimaggo sakadāgāmiphalaṃ, anāgāmimaggo anāgāmiphalaṃ, arahattamaggo arahattaphalaṃ, satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti? Na hevaṃ vattabbe…pe….
੭੧੦. ਨ વਤ੍ਤਬ੍ਬਂ – ‘‘ਦਿਟ੍ਠਿਗਤਂ ਅਪਰਿਯਾਪਨ੍ਨ’’ਨ੍ਤਿ? ਆਮਨ੍ਤਾ। ਪੁਥੁਜ੍ਜਨੋ ‘‘ਕਾਮੇਸੁ વੀਤਰਾਗੋ’’ਤਿ વਤ੍ਤਬ੍ਬੋਤਿ? ਆਮਨ੍ਤਾ। ‘‘વਿਗਤਦਿਟ੍ਠਿਯੋ’’ਤਿ વਤ੍ਤਬ੍ਬੋਤਿ? ਨ ਹੇવਂ વਤ੍ਤਬ੍ਬੇ। ਤੇਨ ਹਿ ਦਿਟ੍ਠਿਗਤਂ ਅਪਰਿਯਾਪਨ੍ਨਨ੍ਤਿ।
710. Na vattabbaṃ – ‘‘diṭṭhigataṃ apariyāpanna’’nti? Āmantā. Puthujjano ‘‘kāmesu vītarāgo’’ti vattabboti? Āmantā. ‘‘Vigatadiṭṭhiyo’’ti vattabboti? Na hevaṃ vattabbe. Tena hi diṭṭhigataṃ apariyāpannanti.
ਅਪਰਿਯਾਪਨ੍ਨਕਥਾ ਨਿਟ੍ਠਿਤਾ।
Apariyāpannakathā niṭṭhitā.
ਚੁਦ੍ਦਸਮવਗ੍ਗੋ।
Cuddasamavaggo.
ਤਸ੍ਸੁਦ੍ਦਾਨਂ –
Tassuddānaṃ –
ਅਕੁਸਲਮੂਲਂ ਪਟਿਸਨ੍ਦਹਤਿ ਕੁਸਲਮੂਲਂ, ਕੁਸਲਮੂਲਂ ਪਟਿਸਨ੍ਦਹਤਿ ਅਕੁਸਲਮੂਲਂ, ਸਲ਼ਾਯਤਨਂ ਛવਿਞ੍ਞਾਣਕਾਯਾ, ਅਰਿਯਰੂਪਂ ਮਹਾਭੂਤਾਨਂ ਉਪਾਦਾਯ, ਸ੍વੇવ ਅਨੁਸਯੋ ਤਂ ਪਰਿਯੁਟ੍ਠਾਨਂ, ਪਰਿਯੁਟ੍ਠਾਨਂ ਚਿਤ੍ਤવਿਪ੍ਪਯੁਤ੍ਤਂ, ਯਥਾਧਾਤੁ ਤਞ੍ਞੇવ ਅਨੁਸੇਤਿ, ਦਿਟ੍ਠਿਗਤਂ ਅਬ੍ਯਾਕਤਂ, ਦਿਟ੍ਠਿਗਤਂ ਅਪਰਿਯਾਪਨ੍ਨਨ੍ਤਿ।
Akusalamūlaṃ paṭisandahati kusalamūlaṃ, kusalamūlaṃ paṭisandahati akusalamūlaṃ, saḷāyatanaṃ chaviññāṇakāyā, ariyarūpaṃ mahābhūtānaṃ upādāya, sveva anusayo taṃ pariyuṭṭhānaṃ, pariyuṭṭhānaṃ cittavippayuttaṃ, yathādhātu taññeva anuseti, diṭṭhigataṃ abyākataṃ, diṭṭhigataṃ apariyāpannanti.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੯. ਅਪਰਿਯਾਪਨ੍ਨਕਥਾવਣ੍ਣਨਾ • 9. Apariyāpannakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੯. ਅਪਰਿਯਾਪਨ੍ਨਕਥਾવਣ੍ਣਨਾ • 9. Apariyāpannakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੯. ਅਪਰਿਯਾਪਨ੍ਨਕਥਾવਣ੍ਣਨਾ • 9. Apariyāpannakathāvaṇṇanā
