| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༤. ཙུདྡསམཝགྒོ
14. Cuddasamavaggo
(༡༤༤) ༩. ཨཔརིཡཱཔནྣཀཐཱ
(144) 9. Apariyāpannakathā
༧༠༩. དིཊྛིགཏཾ ཨཔརིཡཱཔནྣནྟི? ཨཱམནྟཱ། མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ, སཀདཱགཱམིམགྒོ སཀདཱགཱམིཕལཾ, ཨནཱགཱམིམགྒོ ཨནཱགཱམིཕལཾ, ཨརཧཏྟམགྒོ ཨརཧཏྟཕལཾ, སཏིཔཊྛཱནཾ སམྨཔྤདྷཱནཾ ཨིདྡྷིཔཱདོ ཨིནྡྲིཡཾ བལཾ བོཛ྄ཛྷངྒོཏི? ན ཧེཝཾ ཝཏྟབྦེ…པེ॰…།
709. Diṭṭhigataṃ apariyāpannanti? Āmantā. Maggo phalaṃ nibbānaṃ, sotāpattimaggo sotāpattiphalaṃ, sakadāgāmimaggo sakadāgāmiphalaṃ, anāgāmimaggo anāgāmiphalaṃ, arahattamaggo arahattaphalaṃ, satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti? Na hevaṃ vattabbe…pe….
༧༡༠. ན ཝཏྟབྦཾ – ‘‘དིཊྛིགཏཾ ཨཔརིཡཱཔནྣ’’ནྟི? ཨཱམནྟཱ། པུཐུཛྫནོ ‘‘ཀཱམེསུ ཝཱིཏརཱགོ’’ཏི ཝཏྟབྦོཏི? ཨཱམནྟཱ། ‘‘ཝིགཏདིཊྛིཡོ’’ཏི ཝཏྟབྦོཏི? ན ཧེཝཾ ཝཏྟབྦེ། ཏེན ཧི དིཊྛིགཏཾ ཨཔརིཡཱཔནྣནྟི།
710. Na vattabbaṃ – ‘‘diṭṭhigataṃ apariyāpanna’’nti? Āmantā. Puthujjano ‘‘kāmesu vītarāgo’’ti vattabboti? Āmantā. ‘‘Vigatadiṭṭhiyo’’ti vattabboti? Na hevaṃ vattabbe. Tena hi diṭṭhigataṃ apariyāpannanti.
ཨཔརིཡཱཔནྣཀཐཱ ནིཊྛིཏཱ།
Apariyāpannakathā niṭṭhitā.
ཙུདྡསམཝགྒོ།
Cuddasamavaggo.
ཏསྶུདྡཱནཾ –
Tassuddānaṃ –
ཨཀུསལམཱུལཾ པཊིསནྡཧཏི ཀུསལམཱུལཾ, ཀུསལམཱུལཾ པཊིསནྡཧཏི ཨཀུསལམཱུལཾ, སལཱ༹ཡཏནཾ ཚཝིཉྙཱཎཀཱཡཱ, ཨརིཡརཱུཔཾ མཧཱབྷཱུཏཱནཾ ཨུཔཱདཱཡ, སྭེཝ ཨནུསཡོ ཏཾ པརིཡུཊྛཱནཾ, པརིཡུཊྛཱནཾ ཙིཏྟཝིཔྤཡུཏྟཾ, ཡཐཱདྷཱཏུ ཏཉྙེཝ ཨནུསེཏི, དིཊྛིགཏཾ ཨབྱཱཀཏཾ, དིཊྛིགཏཾ ཨཔརིཡཱཔནྣནྟི།
Akusalamūlaṃ paṭisandahati kusalamūlaṃ, kusalamūlaṃ paṭisandahati akusalamūlaṃ, saḷāyatanaṃ chaviññāṇakāyā, ariyarūpaṃ mahābhūtānaṃ upādāya, sveva anusayo taṃ pariyuṭṭhānaṃ, pariyuṭṭhānaṃ cittavippayuttaṃ, yathādhātu taññeva anuseti, diṭṭhigataṃ abyākataṃ, diṭṭhigataṃ apariyāpannanti.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༩. ཨཔརིཡཱཔནྣཀཐཱཝཎྞནཱ • 9. Apariyāpannakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༩. ཨཔརིཡཱཔནྣཀཐཱཝཎྞནཱ • 9. Apariyāpannakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༩. ཨཔརིཡཱཔནྣཀཐཱཝཎྞནཱ • 9. Apariyāpannakathāvaṇṇanā
