| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೪. ಚುದ್ದಸಮವಗ್ಗೋ
14. Cuddasamavaggo
(೧೪೪) ೯. ಅಪರಿಯಾಪನ್ನಕಥಾ
(144) 9. Apariyāpannakathā
೭೦೯. ದಿಟ್ಠಿಗತಂ ಅಪರಿಯಾಪನ್ನನ್ತಿ? ಆಮನ್ತಾ। ಮಗ್ಗೋ ಫಲಂ ನಿಬ್ಬಾನಂ, ಸೋತಾಪತ್ತಿಮಗ್ಗೋ ಸೋತಾಪತ್ತಿಫಲಂ, ಸಕದಾಗಾಮಿಮಗ್ಗೋ ಸಕದಾಗಾಮಿಫಲಂ, ಅನಾಗಾಮಿಮಗ್ಗೋ ಅನಾಗಾಮಿಫಲಂ, ಅರಹತ್ತಮಗ್ಗೋ ಅರಹತ್ತಫಲಂ, ಸತಿಪಟ್ಠಾನಂ ಸಮ್ಮಪ್ಪಧಾನಂ ಇದ್ಧಿಪಾದೋ ಇನ್ದ್ರಿಯಂ ಬಲಂ ಬೋಜ್ಝಙ್ಗೋತಿ? ನ ಹೇವಂ ವತ್ತಬ್ಬೇ…ಪೇ॰…।
709. Diṭṭhigataṃ apariyāpannanti? Āmantā. Maggo phalaṃ nibbānaṃ, sotāpattimaggo sotāpattiphalaṃ, sakadāgāmimaggo sakadāgāmiphalaṃ, anāgāmimaggo anāgāmiphalaṃ, arahattamaggo arahattaphalaṃ, satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti? Na hevaṃ vattabbe…pe….
೭೧೦. ನ ವತ್ತಬ್ಬಂ – ‘‘ದಿಟ್ಠಿಗತಂ ಅಪರಿಯಾಪನ್ನ’’ನ್ತಿ? ಆಮನ್ತಾ। ಪುಥುಜ್ಜನೋ ‘‘ಕಾಮೇಸು ವೀತರಾಗೋ’’ತಿ ವತ್ತಬ್ಬೋತಿ? ಆಮನ್ತಾ। ‘‘ವಿಗತದಿಟ್ಠಿಯೋ’’ತಿ ವತ್ತಬ್ಬೋತಿ? ನ ಹೇವಂ ವತ್ತಬ್ಬೇ। ತೇನ ಹಿ ದಿಟ್ಠಿಗತಂ ಅಪರಿಯಾಪನ್ನನ್ತಿ।
710. Na vattabbaṃ – ‘‘diṭṭhigataṃ apariyāpanna’’nti? Āmantā. Puthujjano ‘‘kāmesu vītarāgo’’ti vattabboti? Āmantā. ‘‘Vigatadiṭṭhiyo’’ti vattabboti? Na hevaṃ vattabbe. Tena hi diṭṭhigataṃ apariyāpannanti.
ಅಪರಿಯಾಪನ್ನಕಥಾ ನಿಟ್ಠಿತಾ।
Apariyāpannakathā niṭṭhitā.
ಚುದ್ದಸಮವಗ್ಗೋ।
Cuddasamavaggo.
ತಸ್ಸುದ್ದಾನಂ –
Tassuddānaṃ –
ಅಕುಸಲಮೂಲಂ ಪಟಿಸನ್ದಹತಿ ಕುಸಲಮೂಲಂ, ಕುಸಲಮೂಲಂ ಪಟಿಸನ್ದಹತಿ ಅಕುಸಲಮೂಲಂ, ಸಳಾಯತನಂ ಛವಿಞ್ಞಾಣಕಾಯಾ, ಅರಿಯರೂಪಂ ಮಹಾಭೂತಾನಂ ಉಪಾದಾಯ, ಸ್ವೇವ ಅನುಸಯೋ ತಂ ಪರಿಯುಟ್ಠಾನಂ, ಪರಿಯುಟ್ಠಾನಂ ಚಿತ್ತವಿಪ್ಪಯುತ್ತಂ, ಯಥಾಧಾತು ತಞ್ಞೇವ ಅನುಸೇತಿ, ದಿಟ್ಠಿಗತಂ ಅಬ್ಯಾಕತಂ, ದಿಟ್ಠಿಗತಂ ಅಪರಿಯಾಪನ್ನನ್ತಿ।
Akusalamūlaṃ paṭisandahati kusalamūlaṃ, kusalamūlaṃ paṭisandahati akusalamūlaṃ, saḷāyatanaṃ chaviññāṇakāyā, ariyarūpaṃ mahābhūtānaṃ upādāya, sveva anusayo taṃ pariyuṭṭhānaṃ, pariyuṭṭhānaṃ cittavippayuttaṃ, yathādhātu taññeva anuseti, diṭṭhigataṃ abyākataṃ, diṭṭhigataṃ apariyāpannanti.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೯. ಅಪರಿಯಾಪನ್ನಕಥಾವಣ್ಣನಾ • 9. Apariyāpannakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೯. ಅಪರಿಯಾಪನ್ನಕಥಾವಣ್ಣನಾ • 9. Apariyāpannakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೯. ಅಪರಿಯಾಪನ್ನಕಥಾವಣ್ಣನಾ • 9. Apariyāpannakathāvaṇṇanā
