| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៧. អបរិហានិយសុត្តវណ្ណនា
7. Aparihāniyasuttavaṇṇanā
៣៧. សត្តមេ និព្ពានសន្តិកេយេវ ចរតីតិ កិលេសនិព្ពានស្ស អនុបាទាបរិនិព្ពានស្ស ច សន្តិកេយេវ ចរតិ ‘‘ន ចិរស្សេវ អធិគមិស្សតី’’តិ កត្វា ។ គាថាយ អប្បមាទរតោតិ សមថវិបស្សនាយ អប្បមជ្ជនេ រតោ អភិរតោ, អប្បមាទេនេវ រត្តិន្ទិវំ វីតិនាមេន្តោតិ អត្ថោ។ បមាទំ ភយតោ បស្សន្តោតិ និរយូបបត្តិអាទិភយហេតុតោ បមាទំ ភយតោ បស្សន្តោ។ អភព្ពោ បរិហានាយាតិ សោ ឯវរូបោ សមថវិបស្សនាធម្មេហិ មគ្គផលេហិ វា បរិហានាយ អភព្ពោ។ សមថវិបស្សនាតោ ហិ សម្បត្តតោ ន បរិហាយតិ, ឥតរានិ ច អប្បត្តានិ បាបុណាតីតិ។
37. Sattame nibbānasantikeyeva caratīti kilesanibbānassa anupādāparinibbānassa ca santikeyeva carati ‘‘na cirasseva adhigamissatī’’ti katvā . Gāthāya appamādaratoti samathavipassanāya appamajjane rato abhirato, appamādeneva rattindivaṃ vītināmentoti attho. Pamādaṃ bhayato passantoti nirayūpapattiādibhayahetuto pamādaṃ bhayato passanto. Abhabbo parihānāyāti so evarūpo samathavipassanādhammehi maggaphalehi vā parihānāya abhabbo. Samathavipassanāto hi sampattato na parihāyati, itarāni ca appattāni pāpuṇātīti.
អបរិហានិយសុត្តវណ្ណនា និដ្ឋិតា។
Aparihāniyasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៧. អបរិហានិយសុត្តំ • 7. Aparihāniyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៧. អបរិហានិយសុត្តវណ្ណនា • 7. Aparihāniyasuttavaṇṇanā
