| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৪. চতুত্থৰগ্গো
4. Catutthavaggo
(৪১) ৯. অপরাপি সমন্নাগতকথা
(41) 9. Aparāpi samannāgatakathā
৪০৬. অরহত্তসচ্ছিকিরিযায পটিপন্নো পুগ্গলো তীহি ফলেহি সমন্নাগতোতি? আমন্তা। অরহত্তসচ্ছিকিরিযায পটিপন্নো পুগ্গলো চতূহি ফস্সেহি চতূহি ৰেদনাহি চতূহি সঞ্ঞাহি চতূহি চেতনাহি চতূহি চিত্তেহি চতূহি সদ্ধাহি চতূহি ৰীরিযেহি চতূহি সতীহি চতূহি সমাধীহি চতূহি পঞ্ঞাহি সমন্নাগতোতি? ন হেৰং ৰত্তব্বে…পে॰…।
406. Arahattasacchikiriyāya paṭipanno puggalo tīhi phalehi samannāgatoti? Āmantā. Arahattasacchikiriyāya paṭipanno puggalo catūhi phassehi catūhi vedanāhi catūhi saññāhi catūhi cetanāhi catūhi cittehi catūhi saddhāhi catūhi vīriyehi catūhi satīhi catūhi samādhīhi catūhi paññāhi samannāgatoti? Na hevaṃ vattabbe…pe….
অনাগামিফলসচ্ছিকিরিযায পটিপন্নো পুগ্গলো দ্ৰীহি ফলেহি সমন্নাগতোতি? আমন্তা। অনাগামিফলসচ্ছিকিরিযায পটিপন্নো পুগ্গলো তীহি ফস্সেহি তীহি ৰেদনাহি…পে॰… তীহি পঞ্ঞাহি সমন্নাগতোতি? ন হেৰং ৰত্তব্বে…পে॰…।
Anāgāmiphalasacchikiriyāya paṭipanno puggalo dvīhi phalehi samannāgatoti? Āmantā. Anāgāmiphalasacchikiriyāya paṭipanno puggalo tīhi phassehi tīhi vedanāhi…pe… tīhi paññāhi samannāgatoti? Na hevaṃ vattabbe…pe….
সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। সকদাগামিফলসচ্ছিকিরিযায পটিপন্নো পুগ্গলো দ্ৰীহি ফস্সেহি দ্ৰীহি ৰেদনাহি…পে॰… দ্ৰীহি পঞ্ঞাহি সমন্নাগতোতি? ন হেৰং ৰত্তব্বে…পে॰…।
Sakadāgāmiphalasacchikiriyāya paṭipanno puggalo sotāpattiphalena samannāgatoti? Āmantā. Sakadāgāmiphalasacchikiriyāya paṭipanno puggalo dvīhi phassehi dvīhi vedanāhi…pe… dvīhi paññāhi samannāgatoti? Na hevaṃ vattabbe…pe….
অরহত্তসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। অরহত্তসচ্ছিকিরিযায পটিপন্নো পুগ্গলো সোতাপন্নো সত্তক্খত্তুপরমো, কোলঙ্কোলো, একবীজীতি? ন হেৰং ৰত্তব্বে…পে॰…।
Arahattasacchikiriyāya paṭipanno puggalo sotāpattiphalena samannāgatoti? Āmantā. Arahattasacchikiriyāya paṭipanno puggalo sotāpanno sattakkhattuparamo, kolaṅkolo, ekabījīti? Na hevaṃ vattabbe…pe….
অরহত্তসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা। অরহত্তসচ্ছিকিরিযায পটিপন্নো পুগ্গলো সকদাগামীতি? ন হেৰং ৰত্তব্বে…পে॰…।
Arahattasacchikiriyāya paṭipanno puggalo sakadāgāmiphalena samannāgatoti? Āmantā. Arahattasacchikiriyāya paṭipanno puggalo sakadāgāmīti? Na hevaṃ vattabbe…pe….
অরহত্তসচ্ছিকিরিযায পটিপন্নো পুগ্গলো অনাগামিফলেন সমন্নাগতোতি? আমন্তা। অরহত্তসচ্ছিকিরিযায পটিপন্নো পুগ্গলো অনাগামী অন্তরাপরিনিব্বাযী, উপহচ্চপরিনিব্বাযী, অসঙ্খারপরিনিব্বাযী, সসঙ্খারপরিনিব্বাযী, উদ্ধংসোতো অকনিট্ঠগামীতি? ন হেৰং ৰত্তব্বে…পে॰…।
Arahattasacchikiriyāya paṭipanno puggalo anāgāmiphalena samannāgatoti? Āmantā. Arahattasacchikiriyāya paṭipanno puggalo anāgāmī antarāparinibbāyī, upahaccaparinibbāyī, asaṅkhāraparinibbāyī, sasaṅkhāraparinibbāyī, uddhaṃsoto akaniṭṭhagāmīti? Na hevaṃ vattabbe…pe….
অনাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা । অনাগামিফলসচ্ছিকিরিযায পটিপন্নো পুগ্গলো সোতাপন্নো সত্তক্খত্তুপরমো, কোলঙ্কোলো, একবীজীতি? ন হেৰং ৰত্তব্বে…পে॰…।
Anāgāmiphalasacchikiriyāya paṭipanno puggalo sotāpattiphalena samannāgatoti? Āmantā . Anāgāmiphalasacchikiriyāya paṭipanno puggalo sotāpanno sattakkhattuparamo, kolaṅkolo, ekabījīti? Na hevaṃ vattabbe…pe….
অনাগামিফলসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা। অনাগামিফলসচ্ছিকিরিযায পটিপন্নো পুগ্গলো সকদাগামীতি? ন হেৰং ৰত্তব্বে…পে॰…।
Anāgāmiphalasacchikiriyāya paṭipanno puggalo sakadāgāmiphalena samannāgatoti? Āmantā. Anāgāmiphalasacchikiriyāya paṭipanno puggalo sakadāgāmīti? Na hevaṃ vattabbe…pe….
সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। সকদাগামিফলসচ্ছিকিরিযায পটিপন্নো পুগ্গলো সোতাপন্নো সত্তক্খত্তুপরমো, কোলঙ্কোলো, একবীজীতি? ন হেৰং ৰত্তব্বে…পে॰…।
Sakadāgāmiphalasacchikiriyāya paṭipanno puggalo sotāpattiphalena samannāgatoti? Āmantā. Sakadāgāmiphalasacchikiriyāya paṭipanno puggalo sotāpanno sattakkhattuparamo, kolaṅkolo, ekabījīti? Na hevaṃ vattabbe…pe….
৪০৭. সোতাপত্তিফলেন সমন্নাগতো সোতাপন্নোতি ৰত্তব্বোতি? আমন্তা । অরহত্তসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। স্ৰেৰ অরহত্তসচ্ছিকিরিযায পটিপন্নো পুগ্গলো, সো সোতাপন্নোতি? ন হেৰং ৰত্তব্বে…পে॰…।
407. Sotāpattiphalena samannāgato sotāpannoti vattabboti? Āmantā . Arahattasacchikiriyāya paṭipanno puggalo sotāpattiphalena samannāgatoti? Āmantā. Sveva arahattasacchikiriyāya paṭipanno puggalo, so sotāpannoti? Na hevaṃ vattabbe…pe….
সকদাগামিফলেন সমন্নাগতো সকদাগামীতি ৰত্তব্বোতি? আমন্তা। অরহত্তসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা। স্ৰেৰ অরহত্তসচ্ছিকিরিযায পটিপন্নো পুগ্গলো, সো সকদাগামীতি? ন হেৰং ৰত্তব্বে…পে॰…।
Sakadāgāmiphalena samannāgato sakadāgāmīti vattabboti? Āmantā. Arahattasacchikiriyāya paṭipanno puggalo sakadāgāmiphalena samannāgatoti? Āmantā. Sveva arahattasacchikiriyāya paṭipanno puggalo, so sakadāgāmīti? Na hevaṃ vattabbe…pe….
অনাগামিফলেন সমন্নাগতো অনাগামীতি ৰত্তব্বোতি? আমন্তা। অরহত্তসচ্ছিকিরিযায পটিপন্নো পুগ্গলো অনাগামিফলেন সমন্নাগতোতি? আমন্তা । স্ৰেৰ অরহত্তসচ্ছিকিরিযায পটিপন্নো পুগ্গলো, সো অনাগামীতি? ন হেৰং ৰত্তব্বে…পে॰…।
Anāgāmiphalena samannāgato anāgāmīti vattabboti? Āmantā. Arahattasacchikiriyāya paṭipanno puggalo anāgāmiphalena samannāgatoti? Āmantā . Sveva arahattasacchikiriyāya paṭipanno puggalo, so anāgāmīti? Na hevaṃ vattabbe…pe….
সোতাপত্তিফলেন সমন্নাগতো সোতাপন্নোতি ৰত্তব্বোতি? আমন্তা। অনাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। স্ৰেৰ অনাগামিফলসচ্ছিকিরিযায পটিপন্নো পুগ্গলো, সো সোতাপন্নোতি? ন হেৰং ৰত্তব্বে…পে॰…।
Sotāpattiphalena samannāgato sotāpannoti vattabboti? Āmantā. Anāgāmiphalasacchikiriyāya paṭipanno puggalo sotāpattiphalena samannāgatoti? Āmantā. Sveva anāgāmiphalasacchikiriyāya paṭipanno puggalo, so sotāpannoti? Na hevaṃ vattabbe…pe….
সকদাগামিফলেন সমন্নাগতো সকদাগামীতি ৰত্তব্বোতি? আমন্তা। অনাগামিফলসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা। স্ৰেৰ অনাগামিফলসচ্ছিকিরিযায পটিপন্নো পুগ্গলো, সো সকদাগামীতি? ন হেৰং ৰত্তব্বে…পে॰…।
Sakadāgāmiphalena samannāgato sakadāgāmīti vattabboti? Āmantā. Anāgāmiphalasacchikiriyāya paṭipanno puggalo sakadāgāmiphalena samannāgatoti? Āmantā. Sveva anāgāmiphalasacchikiriyāya paṭipanno puggalo, so sakadāgāmīti? Na hevaṃ vattabbe…pe….
সোতাপত্তিফলেন সমন্নাগতো সোতাপন্নোতি ৰত্তব্বোতি? আমন্তা । সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। স্ৰেৰ সকদাগামিফলসচ্ছিকিরিযায পটিপন্নো পুগ্গলো, সো সোতাপন্নোতি? ন হেৰং ৰত্তব্বে…পে॰…।
Sotāpattiphalena samannāgato sotāpannoti vattabboti? Āmantā . Sakadāgāmiphalasacchikiriyāya paṭipanno puggalo sotāpattiphalena samannāgatoti? Āmantā. Sveva sakadāgāmiphalasacchikiriyāya paṭipanno puggalo, so sotāpannoti? Na hevaṃ vattabbe…pe….
৪০৮. অরহত্তসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। ননু অরহত্তসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তোতি? আমন্তা। হঞ্চি অরহত্তসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, নো চ ৰত রে ৰত্তব্বে – ‘‘অরহত্তসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি।
408. Arahattasacchikiriyāya paṭipanno puggalo sotāpattiphalena samannāgatoti? Āmantā. Nanu arahattasacchikiriyāya paṭipanno puggalo sotāpattiphalaṃ vītivattoti? Āmantā. Hañci arahattasacchikiriyāya paṭipanno puggalo sotāpattiphalaṃ vītivatto, no ca vata re vattabbe – ‘‘arahattasacchikiriyāya paṭipanno puggalo sotāpattiphalena samannāgato’’ti.
অরহত্তসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, তেন সমন্নাগতোতি? আমন্তা। অরহত্তসচ্ছিকিরিযায পটিপন্নো পুগ্গলো সোতাপত্তিমগ্গং ৰীতিৰত্তো, সক্কাযদিট্ঠিং ৰিচিকিচ্ছং সীলব্বতপরামাসং অপাযগমনীযং রাগং অপাযগমনীযং দোসং অপাযগমনীযং মোহং ৰীতিৰত্তো, তেন সমন্নাগতোতি? ন হেৰং ৰত্তব্বে…পে॰…।
Arahattasacchikiriyāya paṭipanno puggalo sotāpattiphalaṃ vītivatto, tena samannāgatoti? Āmantā. Arahattasacchikiriyāya paṭipanno puggalo sotāpattimaggaṃ vītivatto, sakkāyadiṭṭhiṃ vicikicchaṃ sīlabbataparāmāsaṃ apāyagamanīyaṃ rāgaṃ apāyagamanīyaṃ dosaṃ apāyagamanīyaṃ mohaṃ vītivatto, tena samannāgatoti? Na hevaṃ vattabbe…pe….
অরহত্তসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা। ননু অরহত্তসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তোতি? আমন্তা। হঞ্চি অরহত্তসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তো, নো চ ৰত রে ৰত্তব্বে – ‘‘অরহত্তসচ্ছিকিরিযায পটিপন্নো পুগ্গলো সকদাগামিফলেন সমন্নাগতো’’তি।
Arahattasacchikiriyāya paṭipanno puggalo sakadāgāmiphalena samannāgatoti? Āmantā. Nanu arahattasacchikiriyāya paṭipanno puggalo sakadāgāmiphalaṃ vītivattoti? Āmantā. Hañci arahattasacchikiriyāya paṭipanno puggalo sakadāgāmiphalaṃ vītivatto, no ca vata re vattabbe – ‘‘arahattasacchikiriyāya paṭipanno puggalo sakadāgāmiphalena samannāgato’’ti.
অরহত্তসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তো, তেন সমন্নাগতোতি? আমন্তা। অরহত্তসচ্ছিকিরিযায পটিপন্নো পুগ্গলো সকদাগামিমগ্গং ৰীতিৰত্তো, ওল়ারিকং কামরাগং ওল়ারিকং ব্যাপাদং ৰীতিৰত্তো, তেন সমন্নাগতোতি? ন হেৰং ৰত্তব্বে…পে॰…।
Arahattasacchikiriyāya paṭipanno puggalo sakadāgāmiphalaṃ vītivatto, tena samannāgatoti? Āmantā. Arahattasacchikiriyāya paṭipanno puggalo sakadāgāmimaggaṃ vītivatto, oḷārikaṃ kāmarāgaṃ oḷārikaṃ byāpādaṃ vītivatto, tena samannāgatoti? Na hevaṃ vattabbe…pe….
অরহত্তসচ্ছিকিরিযায পটিপন্নো পুগ্গলো অনাগামিফলেন সমন্নাগতোতি? আমন্তা। ননু অরহত্তসচ্ছিকিরিযায পটিপন্নো পুগ্গলো অনাগামিফলং ৰীতিৰত্তোতি? আমন্তা। হঞ্চি অরহত্তসচ্ছিকিরিযায পটিপন্নো পুগ্গলো অনাগামিফলং ৰীতিৰত্তো, নো চ ৰত রে ৰত্তব্বে – ‘‘অরহত্তসচ্ছিকিরিযায পটিপন্নো পুগ্গলো অনাগামিফলেন সমন্নাগতো’’তি।
Arahattasacchikiriyāya paṭipanno puggalo anāgāmiphalena samannāgatoti? Āmantā. Nanu arahattasacchikiriyāya paṭipanno puggalo anāgāmiphalaṃ vītivattoti? Āmantā. Hañci arahattasacchikiriyāya paṭipanno puggalo anāgāmiphalaṃ vītivatto, no ca vata re vattabbe – ‘‘arahattasacchikiriyāya paṭipanno puggalo anāgāmiphalena samannāgato’’ti.
অরহত্তসচ্ছিকিরিযায পটিপন্নো পুগ্গলো অনাগামিফলং ৰীতিৰত্তো, তেন সমন্নাগতোতি? আমন্তা। অরহত্তসচ্ছিকিরিযায পটিপন্নো পুগ্গলো অনাগামিমগ্গং ৰীতিৰত্তো, অণুসহগতং কামরাগং অণুসহগতং ব্যাপাদং ৰীতিৰত্তো, তেন সমন্নাগতোতি? ন হেৰং ৰত্তব্বে…পে॰…।
Arahattasacchikiriyāya paṭipanno puggalo anāgāmiphalaṃ vītivatto, tena samannāgatoti? Āmantā. Arahattasacchikiriyāya paṭipanno puggalo anāgāmimaggaṃ vītivatto, aṇusahagataṃ kāmarāgaṃ aṇusahagataṃ byāpādaṃ vītivatto, tena samannāgatoti? Na hevaṃ vattabbe…pe….
৪০৯. অনাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। ননু অনাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তোতি? আমন্তা। হঞ্চি অনাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, নো চ ৰত রে ৰত্তব্বে – ‘‘অনাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি।
409. Anāgāmiphalasacchikiriyāya paṭipanno puggalo sotāpattiphalena samannāgatoti? Āmantā. Nanu anāgāmiphalasacchikiriyāya paṭipanno puggalo sotāpattiphalaṃ vītivattoti? Āmantā. Hañci anāgāmiphalasacchikiriyāya paṭipanno puggalo sotāpattiphalaṃ vītivatto, no ca vata re vattabbe – ‘‘anāgāmiphalasacchikiriyāya paṭipanno puggalo sotāpattiphalena samannāgato’’ti.
অনাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, তেন সমন্নাগতোতি? আমন্তা। অনাগামিফলসচ্ছিকিরিযায পটিপন্নো পুগ্গলো সোতাপত্তিমগ্গং ৰীতিৰত্তো, সক্কাযদিট্ঠিং…পে॰… অপাযগমনীযং মোহং ৰীতিৰত্তো, তেন সমন্নাগতোতি? ন হেৰং ৰত্তব্বে…পে॰…।
Anāgāmiphalasacchikiriyāya paṭipanno puggalo sotāpattiphalaṃ vītivatto, tena samannāgatoti? Āmantā. Anāgāmiphalasacchikiriyāya paṭipanno puggalo sotāpattimaggaṃ vītivatto, sakkāyadiṭṭhiṃ…pe… apāyagamanīyaṃ mohaṃ vītivatto, tena samannāgatoti? Na hevaṃ vattabbe…pe….
অনাগামিফলসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা। ননু অনাগামিফলসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তোতি? আমন্তা। হঞ্চি অনাগামিফলসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তো, নো চ ৰত রে ৰত্তব্বে – ‘‘অনাগামিফলসচ্ছিকিরিযায পটিপন্নো পুগ্গলো সকদাগামিফলেন সমন্নাগতো’’তি।
Anāgāmiphalasacchikiriyāya paṭipanno puggalo sakadāgāmiphalena samannāgatoti? Āmantā. Nanu anāgāmiphalasacchikiriyāya paṭipanno puggalo sakadāgāmiphalaṃ vītivattoti? Āmantā. Hañci anāgāmiphalasacchikiriyāya paṭipanno puggalo sakadāgāmiphalaṃ vītivatto, no ca vata re vattabbe – ‘‘anāgāmiphalasacchikiriyāya paṭipanno puggalo sakadāgāmiphalena samannāgato’’ti.
অনাগামিফলসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তো, তেন সমন্নাগতোতি? আমন্তা । অনাগামিফলসচ্ছিকিরিযায পটিপন্নো পুগ্গলো সকদাগামিমগ্গং ৰীতিৰত্তো, ওল়ারিকং কামরাগং ওল়ারিকং ব্যাপাদং ৰীতিৰত্তো, তেন সমন্নাগতোতি? ন হেৰং ৰত্তব্বে…পে॰…।
Anāgāmiphalasacchikiriyāya paṭipanno puggalo sakadāgāmiphalaṃ vītivatto, tena samannāgatoti? Āmantā . Anāgāmiphalasacchikiriyāya paṭipanno puggalo sakadāgāmimaggaṃ vītivatto, oḷārikaṃ kāmarāgaṃ oḷārikaṃ byāpādaṃ vītivatto, tena samannāgatoti? Na hevaṃ vattabbe…pe….
৪১০. সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। ননু সকদাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তোতি? আমন্তা। হঞ্চি সকদাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, নো চ ৰত রে ৰত্তব্বে – ‘‘সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি।
410. Sakadāgāmiphalasacchikiriyāya paṭipanno puggalo sotāpattiphalena samannāgatoti? Āmantā. Nanu sakadāgāmiphalasacchikiriyāya paṭipanno puggalo sotāpattiphalaṃ vītivattoti? Āmantā. Hañci sakadāgāmiphalasacchikiriyāya paṭipanno puggalo sotāpattiphalaṃ vītivatto, no ca vata re vattabbe – ‘‘sakadāgāmiphalasacchikiriyāya paṭipanno puggalo sotāpattiphalena samannāgato’’ti.
সকদাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, তেন সমন্নাগতোতি? আমন্তা। সকদাগামিফলসচ্ছিকিরিযায পটিপন্নো পুগ্গলো সোতাপত্তিমগ্গং ৰীতিৰত্তো , সক্কাযদিট্ঠিং…পে॰… অপাযগমনীযং মোহং ৰীতিৰত্তো, তেন সমন্নাগতোতি? ন হেৰং ৰত্তব্বে…পে॰…।
Sakadāgāmiphalasacchikiriyāya paṭipanno puggalo sotāpattiphalaṃ vītivatto, tena samannāgatoti? Āmantā. Sakadāgāmiphalasacchikiriyāya paṭipanno puggalo sotāpattimaggaṃ vītivatto , sakkāyadiṭṭhiṃ…pe… apāyagamanīyaṃ mohaṃ vītivatto, tena samannāgatoti? Na hevaṃ vattabbe…pe….
৪১১. ন ৰত্তব্বং – ‘‘অরহত্তসচ্ছিকিরিযায পটিপন্নো পুগ্গলো তীহি ফলেহি সমন্নাগতো’’তি? আমন্তা। ননু অরহত্তসচ্ছিকিরিযায পটিপন্নেন পুগ্গলেন তীণি ফলানি পটিলদ্ধানি, তেহি চ অপরিহীনোতি? আমন্তা। হঞ্চি অরহত্তসচ্ছিকিরিযায পটিপন্নেন পুগ্গলেন তীণি ফলানি পটিলদ্ধানি তেহি চ অপরিহীনো, তেন ৰত রে ৰত্তব্বে – ‘‘অরহত্তসচ্ছিকিরিযায পটিপন্নো পুগ্গলো তীহি ফলেহি সমন্নাগতো’’তি।
411. Na vattabbaṃ – ‘‘arahattasacchikiriyāya paṭipanno puggalo tīhi phalehi samannāgato’’ti? Āmantā. Nanu arahattasacchikiriyāya paṭipannena puggalena tīṇi phalāni paṭiladdhāni, tehi ca aparihīnoti? Āmantā. Hañci arahattasacchikiriyāya paṭipannena puggalena tīṇi phalāni paṭiladdhāni tehi ca aparihīno, tena vata re vattabbe – ‘‘arahattasacchikiriyāya paṭipanno puggalo tīhi phalehi samannāgato’’ti.
ন ৰত্তব্বং – ‘‘অনাগামিফলসচ্ছিকিরিযায পটিপন্নো পুগ্গলো দ্ৰীহি ফলেহি সমন্নাগতো’’তি? আমন্তা। ননু অনাগামিফলসচ্ছিকিরিযায পটিপন্নেন পুগ্গলেন দ্ৰে ফলানি পটিলদ্ধানি, তেহি চ অপরিহীনোতি? আমন্তা। হঞ্চি অনাগামিফলসচ্ছিকিরিযায পটিপন্নেন পুগ্গলেন দ্ৰে ফলানি পটিলদ্ধানি তেহি চ অপরিহীনো, তেন ৰত রে ৰত্তব্বে – ‘‘অনাগামিফলসচ্ছিকিরিযায পটিপন্নো পুগ্গলো দ্ৰীহি ফলেহি সমন্নাগতো’’তি।
Na vattabbaṃ – ‘‘anāgāmiphalasacchikiriyāya paṭipanno puggalo dvīhi phalehi samannāgato’’ti? Āmantā. Nanu anāgāmiphalasacchikiriyāya paṭipannena puggalena dve phalāni paṭiladdhāni, tehi ca aparihīnoti? Āmantā. Hañci anāgāmiphalasacchikiriyāya paṭipannena puggalena dve phalāni paṭiladdhāni tehi ca aparihīno, tena vata re vattabbe – ‘‘anāgāmiphalasacchikiriyāya paṭipanno puggalo dvīhi phalehi samannāgato’’ti.
ন ৰত্তব্বং – ‘‘সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি? আমন্তা। ননু সকদাগামিফলসচ্ছিকিরিযায পটিপন্নেন পুগ্গলেন সোতাপত্তিফলং পটিলদ্ধং, তেন চ অপরিহীনোতি? আমন্তা। হঞ্চি সকদাগামিফলসচ্ছিকিরিযায পটিপন্নেন পুগ্গলেন সোতাপত্তিফলং পটিলদ্ধং তেন চ অপরিহীনো, তেন ৰত রে ৰত্তব্বে – ‘‘সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি।
Na vattabbaṃ – ‘‘sakadāgāmiphalasacchikiriyāya paṭipanno puggalo sotāpattiphalena samannāgato’’ti? Āmantā. Nanu sakadāgāmiphalasacchikiriyāya paṭipannena puggalena sotāpattiphalaṃ paṭiladdhaṃ, tena ca aparihīnoti? Āmantā. Hañci sakadāgāmiphalasacchikiriyāya paṭipannena puggalena sotāpattiphalaṃ paṭiladdhaṃ tena ca aparihīno, tena vata re vattabbe – ‘‘sakadāgāmiphalasacchikiriyāya paṭipanno puggalo sotāpattiphalena samannāgato’’ti.
৪১২. অরহত্তসচ্ছিকিরিযায পটিপন্নেন পুগ্গলেন তীণি ফলানি পটিলদ্ধানি তেহি চ অপরিহীনোতি, অরহত্তসচ্ছিকিরিযায পটিপন্নো পুগ্গলো তীহি ফলেহি সমন্নাগতোতি? আমন্তা। অরহত্তসচ্ছিকিরিযায পটিপন্নেন পুগ্গলেন চত্তারো মগ্গা পটিলদ্ধা তেহি চ অপরিহীনোতি, অরহত্তসচ্ছিকিরিযায পটিপন্নো পুগ্গলো চতূহি মগ্গেহি সমন্নাগতোতি? ন হেৰং ৰত্তব্বে…পে॰…।
412. Arahattasacchikiriyāya paṭipannena puggalena tīṇi phalāni paṭiladdhāni tehi ca aparihīnoti, arahattasacchikiriyāya paṭipanno puggalo tīhi phalehi samannāgatoti? Āmantā. Arahattasacchikiriyāya paṭipannena puggalena cattāro maggā paṭiladdhā tehi ca aparihīnoti, arahattasacchikiriyāya paṭipanno puggalo catūhi maggehi samannāgatoti? Na hevaṃ vattabbe…pe….
অনাগামিফলসচ্ছিকিরিযায পটিপন্নেন পুগ্গলেন দ্ৰে ফলানি পটিলদ্ধানি তেহি চ অপরিহীনোতি , অনাগামিফলসচ্ছিকিরিযায পটিপন্নো পুগ্গলো দ্ৰীহি ফলেহি সমন্নাগতোতি? আমন্তা। অনাগামিফলসচ্ছিকিরিযায পটিপন্নেন পুগ্গলেন তযো মগ্গা পটিলদ্ধা তেহি চ অপরিহীনোতি, অনাগামিফলসচ্ছিকিরিযায পটিপন্নো পুগ্গলো তীহি মগ্গেহি সমন্নাগতোতি? ন হেৰং ৰত্তব্বে…পে॰…।
Anāgāmiphalasacchikiriyāya paṭipannena puggalena dve phalāni paṭiladdhāni tehi ca aparihīnoti , anāgāmiphalasacchikiriyāya paṭipanno puggalo dvīhi phalehi samannāgatoti? Āmantā. Anāgāmiphalasacchikiriyāya paṭipannena puggalena tayo maggā paṭiladdhā tehi ca aparihīnoti, anāgāmiphalasacchikiriyāya paṭipanno puggalo tīhi maggehi samannāgatoti? Na hevaṃ vattabbe…pe….
সকদাগামিফলসচ্ছিকিরিযায পটিপন্নেন পুগ্গলেন সোতাপত্তিফলং পটিলদ্ধং তেন চ অপরিহীনোতি, সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা। সকদাগামিফলসচ্ছিকিরিযায পটিপন্নেন পুগ্গলেন দ্ৰে মগ্গা পটিলদ্ধা তেহি চ অপরিহীনোতি, সকদাগামিফলসচ্ছিকিরিযায পটিপন্নো পুগ্গলো দ্ৰীহি মগ্গেহি সমন্নাগতোতি? ন হেৰং ৰত্তব্বে…পে॰…।
Sakadāgāmiphalasacchikiriyāya paṭipannena puggalena sotāpattiphalaṃ paṭiladdhaṃ tena ca aparihīnoti, sakadāgāmiphalasacchikiriyāya paṭipanno puggalo sotāpattiphalena samannāgatoti? Āmantā. Sakadāgāmiphalasacchikiriyāya paṭipannena puggalena dve maggā paṭiladdhā tehi ca aparihīnoti, sakadāgāmiphalasacchikiriyāya paṭipanno puggalo dvīhi maggehi samannāgatoti? Na hevaṃ vattabbe…pe….
অপরাপি সমন্নাগতকথা নিট্ঠিতা।
Aparāpi samannāgatakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৯. অপরাপি সমন্নাগতকথাৰণ্ণনা • 9. Aparāpi samannāgatakathāvaṇṇanā
