| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā |
༩. ཨཔརནྟཱནུདིཊྛིནིདྡེསཝཎྞནཱ
9. Aparantānudiṭṭhiniddesavaṇṇanā
༡༤༢. སཉྙིཾ ཝདནྟཱིཏི སཉྙཱིཝཱདཱ། ཨསཉྙིཾ ཝདནྟཱིཏི ཨསཉྙཱིཝཱདཱ། ནེཝསཉྙཱིནཱསཉྙིཾ ཝདནྟཱིཏི ནེཝསཉྙཱིནཱསཉྙཱིཝཱདཱ། ཨཐ ཝཱ སཉྙཱིཏི པཝཏྟོ ཝཱདོ སཉྙཱིཝཱདོ, སོ ཡེསཾ ཨཏྠཱིཏི ཏེ སཉྙཱིཝཱདཱ, ཏཐཱ ཨསཉྙཱིཝཱདཱ, ནེཝསཉྙཱིནཱསཉྙཱིཝཱདཱ ཙ། ཨུཙྪེདཾ ཝདནྟཱིཏི ཨུཙྪེདཝཱདཱ། དིཊྛདྷམྨོཏི པཙྩཀྑདྷམྨོ, ཏཏྠ ཏཏྠ པཊིལདྡྷཨཏྟབྷཱཝསྶེཏཾ ཨདྷིཝཙནཾ། དིཊྛདྷམྨེ ནིབྦཱནཾ དིཊྛདྷམྨནིབྦཱནཾ, ཨིམསྨིཾཡེཝ ཨཏྟབྷཱཝེ དུཀྑཝཱུཔསམོཏི ཨཏྠོ, ཏཾ ཝདནྟཱིཏི དིཊྛདྷམྨནིབྦཱནཝཱདཱ། ཨིམསྨིཾ པནཏྠེ ཝིཏྠཱརིཡམཱནེ སཱཊྛཀཐཾ སཀལཾ བྲཧྨཛཱལསུཏྟཾ ཝཏྟབྦཾ ཧོཏི། ཨེཝཉྩ སཏི ཨཏིཔཔཉྩོ ཧོཏཱིཏི ན ཝིཏྠཱརིཏོ། ཏདཏྠིཀེཧི ཏཾ ཨཔེཀྑིཏྭཱ གཧེཏབྦོ།
142. Saññiṃ vadantīti saññīvādā. Asaññiṃ vadantīti asaññīvādā. Nevasaññīnāsaññiṃ vadantīti nevasaññīnāsaññīvādā. Atha vā saññīti pavatto vādo saññīvādo, so yesaṃ atthīti te saññīvādā, tathā asaññīvādā, nevasaññīnāsaññīvādā ca. Ucchedaṃ vadantīti ucchedavādā. Diṭṭhadhammoti paccakkhadhammo, tattha tattha paṭiladdhaattabhāvassetaṃ adhivacanaṃ. Diṭṭhadhamme nibbānaṃ diṭṭhadhammanibbānaṃ, imasmiṃyeva attabhāve dukkhavūpasamoti attho, taṃ vadantīti diṭṭhadhammanibbānavādā. Imasmiṃ panatthe vitthāriyamāne sāṭṭhakathaṃ sakalaṃ brahmajālasuttaṃ vattabbaṃ hoti. Evañca sati atipapañco hotīti na vitthārito. Tadatthikehi taṃ apekkhitvā gahetabbo.
ཨཔརནྟཱནུདིཊྛིནིདྡེསཝཎྞནཱ ནིཊྛིཏཱ།
Aparantānudiṭṭhiniddesavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / པཊིསམྦྷིདཱམགྒཔཱལི༹ • Paṭisambhidāmaggapāḷi / ༩. ཨཔརནྟཱནུདིཊྛིནིདྡེསོ • 9. Aparantānudiṭṭhiniddeso
