| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၀. အာပဏသုတ္တဝဏ္ဏနာ
10. Āpaṇasuttavaṇṇanā
၅၂၀. ဥပရိ သဟ ဝိပသ္သနာယ တယော မဂ္ဂာတိ ဝိပသ္သနာယ သဟ သောတာပတ္တိဖလတော ဥပရိ တယော မဂ္ဂာ။ မဂ္ဂာဓိဂမေန ဣဒာနိ ပစ္စက္ခဘူတတ္တာ ‘‘ဣမေ ခော တေ ဓမ္မာ’’တိ ဝုတ္တာ။ တတ္ထ ယံ အဂ္ဂဘူတံ, တသ္သ ဝသေန ဒသ္သေတုံ ‘‘အရဟတ္တဖလိန္ဒ္ရိယံ နာမာ’’တိ ဝုတ္တံ ဣန္ဒ္ရိယဘာဝသာမညေန ဧကဇ္ဈံ ကတ္ဝာ။ အတိဝိဇ္ဈိတ္ဝာ ပသ္သာမီတိ သစ္ဆိကတ္ဝာ ယာထာဝတော ပသ္သာမိ။ စတူဟိ ဣန္ဒ္ရိယေဟီတိ ဝီရိယိန္ဒ္ရိယာဒီဟိ စတူဟိ ဣန္ဒ္ရိယေဟိ။ သာ ဝိပသ္သနာမဂ္ဂဖလသဟဂတာ သိယာတိ မိသ္သကာ ဝုတ္တာ။
520.Uparisaha vipassanāya tayo maggāti vipassanāya saha sotāpattiphalato upari tayo maggā. Maggādhigamena idāni paccakkhabhūtattā ‘‘ime kho te dhammā’’ti vuttā. Tattha yaṃ aggabhūtaṃ, tassa vasena dassetuṃ ‘‘arahattaphalindriyaṃ nāmā’’ti vuttaṃ indriyabhāvasāmaññena ekajjhaṃ katvā. Ativijjhitvā passāmīti sacchikatvā yāthāvato passāmi. Catūhi indriyehīti vīriyindriyādīhi catūhi indriyehi. Sā vipassanāmaggaphalasahagatā siyāti missakā vuttā.
ဇရာဝဂ္ဂဝဏ္ဏနာ နိဋ္ဌိတာ။
Jarāvaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. အာပဏသုတ္တံ • 10. Āpaṇasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. အာပဏသုတ္တဝဏ္ဏနာ • 10. Āpaṇasuttavaṇṇanā
