| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਆਪਣਸੁਤ੍ਤਂ
10. Āpaṇasuttaṃ
੫੨੦. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਅਙ੍ਗੇਸੁ વਿਹਰਤਿ ਆਪਣਂ ਨਾਮ ਅਙ੍ਗਾਨਂ ਨਿਗਮੋ। ਤਤ੍ਰ ਖੋ ਭਗવਾ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਆਮਨ੍ਤੇਸਿ – ‘‘ਯੋ ਸੋ, ਸਾਰਿਪੁਤ੍ਤ, ਅਰਿਯਸਾવਕੋ ਤਥਾਗਤੇ ਏਕਨ੍ਤਗਤੋ 1 ਅਭਿਪ੍ਪਸਨ੍ਨੋ, ਨ ਸੋ ਤਥਾਗਤੇ વਾ ਤਥਾਗਤਸਾਸਨੇ વਾ ਕਙ੍ਖੇਯ੍ਯ વਾ વਿਚਿਕਿਚ੍ਛੇਯ੍ਯ વਾ’’ਤਿ?
520. Evaṃ me sutaṃ – ekaṃ samayaṃ bhagavā aṅgesu viharati āpaṇaṃ nāma aṅgānaṃ nigamo. Tatra kho bhagavā āyasmantaṃ sāriputtaṃ āmantesi – ‘‘yo so, sāriputta, ariyasāvako tathāgate ekantagato 2 abhippasanno, na so tathāgate vā tathāgatasāsane vā kaṅkheyya vā vicikiccheyya vā’’ti?
‘‘ਯੋ ਸੋ, ਭਨ੍ਤੇ, ਅਰਿਯਸਾવਕੋ ਤਥਾਗਤੇ ਏਕਨ੍ਤਗਤੋ ਅਭਿਪ੍ਪਸਨ੍ਨੋ, ਨ ਸੋ ਤਥਾਗਤੇ વਾ ਤਥਾਗਤਸਾਸਨੇ વਾ ਕਙ੍ਖੇਯ੍ਯ વਾ વਿਚਿਕਿਚ੍ਛੇਯ੍ਯ વਾ। ਸਦ੍ਧਸ੍ਸ ਹਿ, ਭਨ੍ਤੇ, ਅਰਿਯਸਾવਕਸ੍ਸ ਏવਂ ਪਾਟਿਕਙ੍ਖਂ ਯਂ ਆਰਦ੍ਧવੀਰਿਯੋ વਿਹਰਿਸ੍ਸਤਿ – ਅਕੁਸਲਾਨਂ ਧਮ੍ਮਾਨਂ ਪਹਾਨਾਯ, ਕੁਸਲਾਨਂ ਧਮ੍ਮਾਨਂ ਉਪਸਮ੍ਪਦਾਯ, ਥਾਮવਾ ਦਲ਼੍ਹਪਰਕ੍ਕਮੋ ਅਨਿਕ੍ਖਿਤ੍ਤਧੁਰੋ ਕੁਸਲੇਸੁ ਧਮ੍ਮੇਸੁ। ਯਂ ਹਿਸ੍ਸ, ਭਨ੍ਤੇ, વੀਰਿਯਂ ਤਦਸ੍ਸ વੀਰਿਯਿਨ੍ਦ੍ਰਿਯਂ।
‘‘Yo so, bhante, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā. Saddhassa hi, bhante, ariyasāvakassa evaṃ pāṭikaṅkhaṃ yaṃ āraddhavīriyo viharissati – akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Yaṃ hissa, bhante, vīriyaṃ tadassa vīriyindriyaṃ.
‘‘ਸਦ੍ਧਸ੍ਸ ਹਿ , ਭਨ੍ਤੇ, ਅਰਿਯਸਾવਕਸ੍ਸ ਆਰਦ੍ਧવੀਰਿਯਸ੍ਸ ਏਤਂ ਪਾਟਿਕਙ੍ਖਂ ਯਂ ਸਤਿਮਾ ਭવਿਸ੍ਸਤਿ, ਪਰਮੇਨ ਸਤਿਨੇਪਕ੍ਕੇਨ ਸਮਨ੍ਨਾਗਤੋ, ਚਿਰਕਤਮ੍ਪਿ ਚਿਰਭਾਸਿਤਮ੍ਪਿ ਸਰਿਤਾ ਅਨੁਸ੍ਸਰਿਤਾ। ਯਾ ਹਿਸ੍ਸ, ਭਨ੍ਤੇ, ਸਤਿ ਤਦਸ੍ਸ ਸਤਿਨ੍ਦ੍ਰਿਯਂ।
‘‘Saddhassa hi , bhante, ariyasāvakassa āraddhavīriyassa etaṃ pāṭikaṅkhaṃ yaṃ satimā bhavissati, paramena satinepakkena samannāgato, cirakatampi cirabhāsitampi saritā anussaritā. Yā hissa, bhante, sati tadassa satindriyaṃ.
‘‘ਸਦ੍ਧਸ੍ਸ ਹਿ, ਭਨ੍ਤੇ, ਅਰਿਯਸਾવਕਸ੍ਸ ਆਰਦ੍ਧવੀਰਿਯਸ੍ਸ ਉਪਟ੍ਠਿਤਸ੍ਸਤਿਨੋ ਏਤਂ ਪਾਟਿਕਙ੍ਖਂ ਯਂ વੋਸ੍ਸਗ੍ਗਾਰਮ੍ਮਣਂ ਕਰਿਤ੍વਾ ਲਭਿਸ੍ਸਤਿ ਸਮਾਧਿਂ, ਲਭਿਸ੍ਸਤਿ ਚਿਤ੍ਤਸ੍ਸ ਏਕਗ੍ਗਤਂ। ਯੋ ਹਿਸ੍ਸ, ਭਨ੍ਤੇ, ਸਮਾਧਿ ਤਦਸ੍ਸ ਸਮਾਧਿਨ੍ਦ੍ਰਿਯਂ।
‘‘Saddhassa hi, bhante, ariyasāvakassa āraddhavīriyassa upaṭṭhitassatino etaṃ pāṭikaṅkhaṃ yaṃ vossaggārammaṇaṃ karitvā labhissati samādhiṃ, labhissati cittassa ekaggataṃ. Yo hissa, bhante, samādhi tadassa samādhindriyaṃ.
‘‘ਸਦ੍ਧਸ੍ਸ ਹਿ, ਭਨ੍ਤੇ, ਅਰਿਯਸਾવਕਸ੍ਸ ਆਰਦ੍ਧવੀਰਿਯਸ੍ਸ ਉਪਟ੍ਠਿਤਸ੍ਸਤਿਨੋ ਸਮਾਹਿਤਚਿਤ੍ਤਸ੍ਸ ਏਤਂ ਪਾਟਿਕਙ੍ਖਂ ਯਂ ਏવਂ ਪਜਾਨਿਸ੍ਸਤਿ – ਅਨਮਤਗ੍ਗੋ ਖੋ ਸਂਸਾਰੋ। ਪੁਬ੍ਬਾ ਕੋਟਿ ਨ ਪਞ੍ਞਾਯਤਿ ਅવਿਜ੍ਜਾਨੀવਰਣਾਨਂ ਸਤ੍ਤਾਨਂ ਤਣ੍ਹਾਸਂਯੋਜਨਾਨਂ ਸਨ੍ਧਾવਤਂ ਸਂਸਰਤਂ। ਅવਿਜ੍ਜਾਯ ਤ੍વੇવ ਤਮੋਕਾਯਸ੍ਸ ਅਸੇਸવਿਰਾਗਨਿਰੋਧੋ ਸਨ੍ਤਮੇਤਂ ਪਦਂ ਪਣੀਤਮੇਤਂ ਪਦਂ, ਯਦਿਦਂ – ਸਬ੍ਬਸਙ੍ਖਾਰਸਮਥੋ ਸਬ੍ਬੂਪਧਿਪਟਿਨਿਸ੍ਸਗ੍ਗੋ ਤਣ੍ਹਾਕ੍ਖਯੋ વਿਰਾਗੋ ਨਿਰੋਧੋ ਨਿਬ੍ਬਾਨਂ 3। ਯਾ ਹਿਸ੍ਸ, ਭਨ੍ਤੇ, ਪਞ੍ਞਾ ਤਦਸ੍ਸ ਪਞ੍ਞਿਨ੍ਦ੍ਰਿਯਂ।
‘‘Saddhassa hi, bhante, ariyasāvakassa āraddhavīriyassa upaṭṭhitassatino samāhitacittassa etaṃ pāṭikaṅkhaṃ yaṃ evaṃ pajānissati – anamataggo kho saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Avijjāya tveva tamokāyassa asesavirāganirodho santametaṃ padaṃ paṇītametaṃ padaṃ, yadidaṃ – sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ 4. Yā hissa, bhante, paññā tadassa paññindriyaṃ.
‘‘ਸਦ੍ਧੋ ਸੋ 5, ਭਨ੍ਤੇ, ਅਰਿਯਸਾવਕੋ ਏવਂ ਪਦਹਿਤ੍વਾ ਪਦਹਿਤ੍વਾ ਏવਂ ਸਰਿਤ੍વਾ ਸਰਿਤ੍વਾ ਏવਂ ਸਮਾਦਹਿਤ੍વਾ ਸਮਾਦਹਿਤ੍વਾ ਏવਂ ਪਜਾਨਿਤ੍વਾ ਪਜਾਨਿਤ੍વਾ ਏવਂ ਅਭਿਸਦ੍ਦਹਤਿ – ‘ਇਮੇ ਖੋ ਤੇ ਧਮ੍ਮਾ ਯੇ ਮੇ ਪੁਬ੍ਬੇ ਸੁਤવਾ ਅਹੇਸੁਂ। ਤੇਨਾਹਂ ਏਤਰਹਿ ਕਾਯੇਨ ਚ ਫੁਸਿਤ੍વਾ વਿਹਰਾਮਿ, ਪਞ੍ਞਾਯ ਚ ਅਤਿવਿਜ੍ਝ 6 ਪਸ੍ਸਾਮੀ’ਤਿ। ਯਾ ਹਿਸ੍ਸ, ਭਨ੍ਤੇ, ਸਦ੍ਧਾ ਤਦਸ੍ਸ ਸਦ੍ਧਿਨ੍ਦ੍ਰਿਯ’’ਨ੍ਤਿ।
‘‘Saddho so 7, bhante, ariyasāvako evaṃ padahitvā padahitvā evaṃ saritvā saritvā evaṃ samādahitvā samādahitvā evaṃ pajānitvā pajānitvā evaṃ abhisaddahati – ‘ime kho te dhammā ye me pubbe sutavā ahesuṃ. Tenāhaṃ etarahi kāyena ca phusitvā viharāmi, paññāya ca ativijjha 8 passāmī’ti. Yā hissa, bhante, saddhā tadassa saddhindriya’’nti.
‘‘ਸਾਧੁ ਸਾਧੁ, ਸਾਰਿਪੁਤ੍ਤ! ਯੋ ਸੋ, ਸਾਰਿਪੁਤ੍ਤ, ਅਰਿਯਸਾવਕੋ ਤਥਾਗਤੇ ਏਕਨ੍ਤਗਤੋ ਅਭਿਪ੍ਪਸਨ੍ਨੋ, ਨ ਸੋ ਤਥਾਗਤੇ વਾ ਤਥਾਗਤਸਾਸਨੇ વਾ ਕਙ੍ਖੇਯ੍ਯ વਾ વਿਚਿਕਿਚ੍ਛੇਯ੍ਯ વਾ। ਸਦ੍ਧਸ੍ਸ ਹਿ, ਸਾਰਿਪੁਤ੍ਤ, ਅਰਿਯਸਾવਕਸ੍ਸ ਏਤਂ ਪਾਟਿਕਙ੍ਖਂ ਯਂ ਆਰਦ੍ਧવੀਰਿਯੋ વਿਹਰਿਸ੍ਸਤਿ – ਅਕੁਸਲਾਨਂ ਧਮ੍ਮਾਨਂ ਪਹਾਨਾਯ, ਕੁਸਲਾਨਂ ਧਮ੍ਮਾਨਂ ਉਪਸਮ੍ਪਦਾਯ, ਥਾਮવਾ ਦਲ਼੍ਹਪਰਕ੍ਕਮੋ ਅਨਿਕ੍ਖਿਤ੍ਤਧੁਰੋ ਕੁਸਲੇਸੁ ਧਮ੍ਮੇਸੁ। ਯਂ ਹਿਸ੍ਸ, ਸਾਰਿਪੁਤ੍ਤ, વੀਰਿਯਂ ਤਦਸ੍ਸ વੀਰਿਯਿਨ੍ਦ੍ਰਿਯਂ।
‘‘Sādhu sādhu, sāriputta! Yo so, sāriputta, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā. Saddhassa hi, sāriputta, ariyasāvakassa etaṃ pāṭikaṅkhaṃ yaṃ āraddhavīriyo viharissati – akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Yaṃ hissa, sāriputta, vīriyaṃ tadassa vīriyindriyaṃ.
‘‘ਸਦ੍ਧਸ੍ਸ ਹਿ, ਸਾਰਿਪੁਤ੍ਤ, ਅਰਿਯਸਾવਕਸ੍ਸ ਆਰਦ੍ਧવੀਰਿਯਸ੍ਸ ਏਤਂ ਪਾਟਿਕਙ੍ਖਂ ਯਂ ਸਤਿਮਾ ਭવਿਸ੍ਸਤਿ, ਪਰਮੇਨ ਸਤਿਨੇਪਕ੍ਕੇਨ ਸਮਨ੍ਨਾਗਤੋ, ਚਿਰਕਤਮ੍ਪਿ ਚਿਰਭਾਸਿਤਮ੍ਪਿ ਸਰਿਤਾ ਅਨੁਸ੍ਸਰਿਤਾ। ਯਾ ਹਿਸ੍ਸ, ਸਾਰਿਪੁਤ੍ਤ, ਸਤਿ ਤਦਸ੍ਸ ਸਤਿਨ੍ਦ੍ਰਿਯਂ।
‘‘Saddhassa hi, sāriputta, ariyasāvakassa āraddhavīriyassa etaṃ pāṭikaṅkhaṃ yaṃ satimā bhavissati, paramena satinepakkena samannāgato, cirakatampi cirabhāsitampi saritā anussaritā. Yā hissa, sāriputta, sati tadassa satindriyaṃ.
‘‘ਸਦ੍ਧਸ੍ਸ ਹਿ, ਸਾਰਿਪੁਤ੍ਤ, ਅਰਿਯਸਾવਕਸ੍ਸ ਆਰਦ੍ਧવੀਰਿਯਸ੍ਸ ਉਪਟ੍ਠਿਤਸ੍ਸਤਿਨੋ ਏਤਂ ਪਾਟਿਕਙ੍ਖਂ ਯਂ વੋਸ੍ਸਗ੍ਗਾਰਮ੍ਮਣਂ ਕਰਿਤ੍વਾ ਲਭਿਸ੍ਸਤਿ ਸਮਾਧਿਂ, ਲਭਿਸ੍ਸਤਿ ਚਿਤ੍ਤਸ੍ਸ ਏਕਗ੍ਗਤਂ। ਯੋ ਹਿਸ੍ਸ, ਸਾਰਿਪੁਤ੍ਤ, ਸਮਾਧਿ ਤਦਸ੍ਸ ਸਮਾਧਿਨ੍ਦ੍ਰਿਯਂ।
‘‘Saddhassa hi, sāriputta, ariyasāvakassa āraddhavīriyassa upaṭṭhitassatino etaṃ pāṭikaṅkhaṃ yaṃ vossaggārammaṇaṃ karitvā labhissati samādhiṃ, labhissati cittassa ekaggataṃ. Yo hissa, sāriputta, samādhi tadassa samādhindriyaṃ.
‘‘ਸਦ੍ਧਸ੍ਸ ਹਿ, ਸਾਰਿਪੁਤ੍ਤ, ਅਰਿਯਸਾવਕਸ੍ਸ ਆਰਦ੍ਧવੀਰਿਯਸ੍ਸ ਉਪਟ੍ਠਿਤਸ੍ਸਤਿਨੋ ਸਮਾਹਿਤਚਿਤ੍ਤਸ੍ਸ ਏਤਂ ਪਾਟਿਕਙ੍ਖਂ ਯਂ ਏવਂ ਪਜਾਨਿਸ੍ਸਤਿ – ਅਨਮਤਗ੍ਗੋ ਖੋ ਸਂਸਾਰੋ। ਪੁਬ੍ਬਾ ਕੋਟਿ ਨ ਪਞ੍ਞਾਯਤਿ ਅવਿਜ੍ਜਾਨੀવਰਣਾਨਂ ਸਤ੍ਤਾਨਂ ਤਣ੍ਹਾਸਂਯੋਜਨਾਨਂ ਸਨ੍ਧਾવਤਂ ਸਂਸਰਤਂ। ਅવਿਜ੍ਜਾਯ ਤ੍વੇવ ਤਮੋਕਾਯਸ੍ਸ ਅਸੇਸવਿਰਾਗਨਿਰੋਧੋ ਸਨ੍ਤਮੇਤਂ ਪਦਂ ਪਣੀਤਮੇਤਂ ਪਦਂ, ਯਦਿਦਂ – ਸਬ੍ਬਸਙ੍ਖਾਰਸਮਥੋ ਸਬ੍ਬੂਪਧਿਪਟਿਨਿਸ੍ਸਗ੍ਗੋ ਤਣ੍ਹਾਕ੍ਖਯੋ વਿਰਾਗੋ ਨਿਰੋਧੋ ਨਿਬ੍ਬਾਨਂ। ਯਾ ਹਿਸ੍ਸ, ਸਾਰਿਪੁਤ੍ਤ, ਪਞ੍ਞਾ ਤਦਸ੍ਸ ਪਞ੍ਞਿਨ੍ਦ੍ਰਿਯਂ।
‘‘Saddhassa hi, sāriputta, ariyasāvakassa āraddhavīriyassa upaṭṭhitassatino samāhitacittassa etaṃ pāṭikaṅkhaṃ yaṃ evaṃ pajānissati – anamataggo kho saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Avijjāya tveva tamokāyassa asesavirāganirodho santametaṃ padaṃ paṇītametaṃ padaṃ, yadidaṃ – sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ. Yā hissa, sāriputta, paññā tadassa paññindriyaṃ.
‘‘ਸਦ੍ਧੋ ਸੋ 9, ਸਾਰਿਪੁਤ੍ਤ, ਅਰਿਯਸਾવਕੋ ਏવਂ ਪਦਹਿਤ੍વਾ ਪਦਹਿਤ੍વਾ ਏવਂ ਸਰਿਤ੍વਾ ਸਰਿਤ੍વਾ ਏવਂ ਸਮਾਦਹਿਤ੍વਾ ਸਮਾਦਹਿਤ੍વਾ ਏવਂ ਪਜਾਨਿਤ੍વਾ ਪਜਾਨਿਤ੍વਾ ਏવਂ ਅਭਿਸਦ੍ਦਹਤਿ – ‘ਇਮੇ ਖੋ ਤੇ ਧਮ੍ਮਾ ਯੇ ਮੇ ਪੁਬ੍ਬੇ ਸੁਤવਾ ਅਹੇਸੁਂ। ਤੇਨਾਹਂ ਏਤਰਹਿ ਕਾਯੇਨ ਚ ਫੁਸਿਤ੍વਾ વਿਹਰਾਮਿ, ਪਞ੍ਞਾਯ ਚ ਅਤਿવਿਜ੍ਝ 10 ਪਸ੍ਸਾਮੀ’ਤਿ। ਯਾ ਹਿਸ੍ਸ, ਸਾਰਿਪੁਤ੍ਤ, ਸਦ੍ਧਾ ਤਦਸ੍ਸ ਸਦ੍ਧਿਨ੍ਦ੍ਰਿਯ’’ਨ੍ਤਿ। ਦਸਮਂ।
‘‘Saddho so 11, sāriputta, ariyasāvako evaṃ padahitvā padahitvā evaṃ saritvā saritvā evaṃ samādahitvā samādahitvā evaṃ pajānitvā pajānitvā evaṃ abhisaddahati – ‘ime kho te dhammā ye me pubbe sutavā ahesuṃ. Tenāhaṃ etarahi kāyena ca phusitvā viharāmi, paññāya ca ativijjha 12 passāmī’ti. Yā hissa, sāriputta, saddhā tadassa saddhindriya’’nti. Dasamaṃ.
ਜਰਾવਗ੍ਗੋ ਪਞ੍ਚਮੋ।
Jarāvaggo pañcamo.
ਤਸ੍ਸੁਦ੍ਦਾਨਂ –
Tassuddānaṃ –
ਜਰਾ ਉਣ੍ਣਾਭੋ ਬ੍ਰਾਹ੍ਮਣੋ, ਸਾਕੇਤੋ ਪੁਬ੍ਬਕੋਟ੍ਠਕੋ।
Jarā uṇṇābho brāhmaṇo, sāketo pubbakoṭṭhako;
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਆਪਣਸੁਤ੍ਤવਣ੍ਣਨਾ • 10. Āpaṇasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਆਪਣਸੁਤ੍ਤવਣ੍ਣਨਾ • 10. Āpaṇasuttavaṇṇanā
