| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೧೨. ಅಪಗತಸುತ್ತವಣ್ಣನಾ
12. Apagatasuttavaṇṇanā
೨೦೧. ‘‘ಅಹಮೇತ’’ನ್ತಿ ಅಹಂಕಾರಾದೀನಂ ಅನವಸೇಸಪ್ಪಹಾನೇನ ಅಚ್ಚನ್ತಮೇವ ಅಪಗತಂ।
201. ‘‘Ahameta’’nti ahaṃkārādīnaṃ anavasesappahānena accantameva apagataṃ.
ಅಪಗತಸುತ್ತವಣ್ಣನಾ ನಿಟ್ಠಿತಾ।
Apagatasuttavaṇṇanā niṭṭhitā.
ದುತಿಯವಗ್ಗವಣ್ಣನಾ ನಿಟ್ಠಿತಾ।
Dutiyavaggavaṇṇanā niṭṭhitā.
ದ್ವೀಸೂತಿ ಪಠಮವಗ್ಗಾದೀಸು। ದೇಸನಾಯ ಅಸೇಕ್ಖಭೂಮಿಯಾ ದೇಸಿತತ್ತಾ ಅಸೇಕ್ಖಭೂಮಿ ಕಥಿತಾ। ಪಠಮೋತಿ ಪಠಮವಗ್ಗೋ ‘‘ಸಾಧು ಮೇ, ಭನ್ತೇ, ಭಗವಾ’’ತಿಆದಿನಾ ಆಯಾಚನ್ತಸ್ಸ, ದುತಿಯೋ ಅನಾಯಾಚನ್ತಸ್ಸ ಥೇರಸ್ಸ ಅಜ್ಝಾಸಯವಸೇನ ಕಥಿತೋ। ವಿಮುತ್ತಿಪರಿಪಾಚನೀಯಧಮ್ಮಾ ನಾಮ ವಿವಟ್ಟಸನ್ನಿಸ್ಸಿತಾ ಸದ್ಧಿನ್ದ್ರಿಯಾದಯೋ। ತೇನ ಪನ ವಿಪಸ್ಸನಾಯ ಕಥಿತತ್ತಾ ಕಥಿತಾ ಏವಾತಿ। ತಂತಂದೇಸನಾನುಸಾರೇನ ಹಿ ಥೇರೋ ತೇ ಧಮ್ಮೇ ಪರಿಪಾಕಂ ಪಾಪೇಸಿ। ತಥಾ ಹಿ ಭಗವಾ ದುತಿಯವಗ್ಗಂ ಅನಾಯಾಚಿತೋಪಿ ದೇಸೇಸಿ।
Dvīsūti paṭhamavaggādīsu. Desanāya asekkhabhūmiyā desitattā asekkhabhūmi kathitā. Paṭhamoti paṭhamavaggo ‘‘sādhu me, bhante, bhagavā’’tiādinā āyācantassa, dutiyo anāyācantassa therassa ajjhāsayavasena kathito. Vimuttiparipācanīyadhammā nāma vivaṭṭasannissitā saddhindriyādayo. Tena pana vipassanāya kathitattā kathitā evāti. Taṃtaṃdesanānusārena hi thero te dhamme paripākaṃ pāpesi. Tathā hi bhagavā dutiyavaggaṃ anāyācitopi desesi.
ಸಾರತ್ಥಪ್ಪಕಾಸಿನಿಯಾ ಸಂಯುತ್ತನಿಕಾಯ-ಅಟ್ಠಕಥಾಯ
Sāratthappakāsiniyā saṃyuttanikāya-aṭṭhakathāya
ರಾಹುಲಸಂಯುತ್ತವಣ್ಣನಾಯ ಲೀನತ್ಥಪ್ಪಕಾಸನಾ ಸಮತ್ತಾ।
Rāhulasaṃyuttavaṇṇanāya līnatthappakāsanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೨. ಅಪಗತಸುತ್ತಂ • 12. Apagatasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೨. ಅಪಗತಸುತ್ತವಣ್ಣನಾ • 12. Apagatasuttavaṇṇanā
