| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
१२. अपगतसुत्तवण्णना
12. Apagatasuttavaṇṇanā
२०१. द्वादसमे अहङ्कारममङ्कारमानापगतन्ति अहंकारतो च ममंकारतो च मानतो च अपगतं। विधा समतिक्कन्तन्ति मानकोट्ठासे सुट्ठु अतिक्कन्तं। सन्तं सुविमुत्तन्ति किलेसवूपसमेन सन्तं, किलेसेहेव सुट्ठु विमुत्तं। सेसं उत्तानमेवाति। द्वादसमं।
201. Dvādasame ahaṅkāramamaṅkāramānāpagatanti ahaṃkārato ca mamaṃkārato ca mānato ca apagataṃ. Vidhā samatikkantanti mānakoṭṭhāse suṭṭhu atikkantaṃ. Santaṃ suvimuttanti kilesavūpasamena santaṃ, kileseheva suṭṭhu vimuttaṃ. Sesaṃ uttānamevāti. Dvādasamaṃ.
दुतियो वग्गो।
Dutiyo vaggo.
द्वीसुपि असेक्खभूमि कथिता। पठमो पनेत्थ आयाचन्तस्स देसितो, दुतियो अनायाचन्तस्स। सकलेपि पन राहुलसंयुत्ते थेरस्स विमुत्तिपरिपाचनीयधम्माव कथिताति।
Dvīsupi asekkhabhūmi kathitā. Paṭhamo panettha āyācantassa desito, dutiyo anāyācantassa. Sakalepi pana rāhulasaṃyutte therassa vimuttiparipācanīyadhammāva kathitāti.
राहुलसंयुत्तवण्णना निट्ठिता।
Rāhulasaṃyuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १२. अपगतसुत्तं • 12. Apagatasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १२. अपगतसुत्तवण्णना • 12. Apagatasuttavaṇṇanā
