| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
ចោទនាកណ្ឌំ
Codanākaṇḍaṃ
អនុវិជ្ជកកិច្ចវណ្ណនា
Anuvijjakakiccavaṇṇanā
៣៦០. បាឡិយំ យំ ខោ ត្វន្តិអាទីសុ ត្វំ, អាវុសោ, យំ ឥមំ ភិក្ខុំ ចោទេសិ, តំ កិម្ហិ ទោសេ ចោទេសិ, កតរាយ វិបត្តិយា ចោទេសីតិ អត្ថោ។ ឯវំ សព្ពត្ថ។
360. Pāḷiyaṃ yaṃ kho tvantiādīsu tvaṃ, āvuso, yaṃ imaṃ bhikkhuṃ codesi, taṃ kimhi dose codesi, katarāya vipattiyā codesīti attho. Evaṃ sabbattha.
៣៦១. អសុទ្ធបរិសង្កិតោតិ អសុទ្ធាយ អដ្ឋានេ ឧប្បន្នាយ បរិសង្កាយ បរិសង្កិតោ។ តេនាហ ‘‘អមូលកបរិសង្កិតោ’’តិ។
361.Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tenāha ‘‘amūlakaparisaṅkito’’ti.
៣៦៤. បាឡិយំ ឧបោសថោ សាមគ្គត្ថាយាតិ វិសុទ្ធានំ ភិក្ខូនំ អញ្ញោញ្ញនិរបេក្ខោ អហុត្វា ឧបោសថោ ឧបោសថដ្ឋានំ សន្និបតិត្វា ‘‘បារិសុទ្ធិំ អាយស្មន្តោ អារោចេថ, បរិសុទ្ធេត្ថាយស្មន្តោ, បរិសុទ្ធោ អហំ អាវុសោ’’តិអាទិនា អញ្ញមញ្ញំ បរិសុទ្ធិវីមំសនារោចនវសេន អយុត្តេ វិវជ្ជេត្វា យុត្តេហេវ កាយចិត្តសាមគ្គីករណត្ថាយ។
364. Pāḷiyaṃ uposatho sāmaggatthāyāti visuddhānaṃ bhikkhūnaṃ aññoññanirapekkho ahutvā uposatho uposathaṭṭhānaṃ sannipatitvā ‘‘pārisuddhiṃ āyasmanto ārocetha, parisuddhetthāyasmanto, parisuddho ahaṃ āvuso’’tiādinā aññamaññaṃ parisuddhivīmaṃsanārocanavasena ayutte vivajjetvā yutteheva kāyacittasāmaggīkaraṇatthāya.
វិសុទ្ធាយ បវារណាតិ ទិដ្ឋសុតាទីហិ អញ្ញមញ្ញំ កថាបេត្វា វិសុទ្ធិសម្បាទនត្ថាយាតិ អត្ថោ។ ឧភោ ឯតេតិ អាមិសបុគ្គលនិស្សយនេ ឯតេ ឧភោ។
Visuddhāya pavāraṇāti diṭṭhasutādīhi aññamaññaṃ kathāpetvā visuddhisampādanatthāyāti attho. Ubho eteti āmisapuggalanissayane ete ubho.
អនុវិជ្ជកកិច្ចវណ្ណនា និដ្ឋិតា។
Anuvijjakakiccavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
១. អនុវិជ្ជកអនុយោគោ • 1. Anuvijjakaanuyogo
២. ចោទកាទិបដិបត្តិ • 2. Codakādipaṭipatti
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā
អនុវិជ្ជកកិច្ចវណ្ណនា • Anuvijjakakiccavaṇṇanā
ចោទកបុច្ឆាវិស្សជ្ជនាវណ្ណនា • Codakapucchāvissajjanāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អនុវិជ្ជកកិច្ចវណ្ណនា • Anuvijjakakiccavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អនុវិជ្ជកកិច្ចវណ្ណនា • Anuvijjakakiccavaṇṇanā
