| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
चोदनाकण्डं
Codanākaṇḍaṃ
अनुविज्जककिच्चवण्णना
Anuvijjakakiccavaṇṇanā
३६०. पाळियं यं खो त्वन्तिआदीसु त्वं, आवुसो, यं इमं भिक्खुं चोदेसि, तं किम्हि दोसे चोदेसि, कतराय विपत्तिया चोदेसीति अत्थो। एवं सब्बत्थ।
360. Pāḷiyaṃ yaṃ kho tvantiādīsu tvaṃ, āvuso, yaṃ imaṃ bhikkhuṃ codesi, taṃ kimhi dose codesi, katarāya vipattiyā codesīti attho. Evaṃ sabbattha.
३६१. असुद्धपरिसङ्कितोति असुद्धाय अट्ठाने उप्पन्नाय परिसङ्काय परिसङ्कितो। तेनाह ‘‘अमूलकपरिसङ्कितो’’ति।
361.Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tenāha ‘‘amūlakaparisaṅkito’’ti.
३६४. पाळियं उपोसथो सामग्गत्थायाति विसुद्धानं भिक्खूनं अञ्ञोञ्ञनिरपेक्खो अहुत्वा उपोसथो उपोसथट्ठानं सन्निपतित्वा ‘‘पारिसुद्धिं आयस्मन्तो आरोचेथ, परिसुद्धेत्थायस्मन्तो, परिसुद्धो अहं आवुसो’’तिआदिना अञ्ञमञ्ञं परिसुद्धिवीमंसनारोचनवसेन अयुत्ते विवज्जेत्वा युत्तेहेव कायचित्तसामग्गीकरणत्थाय।
364. Pāḷiyaṃ uposatho sāmaggatthāyāti visuddhānaṃ bhikkhūnaṃ aññoññanirapekkho ahutvā uposatho uposathaṭṭhānaṃ sannipatitvā ‘‘pārisuddhiṃ āyasmanto ārocetha, parisuddhetthāyasmanto, parisuddho ahaṃ āvuso’’tiādinā aññamaññaṃ parisuddhivīmaṃsanārocanavasena ayutte vivajjetvā yutteheva kāyacittasāmaggīkaraṇatthāya.
विसुद्धाय पवारणाति दिट्ठसुतादीहि अञ्ञमञ्ञं कथापेत्वा विसुद्धिसम्पादनत्थायाति अत्थो। उभो एतेति आमिसपुग्गलनिस्सयने एते उभो।
Visuddhāya pavāraṇāti diṭṭhasutādīhi aññamaññaṃ kathāpetvā visuddhisampādanatthāyāti attho. Ubho eteti āmisapuggalanissayane ete ubho.
अनुविज्जककिच्चवण्णना निट्ठिता।
Anuvijjakakiccavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
१. अनुविज्जकअनुयोगो • 1. Anuvijjakaanuyogo
२. चोदकादिपटिपत्ति • 2. Codakādipaṭipatti
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā
अनुविज्जककिच्चवण्णना • Anuvijjakakiccavaṇṇanā
चोदकपुच्छाविस्सज्जनावण्णना • Codakapucchāvissajjanāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / अनुविज्जककिच्चवण्णना • Anuvijjakakiccavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / अनुविज्जककिच्चवण्णना • Anuvijjakakiccavaṇṇanā
