| Library / Tipiṭaka / তিপিটক • Tipiṭaka / পরিৰার-অট্ঠকথা • Parivāra-aṭṭhakathā |
চোদনাকণ্ডং
Codanākaṇḍaṃ
অনুৰিজ্জককিচ্চৰণ্ণনা
Anuvijjakakiccavaṇṇanā
৩৬০-৩৬১. ইদানি এৰং উপ্পন্নায চোদনায ৰিনযধরেন কত্তব্বকিচ্চং দস্সেতুং অনুৰিজ্জকেনাতিআদি আরদ্ধং। তত্থ দিট্ঠং দিট্ঠেনাতি গাথায অযমত্থো – একেনেকো মাতুগামেন সদ্ধিং একট্ঠানতো নিক্খমন্তো ৰা পৰিসন্তো ৰা দিট্ঠো, সো তং পারাজিকেন চোদেতি, ইতরো তস্স দস্সনং অনুজানাতি। তং পন দস্সনং পটিচ্চ পারাজিকং ন উপেতি, ন পটিজানাতি। এৰমেত্থ যং তেন দিট্ঠং, তং তস্স ‘‘দিট্ঠো মযা’’তি ইমিনা দিট্ঠৰচনেন সমেতি। যস্মা পন ইতরো তং দস্সনং পটিচ্চ দোসং ন পটিজানাতি, তস্মা অসুদ্ধপরিসঙ্কিতো হোতি; অমূলকপরিসঙ্কিতোতি অত্থো। তস্স পুগ্গলস্স ‘‘সুদ্ধো অহ’’ন্তি পটিঞ্ঞায তেন সদ্ধিং উপোসথো কাতব্বো। সেসগাথাদ্ৰযেপি এসেৰ নযো। সেসং সব্বত্থ উত্তানমেৰাতি।
360-361. Idāni evaṃ uppannāya codanāya vinayadharena kattabbakiccaṃ dassetuṃ anuvijjakenātiādi āraddhaṃ. Tattha diṭṭhaṃ diṭṭhenāti gāthāya ayamattho – ekeneko mātugāmena saddhiṃ ekaṭṭhānato nikkhamanto vā pavisanto vā diṭṭho, so taṃ pārājikena codeti, itaro tassa dassanaṃ anujānāti. Taṃ pana dassanaṃ paṭicca pārājikaṃ na upeti, na paṭijānāti. Evamettha yaṃ tena diṭṭhaṃ, taṃ tassa ‘‘diṭṭho mayā’’ti iminā diṭṭhavacanena sameti. Yasmā pana itaro taṃ dassanaṃ paṭicca dosaṃ na paṭijānāti, tasmā asuddhaparisaṅkito hoti; amūlakaparisaṅkitoti attho. Tassa puggalassa ‘‘suddho aha’’nti paṭiññāya tena saddhiṃ uposatho kātabbo. Sesagāthādvayepi eseva nayo. Sesaṃ sabbattha uttānamevāti.
অনুৰিজ্জককিচ্চৰণ্ণনা নিট্ঠিতা।
Anuvijjakakiccavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১. অনুৰিজ্জকঅনুযোগো • 1. Anuvijjakaanuyogo
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অনুৰিজ্জককিচ্চৰণ্ণনা • Anuvijjakakiccavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অনুৰিজ্জককিচ্চৰণ্ণনা • Anuvijjakakiccavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / অনুৰিজ্জককিচ্চৰণ্ণনা • Anuvijjakakiccavaṇṇanā
