| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੮. ਅਨੁਤ੍ਤਰਿਯਸੁਤ੍ਤવਣ੍ਣਨਾ
8. Anuttariyasuttavaṇṇanā
੮. ਅਟ੍ਠਮੇ ਨਤ੍ਥਿ ਏਤੇਸਂ ਉਤ੍ਤਰਾਨਿ વਿਸਿਟ੍ਠਾਨੀਤਿ ਅਨੁਤ੍ਤਰਾਨਿ, ਅਨੁਤ੍ਤਰਾਨਿ ਏવ ਅਨੁਤ੍ਤਰਿਯਾਨਿ ਯਥਾ ‘‘ਅਨਨ੍ਤਮੇવ ਅਨਨ੍ਤਰਿਯ’’ਨ੍ਤਿ ਆਹ ‘‘ਨਿਰੁਤ੍ਤਰਾਨੀ’’ਤਿ। ਦਸ੍ਸਨਾਨੁਤ੍ਤਰਿਯਂ ਨਾਮ ਫਲવਿਸੇਸਾવਹਤ੍ਤਾ। ਏਸ ਨਯੋ ਸੇਸੇਸੁਪਿ। ਸਤ੍ਤવਿਧਅਰਿਯਧਨਲਾਭੋਤਿ ਸਤ੍ਤવਿਧਸਦ੍ਧਾਦਿਲੋਕੁਤ੍ਤਰਧਨਲਾਭੋ। ਸਿਕ੍ਖਾਤ੍ਤਯਸ੍ਸ ਪੂਰਣਨ੍ਤਿ ਅਧਿਸੀਲਸਿਕ੍ਖਾਦੀਨਂ ਤਿਸ੍ਸਨ੍ਨਂ ਸਿਕ੍ਖਾਨਂ ਪੂਰਣਂ। ਤਤ੍ਥ ਪੂਰਣਂ ਨਿਪ੍ਪਰਿਯਾਯਤੋ ਅਸੇਕ੍ਖਾਨਂ વਸੇਨ વੇਦਿਤਬ੍ਬਂ। ਕਲ੍ਯਾਣਪੁਥੁਜ੍ਜਨਤੋ ਪਟ੍ਠਾਯ ਹਿ ਸਤ੍ਤ ਸੇਖਾ ਤਿਸ੍ਸੋ ਸਿਕ੍ਖਾ ਪੂਰੇਨ੍ਤਿ ਨਾਮ, ਅਰਹਾ ਪਰਿਪੁਣ੍ਣਸਿਕ੍ਖੋਤਿ। ਇਤਿ ਇਮਾਨਿ ਅਨੁਤ੍ਤਰਿਯਾਨਿ ਲੋਕਿਯਲੋਕੁਤ੍ਤਰਾਨਿ ਕਥਿਤਾਨਿ।
8. Aṭṭhame natthi etesaṃ uttarāni visiṭṭhānīti anuttarāni, anuttarāni eva anuttariyāni yathā ‘‘anantameva anantariya’’nti āha ‘‘niruttarānī’’ti. Dassanānuttariyaṃ nāma phalavisesāvahattā. Esa nayo sesesupi. Sattavidhaariyadhanalābhoti sattavidhasaddhādilokuttaradhanalābho. Sikkhāttayassa pūraṇanti adhisīlasikkhādīnaṃ tissannaṃ sikkhānaṃ pūraṇaṃ. Tattha pūraṇaṃ nippariyāyato asekkhānaṃ vasena veditabbaṃ. Kalyāṇaputhujjanato paṭṭhāya hi satta sekhā tisso sikkhā pūrenti nāma, arahā paripuṇṇasikkhoti. Iti imāni anuttariyāni lokiyalokuttarāni kathitāni.
ਅਨੁਤ੍ਤਰਿਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Anuttariyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਅਨੁਤ੍ਤਰਿਯਸੁਤ੍ਤਂ • 8. Anuttariyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮-੯. ਅਨੁਤ੍ਤਰਿਯਸੁਤ੍ਤਾਦਿવਣ੍ਣਨਾ • 8-9. Anuttariyasuttādivaṇṇanā
