| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༩. ཨནུསྶཏིཊྛཱནསུཏྟཝཎྞནཱ
9. Anussatiṭṭhānasuttavaṇṇanā
༩. ནཝམེ ཨནུསྶཏིཡོ ཨེཝ དིཊྛདྷམྨིཀསམྤརཱཡིཀཱདིཧིཏསུཁཱནཾ ཀཱརཎབྷཱཝཏོ ཋཱནཱནཱིཏི ཨནུསྶཏིཊྛཱནཱནི། བུདྡྷགུཎཱརམྨཎཱ སཏཱིཏི ཡཐཱ བུདྡྷཱནུསྶཏི ཝིསེསཱདྷིགམསྶ ཋཱནཾ ཧོཏི, ཨེཝཾ ‘‘ཨིཏིཔི སོ བྷགཝཱ’’ཏིཨཱདིནཱ བུདྡྷགུཎེ ཨཱརབྦྷེ ཨུཔྤནྣཱ སཏི། ཨེཝཾ ཨནུསྶརཏོ ཧི པཱིཏི ཨུཔྤཛྫཏི, སོ ཏཾ པཱིཏིཾ ཁཡཏོ ཝཡཏོ པཊྛཔེཏྭཱ ཨརཧཏྟཾ པཱཔུཎཱཏི། ཨུཔཙཱརཀམྨཊྛཱནཾ ནཱམེཏཾ གིཧཱིནམྤི ལབྦྷཏི། ཨུཔཙཱརཀམྨཊྛཱནནྟི ཙ པཙྩཀྑཏོ ཨུཔཙཱརཛ྄ཛྷཱནཱཝཧཾ ཀམྨཊྛཱནཔརམྤརཱཡ སམྨསནཾ ཡཱཝ ཨརཧཏྟཱ ལོཀིཡལོཀུཏྟརཝིསེསཱཝཧཾ། ཨེས ནཡོ སབྦཏྠ།
9. Navame anussatiyo eva diṭṭhadhammikasamparāyikādihitasukhānaṃ kāraṇabhāvato ṭhānānīti anussatiṭṭhānāni. Buddhaguṇārammaṇā satīti yathā buddhānussati visesādhigamassa ṭhānaṃ hoti, evaṃ ‘‘itipi so bhagavā’’tiādinā buddhaguṇe ārabbhe uppannā sati. Evaṃ anussarato hi pīti uppajjati, so taṃ pītiṃ khayato vayato paṭṭhapetvā arahattaṃ pāpuṇāti. Upacārakammaṭṭhānaṃ nāmetaṃ gihīnampi labbhati. Upacārakammaṭṭhānanti ca paccakkhato upacārajjhānāvahaṃ kammaṭṭhānaparamparāya sammasanaṃ yāva arahattā lokiyalokuttaravisesāvahaṃ. Esa nayo sabbattha.
ཨནུསྶཏིཊྛཱནསུཏྟཝཎྞནཱ ནིཊྛིཏཱ།
Anussatiṭṭhānasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. ཨནུསྶཏིཊྛཱནསུཏྟཾ • 9. Anussatiṭṭhānasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨-༩. ཨནུཏྟརིཡསུཏྟཱདིཝཎྞནཱ • 8-9. Anuttariyasuttādivaṇṇanā
