| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၅. အနုသ္သတိဋ္ဌာနသုတ္တဝဏ္ဏနာ
5. Anussatiṭṭhānasuttavaṇṇanā
၂၅. ပဉ္စမေ အနုသ္သတိဋ္ဌာနာနီတိ အနုသ္သတိကာရဏာနိ။ ဣတိပိ သော ဘဂဝာတိအာဒီနိ ဝိသုဒ္ဓိမဂ္ဂေ (ဝိသုဒ္ဓိ. ၁.၁၂၃ အာဒယော) ဝိတ္ထာရိတာနေဝ။ ဣဒမ္ပိ ခော, ဘိက္ခဝေ, အာရမ္မဏံ ကရိတ္ဝာတိ ဣဒံ ဗုဒ္ဓာနုသ္သတိကမ္မဋ္ဌာနံ အာရမ္မဏံ ကရိတ္ဝာ။ ဝိသုဇ္ဈန္တီတိ ပရမဝိသုဒ္ဓိံ နိဗ္ဗာနံ ပာပုဏန္တိ။ သေသံ သဗ္ဗတ္ထ ဥတ္တာနတ္ထမေဝ။ ဣမသ္မိံ ပန သုတ္တေ ဆ အနုသ္သတိဋ္ဌာနာနိ မိသ္သကာနိ ကထိတာနီတိ ဝေဒိတဗ္ဗာနိ။
25. Pañcame anussatiṭṭhānānīti anussatikāraṇāni. Itipi so bhagavātiādīni visuddhimagge (visuddhi. 1.123 ādayo) vitthāritāneva. Idampi kho, bhikkhave, ārammaṇaṃ karitvāti idaṃ buddhānussatikammaṭṭhānaṃ ārammaṇaṃ karitvā. Visujjhantīti paramavisuddhiṃ nibbānaṃ pāpuṇanti. Sesaṃ sabbattha uttānatthameva. Imasmiṃ pana sutte cha anussatiṭṭhānāni missakāni kathitānīti veditabbāni.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၅. အနုသ္သတိဋ္ဌာနသုတ္တံ • 5. Anussatiṭṭhānasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅. အနုသ္သတိဋ္ဌာနသုတ္တဝဏ္ဏနာ • 5. Anussatiṭṭhānasuttavaṇṇanā
