| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. анусод̇асуд̇д̇аван̣н̣анаа
5. Anusotasuttavaṇṇanā
5. бан̃жамз анусод̇ам̣ г̇ажчад̇ийд̇и сам̣саарасод̇асса анугуулабхаавзна г̇ажчад̇и. бажжанийгабадибад̇д̇ияаад̇и сам̣саарасод̇асса бадигуулавасзна бавад̇д̇аниб̣б̣ид̣̇аанубассанаад̣̇ибадибад̇д̇ияаа . тид̇асабхаавод̇и ажалаббасаад̣̇аад̣̇исаманнааг̇амзна тид̇асабхааво. анааг̇аамий хи ассад̣̇д̇хиязхи гаамарааг̇аб̣яаабаад̣̇зхи агамбанияажид̇д̇ад̇ааяа д̇амхаа логаа анаавад̇д̇ид̇хаммад̇ааяа жа тид̇асабхааво наама. огхам̣ д̇арид̇ваад̇и гаамогхаад̣̇ижад̇уб̣б̣ид̇хам̣ огхам̣ ад̇иггамид̇ваа. барад̇ийрам̣ г̇ад̇од̇и ниб̣б̣аанабаарам̣ г̇ад̇о. б̣раахман̣од̇и б̣аахид̇абаабад̇ааяа б̣раахман̣од̇и сан̇кам̣ г̇ад̇о кийн̣аасаво. д̇знааха ‘‘сздто нид̣̇д̣̇осо’’д̇и. бан̃жавзрагамманд̇и баан̣аад̇ибаад̇аад̣̇ибан̃жад̣̇ужжарид̇ам̣. сахааби д̣̇угкзна сахааби д̣̇оманассзнаад̇и гилзсабарияудтаанз сад̇и уббаннзна д̣̇угкад̣̇оманассзна сад̣̇д̇химби. барибун̣н̣анд̇и д̇иссаннам̣ сигкаанам̣ згааяаби ануунам̣. барисуд̣̇д̇ханд̇и нирубаггилзсам̣. б̣рахмажарияанд̇и сздтажарияам̣. иминаа ваарзна сод̇аабаннасагад̣̇ааг̇аамино гат̇ид̇аа. гим̣ бана д̇з руд̣̇анд̇аа б̣рахмажарияам̣ жаранд̇ийд̇и? аама, гилзсарод̣̇анзна род̣̇анд̇аа жаранд̇и наама, сийласамбанно бут̇уж̇ж̇анабхигку зд̇т̇зва сан̇г̇ахид̇о.
5. Pañcame anusotaṃ gacchatīti saṃsārasotassa anukūlabhāvena gacchati. Paccanīkapaṭipattiyāti saṃsārasotassa paṭikūlavasena pavattanibbidānupassanādipaṭipattiyā . Ṭhitasabhāvoti acalappasādādisamannāgamena ṭhitasabhāvo. Anāgāmī hi assaddhiyehi kāmarāgabyāpādehi akampaniyacittatāya tamhā lokā anāvattidhammatāya ca ṭhitasabhāvo nāma. Oghaṃ taritvāti kāmoghādicatubbidhaṃ oghaṃ atikkamitvā. Paratīraṃ gatoti nibbānapāraṃ gato. Brāhmaṇoti bāhitapāpatāya brāhmaṇoti saṅkhaṃ gato khīṇāsavo. Tenāha ‘‘seṭṭho niddoso’’ti. Pañcaverakammanti pāṇātipātādipañcaduccaritaṃ. Sahāpi dukkhena sahāpi domanassenāti kilesapariyuṭṭhāne sati uppannena dukkhadomanassena saddhimpi. Paripuṇṇanti tissannaṃ sikkhānaṃ ekāyapi anūnaṃ. Parisuddhanti nirupakkilesaṃ. Brahmacariyanti seṭṭhacariyaṃ. Iminā vārena sotāpannasakadāgāmino kathitā. Kiṃ pana te rudantā brahmacariyaṃ carantīti? Āma, kilesarodanena rodantā caranti nāma, sīlasampanno puthujjanabhikkhu ettheva saṅgahito.
жзд̇овимуд̇д̇инд̇и паласамаад̇хим̣. бан̃н̃аавимуд̇д̇инд̇и палан̃аан̣ам̣. чахаагаарзхи баараг̇ад̇од̇и абхин̃н̃аабаараг̇уу, барин̃н̃аабаараг̇уу, бхааванаабаараг̇уу, бахаанабаараг̇уу, сажчигирияаабаараг̇уу, самаабад̇д̇ибаараг̇ууд̇и звам̣ чахи аагаарзхи саб̣б̣ад̇хаммаанам̣ баарам̣ барияосаанам̣ г̇ад̇о. сзсамзд̇т̇а сувин̃н̃зяяамзва.
Cetovimuttinti phalasamādhiṃ. Paññāvimuttinti phalañāṇaṃ. Chahākārehi pāragatoti abhiññāpāragū, pariññāpāragū, bhāvanāpāragū, pahānapāragū, sacchikiriyāpāragū, samāpattipāragūti evaṃ chahi ākārehi sabbadhammānaṃ pāraṃ pariyosānaṃ gato. Sesamettha suviññeyyameva.
анусод̇асуд̇д̇аван̣н̣анаа нидтид̇аа.
Anusotasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. анусод̇асуд̇д̇ам̣ • 5. Anusotasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. анусод̇асуд̇д̇аван̣н̣анаа • 5. Anusotasuttavaṇṇanā
