| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౧౧. అనుసయసుత్తవణ్ణనా
11. Anusayasuttavaṇṇanā
౨౦౦. ఏకాదసమే ఇమస్మిఞ్చ సవిఞ్ఞాణకే కాయేతి అత్తనో సవిఞ్ఞాణకకాయం దస్సేతి, బహిద్ధా చాతి పరస్స సవిఞ్ఞాణకం వా అవిఞ్ఞాణకం వా. పురిమేన వా అత్తనో చ పరస్స చ విఞ్ఞాణమేవ దస్సేతి, పచ్ఛిమేన బహిద్ధా అనిన్ద్రియబద్ధరూపం. అహఙ్కారమమఙ్కారమానానుసయాతి అహంకారదిట్ఠి చ మమంకారతణ్హా చ మానానుసయా చ. న హోన్తీతి ఏతే కిలేసా కథం జానన్తస్స ఏతేసు వత్థూసు న హోన్తీతి పుచ్ఛతి. సమ్మప్పఞ్ఞాయ పస్సతీతి సహ విపస్సనాయ మగ్గపఞ్ఞాయ సుట్ఠు పస్సతి. ఏకాదసమం.
200. Ekādasame imasmiñca saviññāṇake kāyeti attano saviññāṇakakāyaṃ dasseti, bahiddhā cāti parassa saviññāṇakaṃ vā aviññāṇakaṃ vā. Purimena vā attano ca parassa ca viññāṇameva dasseti, pacchimena bahiddhā anindriyabaddharūpaṃ. Ahaṅkāramamaṅkāramānānusayāti ahaṃkāradiṭṭhi ca mamaṃkārataṇhā ca mānānusayā ca. Na hontīti ete kilesā kathaṃ jānantassa etesu vatthūsu na hontīti pucchati. Sammappaññāya passatīti saha vipassanāya maggapaññāya suṭṭhu passati. Ekādasamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧౧. అనుసయసుత్తం • 11. Anusayasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧౧. అనుసయసుత్తవణ్ణనా • 11. Anusayasuttavaṇṇanā
