| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೪. ಅನುರಾಧಸುತ್ತವಣ್ಣನಾ
4. Anurādhasuttavaṇṇanā
೮೬. ತಸ್ಸೇವ ವಿಹಾರಸ್ಸಾತಿ ಮಹಾವನೇ ಯಸ್ಮಿಂ ವಿಹಾರೇ ಭಗವಾ ವಿಹರತಿ, ತಸ್ಸೇವ ವಿಹಾರಸ್ಸ। ಇಮೇತಿ ಅಞ್ಞತಿತ್ಥಿಯಾ। ಯಸ್ಮಾ ಅಯಂ ಥೇರೋ ಠಪನೀಯಂ ಪಞ್ಹಂ ಠಪನೀಯಭಾವೇನ ನ ಠಪೇಸಿ, ತಸ್ಮಾ। ಅಞ್ಞತಿತ್ಥಿಯಾ…ಪೇ॰… ಏತದವೋಚುಂ। ತೇನಾಹ ‘‘ಏಕದೇಸೇನ ಸಾಸನಸಮಯಂ ಜಾನನ್ತಾ’’ತಿ।
86.Tasseva vihārassāti mahāvane yasmiṃ vihāre bhagavā viharati, tasseva vihārassa. Imeti aññatitthiyā. Yasmā ayaṃ thero ṭhapanīyaṃ pañhaṃ ṭhapanīyabhāvena na ṭhapesi, tasmā. Aññatitthiyā…pe… etadavocuṃ. Tenāha ‘‘ekadesena sāsanasamayaṃ jānantā’’ti.
ಗಹಿತಮೇವ ಹೋತಿ ತತೋ ಪಗೇವ ಸಿದ್ಧತ್ತಾ। ತೇನಾಹ ‘‘ತಸ್ಸ ಮೂಲತ್ತಾ’’ತಿ। ಏವನ್ತಿ ‘‘ದುಕ್ಖಞ್ಚೇವ ಪಞ್ಞಪೇಮಿ, ದುಕ್ಖಸ್ಸ ಚ ನಿರೋಧ’’ನ್ತಿ ಏವಂ। ವಟ್ಟವಿವಟ್ಟಮೇವಾತಿ ಪಞ್ಚನ್ನಂ ಪನ ಖನ್ಧಾನಂ ಸಮನುಪಸ್ಸನಾಯ ವಸೇನ ವಟ್ಟಂ, ‘‘ಏವಂ ಪಸ್ಸ’’ನ್ತಿಆದಿನಾ ವಿವಟ್ಟಂ ಕಥಿತಮೇವ।
Gahitameva hoti tato pageva siddhattā. Tenāha ‘‘tassa mūlattā’’ti. Evanti ‘‘dukkhañceva paññapemi, dukkhassa ca nirodha’’nti evaṃ. Vaṭṭavivaṭṭamevāti pañcannaṃ pana khandhānaṃ samanupassanāya vasena vaṭṭaṃ, ‘‘evaṃ passa’’ntiādinā vivaṭṭaṃ kathitameva.
ಅನುರಾಧಸುತ್ತವಣ್ಣನಾ ನಿಟ್ಠಿತಾ।
Anurādhasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಅನುರಾಧಸುತ್ತಂ • 4. Anurādhasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಅನುರಾಧಸುತ್ತವಣ್ಣನಾ • 4. Anurādhasuttavaṇṇanā
