| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. အနုရာဓသုတ္တဝဏ္ဏနာ
4. Anurādhasuttavaṇṇanā
၈၆. တသ္သေဝ ဝိဟာရသ္သာတိ မဟာဝနေ ယသ္မိံ ဝိဟာရေ ဘဂဝာ ဝိဟရတိ, တသ္သေဝ ဝိဟာရသ္သ။ ဣမေတိ အညတိတ္ထိယာ။ ယသ္မာ အယံ ထေရော ဌပနီယံ ပဉ္ဟံ ဌပနီယဘာဝေန န ဌပေသိ, တသ္မာ။ အညတိတ္ထိယာ။ပေ.။ ဧတဒဝောစုံ။ တေနာဟ ‘‘ဧကဒေသေန သာသနသမယံ ဇာနန္တာ’’တိ။
86.Tasseva vihārassāti mahāvane yasmiṃ vihāre bhagavā viharati, tasseva vihārassa. Imeti aññatitthiyā. Yasmā ayaṃ thero ṭhapanīyaṃ pañhaṃ ṭhapanīyabhāvena na ṭhapesi, tasmā. Aññatitthiyā…pe… etadavocuṃ. Tenāha ‘‘ekadesena sāsanasamayaṃ jānantā’’ti.
ဂဟိတမေဝ ဟောတိ တတော ပဂေဝ သိဒ္ဓတ္တာ။ တေနာဟ ‘‘တသ္သ မူလတ္တာ’’တိ။ ဧဝန္တိ ‘‘ဒုက္ခဉ္စေဝ ပညပေမိ, ဒုက္ခသ္သ စ နိရောဓ’’န္တိ ဧဝံ။ ဝဋ္ဋဝိဝဋ္ဋမေဝာတိ ပဉ္စန္နံ ပန ခန္ဓာနံ သမနုပသ္သနာယ ဝသေန ဝဋ္ဋံ, ‘‘ဧဝံ ပသ္သ’’န္တိအာဒိနာ ဝိဝဋ္ဋံ ကထိတမေဝ။
Gahitameva hoti tato pageva siddhattā. Tenāha ‘‘tassa mūlattā’’ti. Evanti ‘‘dukkhañceva paññapemi, dukkhassa ca nirodha’’nti evaṃ. Vaṭṭavivaṭṭamevāti pañcannaṃ pana khandhānaṃ samanupassanāya vasena vaṭṭaṃ, ‘‘evaṃ passa’’ntiādinā vivaṭṭaṃ kathitameva.
အနုရာဓသုတ္တဝဏ္ဏနာ နိဋ္ဌိတာ။
Anurādhasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. အနုရာဓသုတ္တံ • 4. Anurādhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. အနုရာဓသုတ္တဝဏ္ဏနာ • 4. Anurādhasuttavaṇṇanā
