| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. અનુરાધસુત્તવણ્ણના
4. Anurādhasuttavaṇṇanā
૮૬. તસ્સેવ વિહારસ્સાતિ મહાવને યસ્મિં વિહારે ભગવા વિહરતિ, તસ્સેવ વિહારસ્સ. ઇમેતિ અઞ્ઞતિત્થિયા. યસ્મા અયં થેરો ઠપનીયં પઞ્હં ઠપનીયભાવેન ન ઠપેસિ, તસ્મા. અઞ્ઞતિત્થિયા…પે॰… એતદવોચું. તેનાહ ‘‘એકદેસેન સાસનસમયં જાનન્તા’’તિ.
86.Tasseva vihārassāti mahāvane yasmiṃ vihāre bhagavā viharati, tasseva vihārassa. Imeti aññatitthiyā. Yasmā ayaṃ thero ṭhapanīyaṃ pañhaṃ ṭhapanīyabhāvena na ṭhapesi, tasmā. Aññatitthiyā…pe… etadavocuṃ. Tenāha ‘‘ekadesena sāsanasamayaṃ jānantā’’ti.
ગહિતમેવ હોતિ તતો પગેવ સિદ્ધત્તા. તેનાહ ‘‘તસ્સ મૂલત્તા’’તિ. એવન્તિ ‘‘દુક્ખઞ્ચેવ પઞ્ઞપેમિ, દુક્ખસ્સ ચ નિરોધ’’ન્તિ એવં. વટ્ટવિવટ્ટમેવાતિ પઞ્ચન્નં પન ખન્ધાનં સમનુપસ્સનાય વસેન વટ્ટં, ‘‘એવં પસ્સ’’ન્તિઆદિના વિવટ્ટં કથિતમેવ.
Gahitameva hoti tato pageva siddhattā. Tenāha ‘‘tassa mūlattā’’ti. Evanti ‘‘dukkhañceva paññapemi, dukkhassa ca nirodha’’nti evaṃ. Vaṭṭavivaṭṭamevāti pañcannaṃ pana khandhānaṃ samanupassanāya vasena vaṭṭaṃ, ‘‘evaṃ passa’’ntiādinā vivaṭṭaṃ kathitameva.
અનુરાધસુત્તવણ્ણના નિટ્ઠિતા.
Anurādhasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. અનુરાધસુત્તં • 4. Anurādhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. અનુરાધસુત્તવણ્ણના • 4. Anurādhasuttavaṇṇanā
