| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. മഹാവഗ്ഗോ
4. Mahāvaggo
൧-൨. അനുപുബ്ബവിഹാരസുത്താദിവണ്ണനാ
1-2. Anupubbavihārasuttādivaṇṇanā
൩൨-൩൩. ചതുത്ഥസ്സ പഠമേ അനുപുബ്ബവിഹാരാതി അനുപടിപാടിയാ സമാപജ്ജിതബ്ബവിഹാരാ. ദുതിയേ യത്ഥ കാമാ നിരുജ്ഝന്തീതി യസ്മിം ഠാനേ കാമാ വൂപസമ്മന്തി. നിരോധേത്വാതി അപ്പടിവത്തേ കത്വാ. നിച്ഛാതാതി തണ്ഹാദിട്ഠിച്ഛാതാനം അഭാവേന നിച്ഛാതാ. നിബ്ബുതാതി അത്തപരിതാപനകിലേസാനം അഭാവേന നിബ്ബുതാ. തിണ്ണാതി കാമതോ തിണ്ണാ. പാരംഗതാതി കാമേ പാരം ഗതാ. തദങ്ഗേനാതി തേന ഝാനങ്ഗേന. ഏത്ഥ കാമാ നിരുജ്ഝന്തീതി ഏത്ഥ പഠമജ്ഝാനേ കാമാ നിരുജ്ഝന്തി. തേ ചാതി യേ പഠമജ്ഝാനം സമാപജ്ജന്തി, തേ കാമേ നിരോധേത്വാ നിരോധേത്വാ വിഹരന്തി നാമ. പഞ്ജലികോതി പഗ്ഗഹിതഅഞ്ജലികോ ഹുത്വാ. പയിരുപാസേയ്യാതി ഉപട്ഠാപേയ്യ. ഇമിനാ ഉപായേന സബ്ബത്ഥ അത്ഥോ വേദിതബ്ബോ.
32-33. Catutthassa paṭhame anupubbavihārāti anupaṭipāṭiyā samāpajjitabbavihārā. Dutiye yattha kāmā nirujjhantīti yasmiṃ ṭhāne kāmā vūpasammanti. Nirodhetvāti appaṭivatte katvā. Nicchātāti taṇhādiṭṭhicchātānaṃ abhāvena nicchātā. Nibbutāti attaparitāpanakilesānaṃ abhāvena nibbutā. Tiṇṇāti kāmato tiṇṇā. Pāraṃgatāti kāme pāraṃ gatā. Tadaṅgenāti tena jhānaṅgena. Etthakāmā nirujjhantīti ettha paṭhamajjhāne kāmā nirujjhanti. Te cāti ye paṭhamajjhānaṃ samāpajjanti, te kāme nirodhetvā nirodhetvā viharanti nāma. Pañjalikoti paggahitaañjaliko hutvā. Payirupāseyyāti upaṭṭhāpeyya. Iminā upāyena sabbattha attho veditabbo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya
൧. അനുപുബ്ബവിഹാരസുത്തം • 1. Anupubbavihārasuttaṃ
൨. അനുപുബ്ബവിഹാരസമാപത്തിസുത്തം • 2. Anupubbavihārasamāpattisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā)
൧. അനുപുബ്ബവിഹാരസുത്തവണ്ണനാ • 1. Anupubbavihārasuttavaṇṇanā
൨-൩. അനുപുബ്ബവിഹാരസമാപത്തിസുത്താദിവണ്ണനാ • 2-3. Anupubbavihārasamāpattisuttādivaṇṇanā
