| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၄. မဟာဝဂ္ဂော
4. Mahāvaggo
၁-၂. အနုပုဗ္ဗဝိဟာရသုတ္တာဒိဝဏ္ဏနာ
1-2. Anupubbavihārasuttādivaṇṇanā
၃၂-၃၃. စတုတ္ထသ္သ ပဌမေ အနုပုဗ္ဗဝိဟာရာတိ အနုပဋိပာဋိယာ သမာပဇ္ဇိတဗ္ဗဝိဟာရာ။ ဒုတိယေ ယတ္ထ ကာမာ နိရုဇ္ဈန္တီတိ ယသ္မိံ ဌာနေ ကာမာ ဝူပသမ္မန္တိ။ နိရောဓေတ္ဝာတိ အပ္ပဋိဝတ္တေ ကတ္ဝာ။ နိစ္ဆာတာတိ တဏ္ဟာဒိဋ္ဌိစ္ဆာတာနံ အဘာဝေန နိစ္ဆာတာ။ နိဗ္ဗုတာတိ အတ္တပရိတာပနကိလေသာနံ အဘာဝေန နိဗ္ဗုတာ။ တိဏ္ဏာတိ ကာမတော တိဏ္ဏာ။ ပာရံဂတာတိ ကာမေ ပာရံ ဂတာ။ တဒင္ဂေနာတိ တေန ဈာနင္ဂေန။ ဧတ္ထ ကာမာ နိရုဇ္ဈန္တီတိ ဧတ္ထ ပဌမဇ္ဈာနေ ကာမာ နိရုဇ္ဈန္တိ။ တေ စာတိ ယေ ပဌမဇ္ဈာနံ သမာပဇ္ဇန္တိ, တေ ကာမေ နိရောဓေတ္ဝာ နိရောဓေတ္ဝာ ဝိဟရန္တိ နာမ။ ပဉ္ဇလိကောတိ ပဂ္ဂဟိတအဉ္ဇလိကော ဟုတ္ဝာ။ ပယိရုပာသေယ္ယာတိ ဥပဋ္ဌာပေယ္ယ။ ဣမိနာ ဥပာယေန သဗ္ဗတ္ထ အတ္ထော ဝေဒိတဗ္ဗော။
32-33. Catutthassa paṭhame anupubbavihārāti anupaṭipāṭiyā samāpajjitabbavihārā. Dutiye yattha kāmā nirujjhantīti yasmiṃ ṭhāne kāmā vūpasammanti. Nirodhetvāti appaṭivatte katvā. Nicchātāti taṇhādiṭṭhicchātānaṃ abhāvena nicchātā. Nibbutāti attaparitāpanakilesānaṃ abhāvena nibbutā. Tiṇṇāti kāmato tiṇṇā. Pāraṃgatāti kāme pāraṃ gatā. Tadaṅgenāti tena jhānaṅgena. Etthakāmā nirujjhantīti ettha paṭhamajjhāne kāmā nirujjhanti. Te cāti ye paṭhamajjhānaṃ samāpajjanti, te kāme nirodhetvā nirodhetvā viharanti nāma. Pañjalikoti paggahitaañjaliko hutvā. Payirupāseyyāti upaṭṭhāpeyya. Iminā upāyena sabbattha attho veditabbo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၁. အနုပုဗ္ဗဝိဟာရသုတ္တံ • 1. Anupubbavihārasuttaṃ
၂. အနုပုဗ္ဗဝိဟာရသမာပတ္တိသုတ္တံ • 2. Anupubbavihārasamāpattisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā)
၁. အနုပုဗ္ဗဝိဟာရသုတ္တဝဏ္ဏနာ • 1. Anupubbavihārasuttavaṇṇanā
၂-၃. အနုပုဗ္ဗဝိဟာရသမာပတ္တိသုတ္တာဒိဝဏ္ဏနာ • 2-3. Anupubbavihārasamāpattisuttādivaṇṇanā
