| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
४. महावग्गो
4. Mahāvaggo
१-२. अनुपुब्बविहारसुत्तादिवण्णना
1-2. Anupubbavihārasuttādivaṇṇanā
३२-३३. चतुत्थस्स पठमे अनुपुब्बविहाराति अनुपटिपाटिया समापज्जितब्बविहारा। दुतिये यत्थ कामा निरुज्झन्तीति यस्मिं ठाने कामा वूपसम्मन्ति। निरोधेत्वाति अप्पटिवत्ते कत्वा। निच्छाताति तण्हादिट्ठिच्छातानं अभावेन निच्छाता। निब्बुताति अत्तपरितापनकिलेसानं अभावेन निब्बुता। तिण्णाति कामतो तिण्णा। पारंगताति कामे पारं गता। तदङ्गेनाति तेन झानङ्गेन। एत्थ कामा निरुज्झन्तीति एत्थ पठमज्झाने कामा निरुज्झन्ति। ते चाति ये पठमज्झानं समापज्जन्ति, ते कामे निरोधेत्वा निरोधेत्वा विहरन्ति नाम। पञ्जलिकोति पग्गहितअञ्जलिको हुत्वा। पयिरुपासेय्याति उपट्ठापेय्य। इमिना उपायेन सब्बत्थ अत्थो वेदितब्बो।
32-33. Catutthassa paṭhame anupubbavihārāti anupaṭipāṭiyā samāpajjitabbavihārā. Dutiye yattha kāmā nirujjhantīti yasmiṃ ṭhāne kāmā vūpasammanti. Nirodhetvāti appaṭivatte katvā. Nicchātāti taṇhādiṭṭhicchātānaṃ abhāvena nicchātā. Nibbutāti attaparitāpanakilesānaṃ abhāvena nibbutā. Tiṇṇāti kāmato tiṇṇā. Pāraṃgatāti kāme pāraṃ gatā. Tadaṅgenāti tena jhānaṅgena. Etthakāmā nirujjhantīti ettha paṭhamajjhāne kāmā nirujjhanti. Te cāti ye paṭhamajjhānaṃ samāpajjanti, te kāme nirodhetvā nirodhetvā viharanti nāma. Pañjalikoti paggahitaañjaliko hutvā. Payirupāseyyāti upaṭṭhāpeyya. Iminā upāyena sabbattha attho veditabbo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. अनुपुब्बविहारसुत्तं • 1. Anupubbavihārasuttaṃ
२. अनुपुब्बविहारसमापत्तिसुत्तं • 2. Anupubbavihārasamāpattisuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā)
१. अनुपुब्बविहारसुत्तवण्णना • 1. Anupubbavihārasuttavaṇṇanā
२-३. अनुपुब्बविहारसमापत्तिसुत्तादिवण्णना • 2-3. Anupubbavihārasamāpattisuttādivaṇṇanā
