| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༡. ཨནུཔུབྦནིརོདྷསུཏྟཾ
11. Anupubbanirodhasuttaṃ
༣༡. ‘‘ནཝཡིམེ, བྷིཀྑཝེ, ཨནུཔུབྦནིརོདྷཱ། ཀཏམེ ནཝ? པཋམཾ ཛྷཱནཾ སམཱཔནྣསྶ ཀཱམསཉྙཱ 1 ནིརུདྡྷཱ ཧོཏི; དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརཱ ནིརུདྡྷཱ ཧོནྟི; ཏཏིཡཾ ཛྷཱནཾ སམཱཔནྣསྶ པཱིཏི ནིརུདྡྷཱ ཧོཏི; ཙཏུཏྠཾ ཛྷཱནཾ སམཱཔནྣསྶ ཨསྶཱསཔསྶཱསཱ ནིརུདྡྷཱ ཧོནྟི; ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱ ནིརུདྡྷཱ ཧོཏི; ཝིཉྙཱཎཉྩཱཡཏནཾ སམཱཔནྣསྶ ཨཱཀཱསཱནཉྩཱཡཏནསཉྙཱ ནིརུདྡྷཱ ཧོཏི; ཨཱཀིཉྩཉྙཱཡཏནཾ སམཱཔནྣསྶ ཝིཉྙཱཎཉྩཱཡཏནསཉྙཱ ནིརུདྡྷཱ ཧོཏི ; ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱ ནིརུདྡྷཱ ཧོཏི; སཉྙཱཝེདཡིཏནིརོདྷཾ སམཱཔནྣསྶ སཉྙཱ ཙ ཝེདནཱ ཙ ནིརུདྡྷཱ ཧོནྟི། ཨིམེ ཁོ, བྷིཀྑཝེ, ནཝ ཨནུཔུབྦནིརོདྷཱ’’ཏི 2། ཨེཀཱདསམཾ།
31. ‘‘Navayime, bhikkhave, anupubbanirodhā. Katame nava? Paṭhamaṃ jhānaṃ samāpannassa kāmasaññā 3 niruddhā hoti; dutiyaṃ jhānaṃ samāpannassa vitakkavicārā niruddhā honti; tatiyaṃ jhānaṃ samāpannassa pīti niruddhā hoti; catutthaṃ jhānaṃ samāpannassa assāsapassāsā niruddhā honti; ākāsānañcāyatanaṃ samāpannassa rūpasaññā niruddhā hoti; viññāṇañcāyatanaṃ samāpannassa ākāsānañcāyatanasaññā niruddhā hoti; ākiñcaññāyatanaṃ samāpannassa viññāṇañcāyatanasaññā niruddhā hoti ; nevasaññānāsaññāyatanaṃ samāpannassa ākiñcaññāyatanasaññā niruddhā hoti; saññāvedayitanirodhaṃ samāpannassa saññā ca vedanā ca niruddhā honti. Ime kho, bhikkhave, nava anupubbanirodhā’’ti 4. Ekādasamaṃ.
སཏྟཱཝཱསཝགྒོ ཏཏིཡོ།
Sattāvāsavaggo tatiyo.
ཏསྶུདྡཱནཾ –
Tassuddānaṃ –
ཏིཋཱནཾ ཁལུ༹ངྐོ ཏཎྷཱ, སཏྟཔཉྙཱ སིལཱཡུཔོ།
Tiṭhānaṃ khaḷuṅko taṇhā, sattapaññā silāyupo;
དྭེ ཝེརཱ དྭེ ཨཱགྷཱཏཱནི, ཨནུཔུབྦནིརོདྷེན ཙཱཏི༎
Dve verā dve āghātāni, anupubbanirodhena cāti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠-༡༡. ཨཱགྷཱཏཔཊིཝིནཡསུཏྟཱདིཝཎྞནཱ • 10-11. Āghātapaṭivinayasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡༡. ཨནུཔུབྦནིརོདྷསུཏྟཝཎྞནཱ • 11. Anupubbanirodhasuttavaṇṇanā
