| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౧౧. అనుపుబ్బనిరోధసుత్తం
11. Anupubbanirodhasuttaṃ
౩౧. ‘‘నవయిమే, భిక్ఖవే, అనుపుబ్బనిరోధా. కతమే నవ? పఠమం ఝానం సమాపన్నస్స కామసఞ్ఞా 1 నిరుద్ధా హోతి; దుతియం ఝానం సమాపన్నస్స వితక్కవిచారా నిరుద్ధా హోన్తి; తతియం ఝానం సమాపన్నస్స పీతి నిరుద్ధా హోతి; చతుత్థం ఝానం సమాపన్నస్స అస్సాసపస్సాసా నిరుద్ధా హోన్తి; ఆకాసానఞ్చాయతనం సమాపన్నస్స రూపసఞ్ఞా నిరుద్ధా హోతి; విఞ్ఞాణఞ్చాయతనం సమాపన్నస్స ఆకాసానఞ్చాయతనసఞ్ఞా నిరుద్ధా హోతి; ఆకిఞ్చఞ్ఞాయతనం సమాపన్నస్స విఞ్ఞాణఞ్చాయతనసఞ్ఞా నిరుద్ధా హోతి ; నేవసఞ్ఞానాసఞ్ఞాయతనం సమాపన్నస్స ఆకిఞ్చఞ్ఞాయతనసఞ్ఞా నిరుద్ధా హోతి; సఞ్ఞావేదయితనిరోధం సమాపన్నస్స సఞ్ఞా చ వేదనా చ నిరుద్ధా హోన్తి. ఇమే ఖో, భిక్ఖవే, నవ అనుపుబ్బనిరోధా’’తి 2. ఏకాదసమం.
31. ‘‘Navayime, bhikkhave, anupubbanirodhā. Katame nava? Paṭhamaṃ jhānaṃ samāpannassa kāmasaññā 3 niruddhā hoti; dutiyaṃ jhānaṃ samāpannassa vitakkavicārā niruddhā honti; tatiyaṃ jhānaṃ samāpannassa pīti niruddhā hoti; catutthaṃ jhānaṃ samāpannassa assāsapassāsā niruddhā honti; ākāsānañcāyatanaṃ samāpannassa rūpasaññā niruddhā hoti; viññāṇañcāyatanaṃ samāpannassa ākāsānañcāyatanasaññā niruddhā hoti; ākiñcaññāyatanaṃ samāpannassa viññāṇañcāyatanasaññā niruddhā hoti ; nevasaññānāsaññāyatanaṃ samāpannassa ākiñcaññāyatanasaññā niruddhā hoti; saññāvedayitanirodhaṃ samāpannassa saññā ca vedanā ca niruddhā honti. Ime kho, bhikkhave, nava anupubbanirodhā’’ti 4. Ekādasamaṃ.
సత్తావాసవగ్గో తతియో.
Sattāvāsavaggo tatiyo.
తస్సుద్దానం –
Tassuddānaṃ –
తిఠానం ఖళుఙ్కో తణ్హా, సత్తపఞ్ఞా సిలాయుపో;
Tiṭhānaṃ khaḷuṅko taṇhā, sattapaññā silāyupo;
ద్వే వేరా ద్వే ఆఘాతాని, అనుపుబ్బనిరోధేన చాతి.
Dve verā dve āghātāni, anupubbanirodhena cāti.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౧౦-౧౧. ఆఘాతపటివినయసుత్తాదివణ్ణనా • 10-11. Āghātapaṭivinayasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧౧. అనుపుబ్బనిరోధసుత్తవణ్ణనా • 11. Anupubbanirodhasuttavaṇṇanā
