| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
анубан̃н̃ад̇д̇игат̇ааван̣н̣анаа
Anupaññattikathāvaṇṇanā
168. ид̇т̇ийсу бадиб̣ад̣̇д̇хажид̇д̇ад̇аа наама чанд̣̇арааг̇зна саарад̇д̇ад̇аа саабзгкабхаавод̇и ааха ‘‘саарад̇д̇аа абзгкаванд̇о’’д̇и. маран̣асса г̇ун̣агид̇д̇анам̣ ж̇ийвид̇з аад̣̇ийнавад̣̇ассанабуб̣б̣ан̇г̇аманд̇и ааха ‘‘ж̇ийвид̇з аад̣̇ийнавам̣ д̣̇ассзд̇ваа’’д̇и. ‘‘гим̣ д̇уяхиминаа баабагзна д̣̇уж̇ж̇ийвид̇знаа’’д̇и ид̣̇ам̣ ж̇ийвид̇з аад̣̇ийнавад̣̇ассанам̣. ‘‘мад̇ам̣ д̇з ж̇ийвид̇аа сзяяо’’д̇иаад̣̇и бана маран̣аг̇ун̣агид̇д̇ананд̇и д̣̇адтаб̣б̣ам̣. лобхаад̣̇ийнам̣ ад̇ивияа уссаннад̇д̇аа анубабаригкид̇ваа гад̇ам̣ саахасигагаммам̣ гиб̣б̣исанд̇и вужжад̇ийд̇и ааха – ‘‘гиб̣б̣исам̣ саахасигагаммам̣ лобхаад̣̇игилзсуссад̣̇а’’нд̇и. гасмаа ид̣̇ам̣ вужжад̇ийд̇и чаб̣б̣аг̇г̇ияаанам̣язвзд̣̇ам̣ важанам̣. мад̇а-сад̣̇д̣̇о ‘‘г̇ад̇а’’нд̇иаад̣̇ийсу вияа бхаававажанод̇и ааха ‘‘д̇ава маран̣а’’нд̇и. гад̇агаалод̇и гад̇амаран̣агаало. ат̇а ваа гаалод̇и маран̣ассзд̇ам̣ ад̇хиважанам̣, д̇асмаа гад̇агаалод̇и гад̇амаран̣од̇и ад̇т̇о. д̇знзвааха ‘‘гаалам̣ гад̇ваа, марид̇ваа’’д̇и. д̣̇иви бхаваа д̣̇иб̣б̣аад̇и ааха ‘‘д̣̇звалогз уббаннзхий’’д̇и. самаббид̇од̇и яуд̇д̇о. саман̇г̇ийбхууд̇од̇и саммад̣̇зва згийбхаавам̣ г̇ад̇о.
168. Itthīsu paṭibaddhacittatā nāma chandarāgena sārattatā sāpekkhabhāvoti āha ‘‘sārattā apekkhavanto’’ti. Maraṇassa guṇakittanaṃ jīvite ādīnavadassanapubbaṅgamanti āha ‘‘jīvite ādīnavaṃ dassetvā’’ti. ‘‘Kiṃ tuyhiminā pāpakena dujjīvitenā’’ti idaṃ jīvite ādīnavadassanaṃ. ‘‘Mataṃ te jīvitā seyyo’’tiādi pana maraṇaguṇakittananti daṭṭhabbaṃ. Lobhādīnaṃ ativiya ussannattā anupaparikkhitvā kataṃ sāhasikakammaṃ kibbisanti vuccatīti āha – ‘‘kibbisaṃ sāhasikakammaṃ lobhādikilesussada’’nti. Kasmā idaṃ vuccatīti chabbaggiyānaṃyevedaṃ vacanaṃ. Mata-saddo ‘‘gata’’ntiādīsu viya bhāvavacanoti āha ‘‘tava maraṇa’’nti. Katakāloti katamaraṇakālo. Atha vā kāloti maraṇassetaṃ adhivacanaṃ, tasmā katakāloti katamaraṇoti attho. Tenevāha ‘‘kālaṃ katvā, maritvā’’ti. Divi bhavā dibbāti āha ‘‘devaloke uppannehī’’ti. Samappitoti yutto. Samaṅgībhūtoti sammadeva ekībhāvaṃ gato.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аанаабаанассад̇исамаад̇хигат̇ааван̣н̣анаа • Ānāpānassatisamādhikathāvaṇṇanā
