| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. анубад̣̇аваг̇г̇о
2. Anupadavaggo
1. анубад̣̇асуд̇д̇аван̣н̣анаа
1. Anupadasuttavaṇṇanā
93. звам̣ мз суд̇анд̇и анубад̣̇асуд̇д̇ам̣. д̇ад̇т̇а зд̇ад̣̇авожаад̇и зд̇ам̣ (бади. ма. 3.4) ‘‘бан̣д̣ид̇о’’д̇иаад̣̇инаа наязна д̇хаммасзнаабад̇исаарибуд̇д̇ад̇т̇зрасса г̇ун̣агат̇ам̣ авожа. гасмаа? авасзсад̇т̇зрзсу хи махаамог̇г̇аллаанад̇т̇зрасса ид̣̇д̇химаад̇и г̇ун̣о баагадо, махаагассабасса д̇худ̇аваад̣̇од̇и, ануруд̣̇д̇хад̇т̇зрасса д̣̇иб̣б̣ажагкугод̇и, убаалид̇т̇зрасса винаяад̇харод̇и, рзвад̇ад̇т̇зрасса жхааяий жхаанаабхирад̇од̇и, аананд̣̇ад̇т̇зрасса б̣ахуссуд̇од̇и. звам̣ д̇зсам̣ д̇зсам̣ т̇зраанам̣ д̇з д̇з г̇ун̣аа баагадаа, саарибуд̇д̇ад̇т̇зрасса бана абаагадаа. гасмаа? бан̃н̃авад̇о хи г̇ун̣аа на саггаа агат̇ид̇аа ж̇аанид̇ум̣. ид̇и бхаг̇аваа ‘‘саарибуд̇д̇асса г̇ун̣з гат̇зссаамий’’д̇и сабхааг̇абарисааяа саннибаад̇ам̣ ааг̇амзси. висабхааг̇абуг̇г̇алаанан̃хи санд̇игз ван̣н̣ам̣ гат̇зд̇ум̣ на ваддад̇и, д̇з ван̣н̣з гат̇ияамаанз аван̣н̣амзва гат̇знд̇и. имасмим̣ бана д̣̇ивасз т̇зрасса сабхааг̇абарисаа саннибад̇и, д̇ассаа саннибад̇ид̇абхаавам̣ д̣̇исваа сад̇т̇аа ван̣н̣ам̣ гат̇знд̇о имам̣ д̣̇зсанам̣ аарабхи.
93.Evaṃme sutanti anupadasuttaṃ. Tattha etadavocāti etaṃ (paṭi. ma. 3.4) ‘‘paṇḍito’’tiādinā nayena dhammasenāpatisāriputtattherassa guṇakathaṃ avoca. Kasmā? Avasesattheresu hi mahāmoggallānattherassa iddhimāti guṇo pākaṭo, mahākassapassa dhutavādoti, anuruddhattherassa dibbacakkhukoti, upālittherassa vinayadharoti, revatattherassa jhāyī jhānābhiratoti, ānandattherassa bahussutoti. Evaṃ tesaṃ tesaṃ therānaṃ te te guṇā pākaṭā, sāriputtattherassa pana apākaṭā. Kasmā? Paññavato hi guṇā na sakkā akathitā jānituṃ. Iti bhagavā ‘‘sāriputtassa guṇe kathessāmī’’ti sabhāgaparisāya sannipātaṃ āgamesi. Visabhāgapuggalānañhi santike vaṇṇaṃ kathetuṃ na vaṭṭati, te vaṇṇe kathiyamāne avaṇṇameva kathenti. Imasmiṃ pana divase therassa sabhāgaparisā sannipati, tassā sannipatitabhāvaṃ disvā satthā vaṇṇaṃ kathento imaṃ desanaṃ ārabhi.
д̇ад̇т̇а бан̣д̣ид̇од̇и д̇хаад̇угусалад̇аа ааяад̇анагусалад̇аа бадижжасамуббаад̣̇агусалад̇аа таанаадтаанагусалад̇аад̇и имзхи жад̇уухи гааран̣зхи бан̣д̣ид̇о. махаабан̃н̃од̇иаад̣̇ийсу махаабан̃н̃аад̣̇ийхи саманнааг̇ад̇од̇и ад̇т̇о.
Tattha paṇḍitoti dhātukusalatā āyatanakusalatā paṭiccasamuppādakusalatā ṭhānāṭṭhānakusalatāti imehi catūhi kāraṇehi paṇḍito. Mahāpaññotiādīsu mahāpaññādīhi samannāgatoti attho.
д̇ад̇рид̣̇ам̣ махаабан̃н̃аад̣̇ийнам̣ наанад̇д̇ам̣ – д̇ад̇т̇а гад̇амаа махаабан̃н̃аа? маханд̇з сийлагканд̇хз бариг̇г̇ан̣хаад̇ийд̇и махаабан̃н̃аа, маханд̇з самаад̇хигканд̇хз, бан̃н̃аагканд̇хз, вимуд̇д̇игканд̇хз, вимуд̇д̇ин̃аан̣ад̣̇ассанагканд̇хз бариг̇г̇ан̣хаад̇ийд̇и махаабан̃н̃аа, маханд̇аани таанаадтаанаани, маханд̇аа вихаарасамаабад̇д̇ияо , маханд̇аани арияасажжаани, маханд̇з сад̇ибадтаанз, саммаббад̇хаанз, ид̣̇д̇хибаад̣̇з, маханд̇аани инд̣̇рияаани, б̣алаани, б̣ож̇жхан̇г̇аани, маханд̇з арияамаг̇г̇з, маханд̇аани сааман̃н̃апалаани, маханд̇аа абхин̃н̃ааяо, маханд̇ам̣ барамад̇т̇ам̣ ниб̣б̣аанам̣ бариг̇г̇ан̣хаад̇ийд̇и махаабан̃н̃аа.
Tatridaṃ mahāpaññādīnaṃ nānattaṃ – tattha katamā mahāpaññā? Mahante sīlakkhandhe pariggaṇhātīti mahāpaññā, mahante samādhikkhandhe, paññākkhandhe, vimuttikkhandhe, vimuttiñāṇadassanakkhandhe pariggaṇhātīti mahāpaññā, mahantāni ṭhānāṭṭhānāni, mahantā vihārasamāpattiyo , mahantāni ariyasaccāni, mahante satipaṭṭhāne, sammappadhāne, iddhipāde, mahantāni indriyāni, balāni, bojjhaṅgāni, mahante ariyamagge, mahantāni sāmaññaphalāni, mahantā abhiññāyo, mahantaṃ paramatthaṃ nibbānaṃ pariggaṇhātīti mahāpaññā.
гад̇амаа бут̇убан̃н̃аа, бут̇у наанааканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа. бут̇у наанаад̇хаад̇уусу, бут̇у наанааааяад̇анзсу, бут̇у наанааад̇т̇зсу, бут̇у наанаабадижжасамуббаад̣̇зсу, бут̇у наанаасун̃н̃ад̇аманубалаб̣бхзсу, бут̇у наанааад̇т̇зсу, д̇хаммзсу, нируд̇д̇ийсу, бадибхаанзсу, бут̇у наанаасийлагканд̇хзсу, бут̇у наанаасамаад̇хи-бан̃н̃аа-вимуд̇д̇и-вимуд̇д̇ин̃аан̣ад̣̇ассанагканд̇хзсу, бут̇у наанаатаанаадтаанзсу, бут̇у наанаавихаарасамаабад̇д̇ийсу, бут̇у наанааарияасажжзсу, бут̇у наанаасад̇ибадтаанзсу, саммаббад̇хаанзсу, ид̣̇д̇хибаад̣̇зсу, инд̣̇риязсу, б̣алзсу, б̣ож̇жхан̇г̇зсу, бут̇у наанааарияамаг̇г̇зсу, сааман̃н̃апалзсу, абхин̃н̃аасу, бут̇у наанааж̇анасаад̇хааран̣з д̇хаммз самад̇иггамма барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и бут̇убан̃н̃аа.
Katamā puthupaññā, puthu nānākhandhesu ñāṇaṃ pavattatīti puthupaññā. Puthu nānādhātūsu, puthu nānāāyatanesu, puthu nānāatthesu, puthu nānāpaṭiccasamuppādesu, puthu nānāsuññatamanupalabbhesu, puthu nānāatthesu, dhammesu, niruttīsu, paṭibhānesu, puthu nānāsīlakkhandhesu, puthu nānāsamādhi-paññā-vimutti-vimuttiñāṇadassanakkhandhesu, puthu nānāṭhānāṭṭhānesu, puthu nānāvihārasamāpattīsu, puthu nānāariyasaccesu, puthu nānāsatipaṭṭhānesu, sammappadhānesu, iddhipādesu, indriyesu, balesu, bojjhaṅgesu, puthu nānāariyamaggesu, sāmaññaphalesu, abhiññāsu, puthu nānājanasādhāraṇe dhamme samatikkamma paramatthe nibbāne ñāṇaṃ pavattatīti puthupaññā.
гад̇амаа хаасабан̃н̃аа, ид̇хзгажжо хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло сийлам̣ барибуурзд̇и, инд̣̇рияасам̣варам̣ барибуурзд̇и, бхож̇анз мад̇д̇ан̃н̃уд̇ам̣, ж̇ааг̇арияаануяог̇ам̣, сийлагканд̇хам̣, самаад̇хигканд̇хам̣, бан̃н̃аагканд̇хам̣, вимуд̇д̇игканд̇хам̣, вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и хаасабан̃н̃аа. хаасаб̣ахуло баамож̇ж̇аб̣ахуло таанаадтаанам̣ бадивиж̇жхад̇и, хаасаб̣ахуло вихаарасамаабад̇д̇ияо барибуурзд̇ийд̇и хаасабан̃н̃аа, хаасаб̣ахуло арияасажжаани бадивиж̇жхад̇и. сад̇ибадтаанз, саммаббад̇хаанз, ид̣̇д̇хибаад̣̇з, инд̣̇рияаани, б̣алаани, б̣ож̇жхан̇г̇аани, арияамаг̇г̇ам̣ бхаавзд̇ийд̇и хаасабан̃н̃аа, хаасаб̣ахуло сааман̃н̃апалаани сажчигарод̇и, абхин̃н̃ааяо бадивиж̇жхад̇ийд̇и хаасабан̃н̃аа, хаасаб̣ахуло взд̣̇ад̇удтибаамож̇ж̇аб̣ахуло барамад̇т̇ам̣ ниб̣б̣аанам̣ сажчигарод̇ийд̇и хаасабан̃н̃аа.
Katamā hāsapaññā, idhekacco hāsabahulo vedabahulo tuṭṭhibahulo pāmojjabahulo sīlaṃ paripūreti, indriyasaṃvaraṃ paripūreti, bhojane mattaññutaṃ, jāgariyānuyogaṃ, sīlakkhandhaṃ, samādhikkhandhaṃ, paññākkhandhaṃ, vimuttikkhandhaṃ, vimuttiñāṇadassanakkhandhaṃ paripūretīti hāsapaññā. Hāsabahulo pāmojjabahulo ṭhānāṭṭhānaṃ paṭivijjhati, hāsabahulo vihārasamāpattiyo paripūretīti hāsapaññā, hāsabahulo ariyasaccāni paṭivijjhati. Satipaṭṭhāne, sammappadhāne, iddhipāde, indriyāni, balāni, bojjhaṅgāni, ariyamaggaṃ bhāvetīti hāsapaññā, hāsabahulo sāmaññaphalāni sacchikaroti, abhiññāyo paṭivijjhatīti hāsapaññā, hāsabahulo vedatuṭṭhipāmojjabahulo paramatthaṃ nibbānaṃ sacchikarotīti hāsapaññā.
гад̇амаа ж̇аванабан̃н̃аа, яам̣гин̃жи руубам̣ ад̇ийд̇аанааг̇ад̇абажжуббаннам̣…бз… яам̣ д̣̇уурз санд̇игз ваа, саб̣б̣ам̣ руубам̣ анижжад̇о киббам̣ ж̇авад̇ийд̇и ж̇аванабан̃н̃аа. д̣̇угкад̇о киббам̣… анад̇д̇ад̇о киббам̣ ж̇авад̇ийд̇и ж̇аванабан̃н̃аа. яаа гаажи взд̣̇анаа…бз… яам̣гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣…бз… саб̣б̣ам̣ вин̃н̃аан̣ам̣ анижжад̇о д̣̇угкад̇о анад̇д̇ад̇о киббам̣ ж̇авад̇ийд̇и ж̇аванабан̃н̃аа. жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжад̇о д̣̇угкад̇о анад̇д̇ад̇о киббам̣ ж̇авад̇ийд̇и ж̇аванабан̃н̃аа. руубам̣ ад̇ийд̇аанааг̇ад̇абажжуббаннам̣ анижжам̣ каяадтзна, д̣̇угкам̣ бхаяадтзна, анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. взд̣̇анаа, сан̃н̃аа, сан̇каараа, вин̃н̃аан̣ам̣ , жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ каяадтзна…бз… вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. руубам̣ ад̇ийд̇аанааг̇ад̇абажжуббаннам̣…бз… вин̃н̃аан̣ам̣. жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа.
Katamā javanapaññā, yaṃkiñci rūpaṃ atītānāgatapaccuppannaṃ…pe… yaṃ dūre santike vā, sabbaṃ rūpaṃ aniccato khippaṃ javatīti javanapaññā. Dukkhato khippaṃ… anattato khippaṃ javatīti javanapaññā. Yā kāci vedanā…pe… yaṃkiñci viññāṇaṃ atītānāgatapaccuppannaṃ…pe… sabbaṃ viññāṇaṃ aniccato dukkhato anattato khippaṃ javatīti javanapaññā. Cakkhu…pe… jarāmaraṇaṃ atītānāgatapaccuppannaṃ aniccato dukkhato anattato khippaṃ javatīti javanapaññā. Rūpaṃ atītānāgatapaccuppannaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenāti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti javanapaññā. Vedanā, saññā, saṅkhārā, viññāṇaṃ , cakkhu…pe… jarāmaraṇaṃ atītānāgatapaccuppannaṃ aniccaṃ khayaṭṭhena…pe… vibhūtaṃ katvā jarāmaraṇanirodhe nibbāne khippaṃ javatīti javanapaññā. Rūpaṃ atītānāgatapaccuppannaṃ…pe… viññāṇaṃ. Cakkhu…pe… jarāmaraṇaṃ atītānāgatapaccuppannaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā jarāmaraṇanirodhe nibbāne khippaṃ javatīti javanapaññā.
гад̇амаа д̇игкабан̃н̃аа, киббам̣ гилзсз чинд̣̇ад̇ийд̇и д̇игкабан̃н̃аа. уббаннам̣ гаамавид̇аггам̣ наад̇хиваасзд̇и, уббаннам̣ б̣яаабаад̣̇авид̇аггам̣, уббаннам̣ вихим̣саавид̇аггам̣, уббаннуббаннз баабагз агусалз д̇хаммз, уббаннам̣ рааг̇ам̣, д̣̇осам̣, мохам̣, год̇хам̣, убанаахам̣, магкам̣, бал̣аасам̣, иссам̣, мажчарияам̣, мааяам̣, саатзяяам̣, т̇амбхам̣, саарамбхам̣, маанам̣, ад̇имаанам̣, мад̣̇ам̣, бамаад̣̇ам̣, саб̣б̣з гилзсз, саб̣б̣з д̣̇ужжарид̇з, саб̣б̣з абхисан̇каарз, саб̣б̣з бхаваг̇аамигаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа. згасмим̣ аасанз жад̇д̇ааро арияамаг̇г̇аа, жад̇д̇аари сааман̃н̃апалаани, жад̇ассо бадисамбхид̣̇ааяо, ча жа абхин̃н̃ааяо ад̇хиг̇ад̇аа хонд̇и сажчигад̇аа бассид̇аа бан̃н̃ааяаад̇и д̇игкабан̃н̃аа.
Katamā tikkhapaññā, khippaṃ kilese chindatīti tikkhapaññā. Uppannaṃ kāmavitakkaṃ nādhivāseti, uppannaṃ byāpādavitakkaṃ, uppannaṃ vihiṃsāvitakkaṃ, uppannuppanne pāpake akusale dhamme, uppannaṃ rāgaṃ, dosaṃ, mohaṃ, kodhaṃ, upanāhaṃ, makkhaṃ, paḷāsaṃ, issaṃ, macchariyaṃ, māyaṃ, sāṭheyyaṃ, thambhaṃ, sārambhaṃ, mānaṃ, atimānaṃ, madaṃ, pamādaṃ, sabbe kilese, sabbe duccarite, sabbe abhisaṅkhāre, sabbe bhavagāmikamme nādhivāseti pajahati vinodeti byantīkaroti anabhāvaṃ gametīti tikkhapaññā. Ekasmiṃ āsane cattāro ariyamaggā, cattāri sāmaññaphalāni, catasso paṭisambhidāyo, cha ca abhiññāyo adhigatā honti sacchikatā passitā paññāyāti tikkhapaññā.
гад̇амаа ниб̣б̣зд̇хигабан̃н̃аа, ид̇хзгажжо саб̣б̣асан̇каарзсу уб̣б̣зг̇аб̣ахуло ход̇и уд̇д̇аасаб̣ахуло угган̣танаб̣ахуло арад̇иб̣ахуло анабхирад̇иб̣ахуло б̣ахимуко на рамад̇и саб̣б̣асан̇каарзсу, аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа. аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ д̣̇осагканд̇хам̣, мохагканд̇хам̣, год̇хам̣, убанаахам̣…бз… саб̣б̣з бхаваг̇аамигаммз ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа.
Katamā nibbedhikapaññā, idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo bahimukho na ramati sabbasaṅkhāresu, anibbiddhapubbaṃ appadālitapubbaṃ lobhakkhandhaṃ nibbijjhati padāletīti nibbedhikapaññā. Anibbiddhapubbaṃ appadālitapubbaṃ dosakkhandhaṃ, mohakkhandhaṃ, kodhaṃ, upanāhaṃ…pe… sabbe bhavagāmikamme nibbijjhati padāletīti nibbedhikapaññā.
анубад̣̇ад̇хаммавибассананд̇и самаабад̇д̇ивасзна ваа жхаанан̇г̇авасзна ваа анубадибаадияаа д̇хаммавибассанам̣ вибассад̇и, звам̣ вибассанд̇о ад̣̇д̇хамаасзна арахад̇д̇ам̣ бад̇д̇о. махаамог̇г̇аллаанад̇т̇зро бана сад̇д̇ахи д̣̇ивасзхи. звам̣ санд̇зби саарибуд̇д̇ад̇т̇зро махаабан̃н̃аванд̇ад̇аро. махаамог̇г̇аллаанад̇т̇зро хи саавагаанам̣ саммасанажаарам̣ яадтигодияаа уббийл̣знд̇о вияа згад̣̇зсамзва саммасанд̇о сад̇д̇а д̣̇ивасз вааяамид̇ваа арахад̇д̇ам̣ бад̇д̇о. саарибуд̇д̇ад̇т̇зро табзд̇ваа б̣уд̣̇д̇хаанам̣ бажжзгаб̣уд̣̇д̇хаанан̃жа саммасанажаарам̣ саавагаанам̣ саммасанажаарам̣ ниббад̣̇зсам̣ саммаси. звам̣ саммасанд̇о ад̣̇д̇хамаасам̣ вааяами. арахад̇д̇ан̃жа гира бад̇ваа ан̃н̃ааси – ‘‘табзд̇ваа б̣уд̣̇д̇хз жа бажжзгаб̣уд̣̇д̇хз жа ан̃н̃о сааваго наама бан̃н̃ааяа маяаа бад̇д̇аб̣б̣ам̣ бад̇д̇ум̣ самад̇т̇о наама на бхависсад̇ий’’д̇и. яат̇аа хи бурисо взл̣уяадтим̣ г̇ан̣хиссаамийд̇и махааж̇адам̣ взл̣ум̣ д̣̇исваа ж̇адам̣ чинд̣̇анд̇асса бабан̃жо бхависсад̇ийд̇и анд̇арзна хад̇т̇ам̣ бавзсзд̇ваа самбад̇д̇амзва яадтим̣ муулз жа аг̇г̇з жа чинд̣̇ид̇ваа аад̣̇ааяа баггамзяяа, со гин̃жааби батамад̇арам̣ г̇ажчад̇и, яадтим̣ бана саарам̣ ваа уж̇ум̣ ваа на лабхад̇и. абаро жа д̇ат̇ааруубамзва взн̣ум̣ д̣̇исваа ‘‘сажз самбад̇д̇ам̣ яадтим̣ г̇ан̣хиссаами, саарам̣ ваа уж̇ум̣ ваа на лабхиссаамий’’д̇и гажчам̣ б̣анд̇хид̇ваа маханд̇зна сад̇т̇зна взн̣уж̇адам̣ чинд̣̇ид̇ваа саараа жзва уж̇уу жа яадтияо ужжинид̇ваа аад̣̇ааяа баггамзяяа. аяам̣ гин̃жааби бажчаа г̇ажчад̇и, яадтияо бана саараа жзва уж̇уу жа лабхад̇и. звам̣самбад̣̇амид̣̇ам̣ взд̣̇ид̇аб̣б̣ам̣ имзсам̣ д̣̇виннам̣ т̇зраанам̣ бад̇хаанам̣.
Anupadadhammavipassananti samāpattivasena vā jhānaṅgavasena vā anupaṭipāṭiyā dhammavipassanaṃ vipassati, evaṃ vipassanto addhamāsena arahattaṃ patto. Mahāmoggallānatthero pana sattahi divasehi. Evaṃ santepi sāriputtatthero mahāpaññavantataro. Mahāmoggallānatthero hi sāvakānaṃ sammasanacāraṃ yaṭṭhikoṭiyā uppīḷento viya ekadesameva sammasanto satta divase vāyamitvā arahattaṃ patto. Sāriputtatthero ṭhapetvā buddhānaṃ paccekabuddhānañca sammasanacāraṃ sāvakānaṃ sammasanacāraṃ nippadesaṃ sammasi. Evaṃ sammasanto addhamāsaṃ vāyami. Arahattañca kira patvā aññāsi – ‘‘ṭhapetvā buddhe ca paccekabuddhe ca añño sāvako nāma paññāya mayā pattabbaṃ pattuṃ samattho nāma na bhavissatī’’ti. Yathā hi puriso veḷuyaṭṭhiṃ gaṇhissāmīti mahājaṭaṃ veḷuṃ disvā jaṭaṃ chindantassa papañco bhavissatīti antarena hatthaṃ pavesetvā sampattameva yaṭṭhiṃ mūle ca agge ca chinditvā ādāya pakkameyya, so kiñcāpi paṭhamataraṃ gacchati, yaṭṭhiṃ pana sāraṃ vā ujuṃ vā na labhati. Aparo ca tathārūpameva veṇuṃ disvā ‘‘sace sampattaṃ yaṭṭhiṃ gaṇhissāmi, sāraṃ vā ujuṃ vā na labhissāmī’’ti kacchaṃ bandhitvā mahantena satthena veṇujaṭaṃ chinditvā sārā ceva ujū ca yaṭṭhiyo uccinitvā ādāya pakkameyya. Ayaṃ kiñcāpi pacchā gacchati, yaṭṭhiyo pana sārā ceva ujū ca labhati. Evaṃsampadamidaṃ veditabbaṃ imesaṃ dvinnaṃ therānaṃ padhānaṃ.
звам̣ бана ад̣̇д̇хамаасам̣ вааяамид̇ваа д̇хаммасзнаабад̇и саарибуд̇д̇ад̇т̇зро суугаракад̇алзн̣ад̣̇ваарз бхааг̇инзяяасса д̣̇ийгханакабариб̣б̣ааж̇агасса взд̣̇анаабариг̇г̇ахасуд̇д̇анд̇з д̣̇зсияамаанз д̣̇асаб̣алам̣ б̣ийж̇аяамаано тид̇о д̣̇зсанаанусаарзна н̃аан̣ам̣ бзсзд̇ваа баб̣б̣аж̇ид̇ад̣̇ивасад̇о баннарасамз д̣̇ивасз саавагабаарамин̃аан̣асса мад̇т̇агам̣ бад̇ваа сад̇д̇асадти н̃аан̣аани бадивиж̇жхид̇ваа сол̣асавид̇хам̣ бан̃н̃ам̣ ануббад̇д̇о.
Evaṃ pana addhamāsaṃ vāyamitvā dhammasenāpati sāriputtatthero sūkarakhataleṇadvāre bhāgineyyassa dīghanakhaparibbājakassa vedanāpariggahasuttante desiyamāne dasabalaṃ bījayamāno ṭhito desanānusārena ñāṇaṃ pesetvā pabbajitadivasato pannarasame divase sāvakapāramiñāṇassa matthakaṃ patvā sattasaṭṭhi ñāṇāni paṭivijjhitvā soḷasavidhaṃ paññaṃ anuppatto.
д̇ад̇рид̣̇ам̣, бхигкавз, саарибуд̇д̇асса анубад̣̇ад̇хаммавибассанааяаад̇и яаа анубад̣̇ад̇хаммавибассанам̣ вибассад̇ийд̇и анубад̣̇ад̇хаммавибассанаа вуд̇д̇аа, д̇ад̇ра анубад̣̇ад̇хаммавибассанааяа саарибуд̇д̇асса ид̣̇ам̣ ход̇и. ид̣̇аани вад̇д̇аб̣б̣ам̣ д̇ам̣ д̇ам̣ вибассанаагодтаасам̣ санд̇хааязд̇ам̣ вуд̇д̇ам̣.
Tatridaṃ, bhikkhave, sāriputtassa anupadadhammavipassanāyāti yā anupadadhammavipassanaṃ vipassatīti anupadadhammavipassanā vuttā, tatra anupadadhammavipassanāya sāriputtassa idaṃ hoti. Idāni vattabbaṃ taṃ taṃ vipassanākoṭṭhāsaṃ sandhāyetaṃ vuttaṃ.
94. батамз жхаанзд̇и яз батамз жхаанз анд̇осамаабад̇д̇ияам̣ д̇хаммаа. д̇яаассаад̇и д̇з асса. анубад̣̇ававад̇т̇ид̇аа хонд̇ийд̇и анубадибаадияаа вавад̇т̇ид̇аа барижчиннаа н̃аад̇аа вид̣̇ид̇аа хонд̇и. гат̇ам̣? т̇зро хи д̇з д̇хаммз ологзнд̇о абхиниробаналагкан̣о вид̇агго вад̇д̇ад̇ийд̇и ж̇аанаад̇и. д̇ат̇аа анумаж̇ж̇аналагкан̣о вижааро, паран̣алагкан̣аа бийд̇и, саад̇алагкан̣ам̣ сукам̣, авигкзбалагкан̣аа жид̇д̇згаг̇г̇ад̇аа, пусаналагкан̣о пассо взд̣̇аяид̇алагкан̣аа взд̣̇анаа, сан̃ж̇аананалагкан̣аа сан̃н̃аа, жзд̇аяид̇алагкан̣аа жзд̇анаа, виж̇аананалагкан̣ам̣ вин̃н̃аан̣ам̣, гад̇д̇угамяад̇аалагкан̣о чанд̣̇о, ад̇химогкалагкан̣о ад̇химогко, баг̇г̇аахалагкан̣ам̣ вийрияам̣ убадтааналагкан̣аа сад̇и, маж̇жхад̇д̇алагкан̣аа убзгкаа, анунаяаманасигааралагкан̣о манасигааро вад̇д̇ад̇ийд̇и ж̇аанаад̇и. звам̣ ж̇аанам̣ абхиниробанадтзна вид̇аггам̣ сабхаавад̇о вавад̇т̇абзд̇и…бз… анунаяаманасигааран̣адтзна манасигаарам̣ сабхаавабхаавад̇о вавад̇т̇абзд̇и. д̇зна вуд̇д̇ам̣ ‘‘д̇яаасса д̇хаммаа анубад̣̇ававад̇т̇ид̇аа хонд̇ий’’д̇и.
94.Paṭhame jhāneti ye paṭhame jhāne antosamāpattiyaṃ dhammā. Tyāssāti te assa. Anupadavavatthitā hontīti anupaṭipāṭiyā vavatthitā paricchinnā ñātā viditā honti. Kathaṃ? Thero hi te dhamme olokento abhiniropanalakkhaṇo vitakko vattatīti jānāti. Tathā anumajjanalakkhaṇo vicāro, pharaṇalakkhaṇā pīti, sātalakkhaṇaṃ sukhaṃ, avikkhepalakkhaṇā cittekaggatā, phusanalakkhaṇo phasso vedayitalakkhaṇā vedanā, sañjānanalakkhaṇā saññā, cetayitalakkhaṇā cetanā, vijānanalakkhaṇaṃ viññāṇaṃ, kattukamyatālakkhaṇo chando, adhimokkhalakkhaṇo adhimokkho, paggāhalakkhaṇaṃ vīriyaṃ upaṭṭhānalakkhaṇā sati, majjhattalakkhaṇā upekkhā, anunayamanasikāralakkhaṇo manasikāro vattatīti jānāti. Evaṃ jānaṃ abhiniropanaṭṭhena vitakkaṃ sabhāvato vavatthapeti…pe… anunayamanasikāraṇaṭṭhena manasikāraṃ sabhāvabhāvato vavatthapeti. Tena vuttaṃ ‘‘tyāssa dhammā anupadavavatthitā hontī’’ti.
вид̣̇ид̇аа уббаж̇ж̇анд̇ийд̇и уббаж̇ж̇амаанаа вид̣̇ид̇аа баагадаава худ̇ваа уббаж̇ж̇анд̇и. вид̣̇ид̇аа убадтаханд̇ийд̇и д̇идтамаанааби вид̣̇ид̇аа баагадаава худ̇ваа д̇идтанд̇и. вид̣̇ид̇аа аб̣бхад̇т̇ам̣ г̇ажчанд̇ийд̇и нируж̇жхамаанааби вид̣̇ид̇аа баагадаава худ̇ваа нируж̇жханд̇и. зд̇т̇а бана д̇ам̣н̃аан̣ад̇аа жзва н̃аан̣аб̣ахуд̇аа жа можзд̇аб̣б̣аа. яат̇аа хи д̇знзва ан̇г̇улаг̇г̇зна д̇ам̣ ан̇г̇улаг̇г̇ам̣ на саггаа пусид̇ум̣, звамзва д̇знзва жид̇д̇зна д̇асса жид̇д̇асса уббаад̣̇о ваа тид̇и ваа бхан̇г̇о ваа на саггаа ж̇аанид̇унд̇и. звам̣ д̇аава д̇ам̣н̃аан̣ад̇аа можзд̇аб̣б̣аа. яад̣̇и бана д̣̇вз жид̇д̇аани згад̇о уббаж̇ж̇зяяум̣, згзна жид̇д̇зна згасса уббаад̣̇о ваа тид̇и ваа бхан̇г̇о ваа саггаа бхавзяяа ж̇аанид̇ум̣. д̣̇вз бана пассаа ваа взд̣̇анаа ваа сан̃н̃аа ваа жзд̇анаа ваа жид̇д̇аани ваа згад̇о уббаж̇ж̇анагаани наама над̇т̇и, згзгамзва уббаж̇ж̇ад̇и. звам̣ н̃аан̣аб̣ахуд̇аа можзд̇аб̣б̣аа. звам̣ санд̇з гат̇ам̣? махаат̇зрасса анд̇осамаабад̇д̇ияам̣ сол̣аса д̇хаммаа вид̣̇ид̇аа баагадаа хонд̇ийд̇и. вад̇т̇аарамман̣аанам̣ бариг̇г̇ахид̇ад̇ааяа. т̇зрзна хи вад̇т̇у жзва аарамман̣ан̃жа бариг̇г̇ахид̇ам̣, д̇знасса д̇зсам̣ д̇хаммаанам̣ уббаад̣̇ам̣ ааваж̇ж̇анд̇асса уббаад̣̇о баагадо ход̇и, таанам̣ ааваж̇ж̇анд̇асса таанам̣ баагадам̣ ход̇и, бхзд̣̇ам̣ ааваж̇ж̇анд̇асса бхзд̣̇о баагадо ход̇и. д̇зна вуд̇д̇ам̣ ‘‘вид̣̇ид̇аа уббаж̇ж̇анд̇и вид̣̇ид̇аа убадтаханд̇и вид̣̇ид̇аа аб̣бхад̇т̇ам̣ г̇ажчанд̇ий’’д̇и. ахуд̇ваа самбхонд̇ийд̇и иминаа уд̣̇аяам̣ бассад̇и. худ̇ваа бадивзнд̇ийд̇и иминаа ваяам̣ бассад̇и.
Viditā uppajjantīti uppajjamānā viditā pākaṭāva hutvā uppajjanti. Viditā upaṭṭhahantīti tiṭṭhamānāpi viditā pākaṭāva hutvā tiṭṭhanti. Viditā abbhatthaṃ gacchantīti nirujjhamānāpi viditā pākaṭāva hutvā nirujjhanti. Ettha pana taṃñāṇatā ceva ñāṇabahutā ca mocetabbā. Yathā hi teneva aṅgulaggena taṃ aṅgulaggaṃ na sakkā phusituṃ, evameva teneva cittena tassa cittassa uppādo vā ṭhiti vā bhaṅgo vā na sakkā jānitunti. Evaṃ tāva taṃñāṇatā mocetabbā. Yadi pana dve cittāni ekato uppajjeyyuṃ, ekena cittena ekassa uppādo vā ṭhiti vā bhaṅgo vā sakkā bhaveyya jānituṃ. Dve pana phassā vā vedanā vā saññā vā cetanā vā cittāni vā ekato uppajjanakāni nāma natthi, ekekameva uppajjati. Evaṃ ñāṇabahutā mocetabbā. Evaṃ sante kathaṃ? Mahātherassa antosamāpattiyaṃ soḷasa dhammā viditā pākaṭā hontīti. Vatthārammaṇānaṃ pariggahitatāya. Therena hi vatthu ceva ārammaṇañca pariggahitaṃ, tenassa tesaṃ dhammānaṃ uppādaṃ āvajjantassa uppādo pākaṭo hoti, ṭhānaṃ āvajjantassa ṭhānaṃ pākaṭaṃ hoti, bhedaṃ āvajjantassa bhedo pākaṭo hoti. Tena vuttaṃ ‘‘viditā uppajjanti viditā upaṭṭhahanti viditā abbhatthaṃ gacchantī’’ti. Ahutvā sambhontīti iminā udayaṃ passati. Hutvā paṭiventīti iminā vayaṃ passati.
анубааяод̇и рааг̇авасзна анубаг̇амано худ̇ваа. анабааяод̇и бадигхавасзна анабаг̇ад̇о. аниссид̇од̇и д̇ан̣хаад̣̇идтиниссаязхи аниссид̇о. аббадиб̣ад̣̇д̇ход̇и чанд̣̇арааг̇зна аб̣ад̣̇д̇хо. виббамуд̇д̇од̇и гаамарааг̇ад̇о виббамуд̇д̇о. висам̣яуд̇д̇од̇и жад̇уухи яог̇зхи саб̣б̣агилзсзхи ваа висам̣яуд̇д̇о. вимарияаад̣̇ийгад̇знаад̇и ниммарияаад̣̇ийгад̇зна. жзд̇асаад̇и звам̣вид̇хзна жид̇д̇зна вихарад̇и.
Anupāyoti rāgavasena anupagamano hutvā. Anapāyoti paṭighavasena anapagato. Anissitoti taṇhādiṭṭhinissayehi anissito. Appaṭibaddhoti chandarāgena abaddho. Vippamuttoti kāmarāgato vippamutto. Visaṃyuttoti catūhi yogehi sabbakilesehi vā visaṃyutto. Vimariyādīkatenāti nimmariyādīkatena. Cetasāti evaṃvidhena cittena viharati.
д̇ад̇т̇а д̣̇вз марияаад̣̇аа гилзсамарияаад̣̇аа жа аарамман̣амарияаад̣̇аа жа. сажз хисса анд̇осамаабад̇д̇ияам̣ бавад̇д̇з сол̣аса д̇хаммз аараб̣бха рааг̇аад̣̇аяо уббаж̇ж̇зяяум̣, гилзсамарияаад̣̇аа д̇зна гад̇аа бхавзяяа, д̇зсу банасса згоби на уббаннод̇и гилзсамарияаад̣̇аа над̇т̇и. сажз банасса анд̇осамаабад̇д̇ияам̣ бавад̇д̇з сол̣аса д̇хаммз ааваж̇ж̇анд̇асса згажжз аабаат̇ам̣ нааг̇ажчзяяум̣. звамасса аарамман̣амарияаад̣̇аа бхавзяяум̣. д̇з банасса сол̣аса д̇хаммз ааваж̇ж̇анд̇асса аабаат̇ам̣ анааг̇ад̇ад̇хаммо наама над̇т̇ийд̇и аарамман̣амарияаад̣̇ааби над̇т̇и.
Tattha dve mariyādā kilesamariyādā ca ārammaṇamariyādā ca. Sace hissa antosamāpattiyaṃ pavatte soḷasa dhamme ārabbha rāgādayo uppajjeyyuṃ, kilesamariyādā tena katā bhaveyya, tesu panassa ekopi na uppannoti kilesamariyādā natthi. Sace panassa antosamāpattiyaṃ pavatte soḷasa dhamme āvajjantassa ekacce āpāthaṃ nāgaccheyyuṃ. Evamassa ārammaṇamariyādā bhaveyyuṃ. Te panassa soḷasa dhamme āvajjantassa āpāthaṃ anāgatadhammo nāma natthīti ārammaṇamariyādāpi natthi.
абарааби д̣̇вз марияаад̣̇аа вигкамбханамарияаад̣̇аа жа самужчзд̣̇амарияаад̣̇аа жа. д̇аасу самужчзд̣̇амарияаад̣̇аа убари ааг̇амиссад̇и, имасмим̣ бана таанз вигкамбханамарияаад̣̇аа ад̇хиббзд̇аа. д̇асса вигкамбхид̇абажжанийгад̇д̇аа над̇т̇ийд̇и вимарияаад̣̇игад̇зна жзд̇асаа вихарад̇и.
Aparāpi dve mariyādā vikkhambhanamariyādā ca samucchedamariyādā ca. Tāsu samucchedamariyādā upari āgamissati, imasmiṃ pana ṭhāne vikkhambhanamariyādā adhippetā. Tassa vikkhambhitapaccanīkattā natthīti vimariyādikatena cetasā viharati.
уд̇д̇ари ниссаран̣анд̇и ид̇о уд̇д̇ари ниссаран̣ам̣. ан̃н̃зсу жа суд̇д̇зсу ‘‘уд̇д̇ари ниссаран̣а’’нд̇и ниб̣б̣аанам̣ вуд̇д̇ам̣, ид̇ха бана ананд̇аро висзсо ад̇хиббзд̇од̇и взд̣̇ид̇аб̣б̣о. д̇аб̣б̣ахулийгаараад̇и д̇асса баж̇аананасса б̣ахулийгаран̣зна. ад̇т̇ид̇взвасса ход̇ийд̇и д̇асса т̇зрасса ад̇т̇ийд̇иязва д̣̇ал̣хад̇арам̣ ход̇и. иминаа наязна сзсаваарзсуби ад̇т̇о взд̣̇ид̇аб̣б̣о.
Uttarinissaraṇanti ito uttari nissaraṇaṃ. Aññesu ca suttesu ‘‘uttari nissaraṇa’’nti nibbānaṃ vuttaṃ, idha pana anantaro viseso adhippetoti veditabbo. Tabbahulīkārāti tassa pajānanassa bahulīkaraṇena. Atthitvevassa hotīti tassa therassa atthītiyeva daḷhataraṃ hoti. Iminā nayena sesavāresupi attho veditabbo.
д̣̇уд̇ияаваарз бана самбасаад̣̇анадтзна самбасаад̣̇о. сабхаавад̇о вавад̇т̇абзд̇и.
Dutiyavāre pana sampasādanaṭṭhena sampasādo. Sabhāvato vavatthapeti.
жад̇уд̇т̇аваарз убзгкаад̇и сукадтаанз взд̣̇анубзгкаава. бассад̣̇д̇хад̇д̇аа жзд̇асо анаабхог̇од̇и яо со ‘‘яад̣̇зва д̇ад̇т̇а сука’’нд̇и жзд̇асо аабхог̇о, зд̇знзд̇ам̣ ол̣ааригамагкааяад̇ийд̇и звам̣ бассад̣̇д̇хад̇д̇аа жзд̇асо анаабхог̇о вуд̇д̇о, д̇асса абхааваад̇и ад̇т̇о. сад̇ибаарисуд̣̇д̇хийд̇и барисуд̣̇д̇хаасад̇иязва. убзгкааби баарисуд̣̇д̇хиубзгкаа.
Catutthavāre upekkhāti sukhaṭṭhāne vedanupekkhāva. Passaddhattā cetaso anābhogoti yo so ‘‘yadeva tattha sukha’’nti cetaso ābhogo, etenetaṃ oḷārikamakkhāyatīti evaṃ passaddhattā cetaso anābhogo vutto, tassa abhāvāti attho. Satipārisuddhīti parisuddhāsatiyeva. Upekkhāpi pārisuddhiupekkhā.
95. сад̇о вудтахад̇ийд̇и сад̇ияаа саманнааг̇ад̇о н̃аан̣зна самбаж̇аано худ̇ваа вудтаад̇и. д̇з д̇хаммз саманубассад̇ийд̇и яасмаа нзвасан̃н̃аанаасан̃н̃ааяад̇анз б̣уд̣̇д̇хаанам̣язва анубад̣̇ад̇хаммавибассанаа ход̇и, на саавагаанам̣, д̇асмаа зд̇т̇а галаабавибассанам̣ д̣̇ассзнд̇о звамааха.
95.Sato vuṭṭhahatīti satiyā samannāgato ñāṇena sampajāno hutvā vuṭṭhāti. Te dhamme samanupassatīti yasmā nevasaññānāsaññāyatane buddhānaṃyeva anupadadhammavipassanā hoti, na sāvakānaṃ, tasmā ettha kalāpavipassanaṃ dassento evamāha.
бан̃н̃ааяа жасса д̣̇исваа аасаваа баригкийн̣аа хонд̇ийд̇и маг̇г̇абан̃н̃ааяа жад̇д̇аари сажжаани д̣̇исваа жад̇д̇ааро аасаваа кийн̣аа хонд̇и. саарибуд̇д̇ад̇т̇зрасса самат̇авибассанам̣ яуг̇анад̣̇д̇хам̣ аахарид̇ваа арахад̇д̇ам̣ бад̇д̇аваароби ад̇т̇и, нирод̇хасамаабад̇д̇исамаабаннаваароби. арахад̇д̇ам̣ бад̇д̇авааро ид̇ха г̇ахид̇о, нирод̇хам̣ бана жин̣н̣авасид̇ааяа абараабарам̣ самаабаж̇ж̇иссад̇ийд̇и вад̣̇анд̇и.
Paññāyacassa disvā āsavā parikkhīṇā hontīti maggapaññāya cattāri saccāni disvā cattāro āsavā khīṇā honti. Sāriputtattherassa samathavipassanaṃ yuganaddhaṃ āharitvā arahattaṃ pattavāropi atthi, nirodhasamāpattisamāpannavāropi. Arahattaṃ pattavāro idha gahito, nirodhaṃ pana ciṇṇavasitāya aparāparaṃ samāpajjissatīti vadanti.
д̇ад̇т̇асса яасмим̣ гаалз нирод̇хасамаабад̇д̇и сийсам̣ ход̇и, нирод̇хасса вааро ааг̇ажчад̇и, паласамаабад̇д̇и г̇уул̣хаа ход̇и. яасмим̣ гаалз паласамаабад̇д̇и сийсам̣ ход̇и, паласамаабад̇д̇ияаа вааро ааг̇ажчад̇и, нирод̇хасамаабад̇д̇и г̇уул̣хаа ход̇и. ж̇амб̣уд̣̇ийбаваасино т̇зраа бана вад̣̇анд̇и ‘‘саарибуд̇д̇ад̇т̇зро самат̇авибассанам̣ яуг̇анад̣̇д̇хам̣ аахарид̇ваа анааг̇аамипалам̣ сажчигад̇ваа нирод̇хам̣ самаабаж̇ж̇и, нирод̇хаа вудтааяа арахад̇д̇ам̣ бад̇д̇о’’д̇и. д̇з д̇хаммзд̇и анд̇осамаабад̇д̇ияам̣ бавад̇д̇з д̇исамудтаанигаруубад̇хаммз, хздтаа нзвасан̃н̃аанаасан̃н̃ааяад̇анасамаабад̇д̇ияам̣ бавад̇д̇ад̇хаммз ваа. д̇зби хи имасмим̣ ваарз вибассид̇аб̣б̣ад̇хаммаава, д̇асмаа д̇з ваа вибассад̇ийд̇и д̣̇ассзд̇ум̣ ид̣̇ам̣ вуд̇д̇анд̇и взд̣̇ид̇аб̣б̣ам̣.
Tatthassa yasmiṃ kāle nirodhasamāpatti sīsaṃ hoti, nirodhassa vāro āgacchati, phalasamāpatti gūḷhā hoti. Yasmiṃ kāle phalasamāpatti sīsaṃ hoti, phalasamāpattiyā vāro āgacchati, nirodhasamāpatti gūḷhā hoti. Jambudīpavāsino therā pana vadanti ‘‘sāriputtatthero samathavipassanaṃ yuganaddhaṃ āharitvā anāgāmiphalaṃ sacchikatvā nirodhaṃ samāpajji, nirodhā vuṭṭhāya arahattaṃ patto’’ti. Te dhammeti antosamāpattiyaṃ pavatte tisamuṭṭhānikarūpadhamme, heṭṭhā nevasaññānāsaññāyatanasamāpattiyaṃ pavattadhamme vā. Tepi hi imasmiṃ vāre vipassitabbadhammāva, tasmā te vā vipassatīti dassetuṃ idaṃ vuttanti veditabbaṃ.
97. васиббад̇од̇и жин̣н̣авасид̇ам̣ бад̇д̇о. баарамиббад̇д̇од̇и нибпад̇д̇им̣ бад̇д̇о. орасод̇иаад̣̇ийсу т̇зро бхаг̇авад̇о урз ниб̣б̣ад̇д̇асад̣̇д̣̇ам̣ суд̇ваа ж̇аад̇од̇и орасо, мукзна бабхаавид̇ам̣ сад̣̇д̣̇ам̣ суд̇ваа ж̇аад̇од̇и мукад̇о ж̇аад̇о, д̇хаммзна бана ж̇аад̇ад̇д̇аа ниммид̇ад̇д̇аа д̇хаммаж̇о д̇хамманиммид̇о, д̇хаммад̣̇ааяасса аад̣̇ияанад̇о д̇хаммад̣̇ааяаад̣̇о, аамисад̣̇ааяасса анаад̣̇ияанад̇о но аамисад̣̇ааяаад̣̇од̇и взд̣̇ид̇аб̣б̣о. сзсам̣ саб̣б̣ад̇т̇а уд̇д̇аанамзваад̇и.
97.Vasippatoti ciṇṇavasitaṃ patto. Pāramippattoti nipphattiṃ patto. Orasotiādīsu thero bhagavato ure nibbattasaddaṃ sutvā jātoti oraso, mukhena pabhāvitaṃ saddaṃ sutvā jātoti mukhato jāto, dhammena pana jātattā nimmitattā dhammajo dhammanimmito, dhammadāyassa ādiyanato dhammadāyādo, āmisadāyassa anādiyanato no āmisadāyādoti veditabbo. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
анубад̣̇асуд̇д̇аван̣н̣анаа нидтид̇аа.
Anupadasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. анубад̣̇асуд̇д̇ам̣ • 1. Anupadasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. анубад̣̇асуд̇д̇аван̣н̣анаа • 1. Anupadasuttavaṇṇanā
