| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. អនុលេបទាយកត្ថេរអបទានំ
8. Anulepadāyakattheraapadānaṃ
៣៩.
39.
‘‘អត្ថទស្សិស្ស មុនិនោ, អទ្ទសំ សាវកំ អហំ;
‘‘Atthadassissa munino, addasaṃ sāvakaṃ ahaṃ;
នវកម្មំ ករោន្តស្ស, សីមាយ ឧបគច្ឆហំ។
Navakammaṃ karontassa, sīmāya upagacchahaṃ.
៤០.
40.
‘‘និដ្ឋិតេ នវកម្មេ ច, អនុលេបមទាសហំ;
‘‘Niṭṭhite navakamme ca, anulepamadāsahaṃ;
បសន្នចិត្តោ សុមនោ, បុញ្ញក្ខេត្តេ អនុត្តរេ។
Pasannacitto sumano, puññakkhette anuttare.
៤១.
41.
‘‘អដ្ឋារសេ កប្បសតេ, យំ កម្មមករិំ តទា;
‘‘Aṭṭhārase kappasate, yaṃ kammamakariṃ tadā;
ទុគ្គតិំ នាភិជានាមិ, អនុលេបស្សិទំ ផលំ។
Duggatiṃ nābhijānāmi, anulepassidaṃ phalaṃ.
៤២.
42.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា អនុលេបទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā anulepadāyako thero imā gāthāyo abhāsitthāti.
អនុលេបទាយកត្ថេរស្សាបទានំ អដ្ឋមំ។
Anulepadāyakattherassāpadānaṃ aṭṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. បទុមកេសរិយត្ថេរអបទានាទិវណ្ណនា • 1-10. Padumakesariyattheraapadānādivaṇṇanā
