| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. अनुलेपदायकत्थेरअपदानं
6. Anulepadāyakattheraapadānaṃ
२६.
26.
‘‘अनोमदस्सीमुनिनो , बोधिवेदिमकासहं।
‘‘Anomadassīmunino , bodhivedimakāsahaṃ;
सुधाय पिण्डं दत्वान, पाणिकम्मं अकासहं॥
Sudhāya piṇḍaṃ datvāna, pāṇikammaṃ akāsahaṃ.
२७.
27.
‘‘दिस्वा तं सुकतं कम्मं, अनोमदस्सी नरुत्तमो।
‘‘Disvā taṃ sukataṃ kammaṃ, anomadassī naruttamo;
भिक्खुसङ्घे ठितो सत्था, इमं गाथं अभासथ॥
Bhikkhusaṅghe ṭhito satthā, imaṃ gāthaṃ abhāsatha.
२८.
28.
‘‘‘इमिना सुधकम्मेन, चेतनापणिधीहि च।
‘‘‘Iminā sudhakammena, cetanāpaṇidhīhi ca;
सम्पत्तिं अनुभोत्वान, दुक्खस्सन्तं करिस्सति’॥
Sampattiṃ anubhotvāna, dukkhassantaṃ karissati’.
२९.
29.
‘‘पसन्नमुखवण्णोम्हि , एकग्गो सुसमाहितो।
‘‘Pasannamukhavaṇṇomhi , ekaggo susamāhito;
धारेमि अन्तिमं देहं, सम्मासम्बुद्धसासने॥
Dhāremi antimaṃ dehaṃ, sammāsambuddhasāsane.
३०.
30.
राजा सब्बघनो नाम, चक्कवत्ती महब्बलो॥
Rājā sabbaghano nāma, cakkavattī mahabbalo.
३१.
31.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा अनुलेपदायको थेरो इमा गाथायो अभासित्थाति।
Itthaṃ sudaṃ āyasmā anulepadāyako thero imā gāthāyo abhāsitthāti.
अनुलेपदायकत्थेरस्सापदानं छट्ठं।
Anulepadāyakattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ६. अनुलेपदायकत्थेरअपदानवण्णना • 6. Anulepadāyakattheraapadānavaṇṇanā
