| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭-൧൦. അനുധമ്മസുത്താദിവണ്ണനാ
7-10. Anudhammasuttādivaṇṇanā
൩൯-൪൨. സത്തമേ ധമ്മാനുധമ്മപ്പടിപന്നസ്സാതി നവന്നം ലോകുത്തരധമ്മാനം അനുലോമധമ്മം പുബ്ബഭാഗപടിപദം പടിപന്നസ്സ. അയമനുധമ്മോതി അയം അനുലോമധമ്മോ ഹോതി. നിബ്ബിദാബഹുലോതി ഉക്കണ്ഠനബഹുലോ ഹുത്വാ. പരിജാനാതീതി തീഹി പരിഞ്ഞാഹി പരിജാനാതി. പരിമുച്ചതീതി മഗ്ഗക്ഖണേ ഉപ്പന്നായ പഹാനപരിഞ്ഞായ പരിമുച്ചതി. ഏവം ഇമസ്മിം സുത്തേ മഗ്ഗോവ കഥിതോ ഹോതി, തഥാ ഇതോ പരേസു തീസു. ഇധ പന അനുപസ്സനാ അനിയമിതാ, തേസു നിയമിതാ. തസ്മാ ഇധാപി സാ തത്ഥ നിയമിതവസേനേവ നിയമേതബ്ബാ. ന ഹി സക്കാ തീസു അഞ്ഞതരം അനുപസ്സനം വിനാ നിബ്ബിന്ദിതും പരിജാനിതും വാതി. സത്തമാദീനി.
39-42. Sattame dhammānudhammappaṭipannassāti navannaṃ lokuttaradhammānaṃ anulomadhammaṃ pubbabhāgapaṭipadaṃ paṭipannassa. Ayamanudhammoti ayaṃ anulomadhammo hoti. Nibbidābahuloti ukkaṇṭhanabahulo hutvā. Parijānātīti tīhi pariññāhi parijānāti. Parimuccatīti maggakkhaṇe uppannāya pahānapariññāya parimuccati. Evaṃ imasmiṃ sutte maggova kathito hoti, tathā ito paresu tīsu. Idha pana anupassanā aniyamitā, tesu niyamitā. Tasmā idhāpi sā tattha niyamitavaseneva niyametabbā. Na hi sakkā tīsu aññataraṃ anupassanaṃ vinā nibbindituṃ parijānituṃ vāti. Sattamādīni.
നതുമ്ഹാകവഗ്ഗോ ചതുത്ഥോ.
Natumhākavaggo catuttho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya
൭. അനുധമ്മസുത്തം • 7. Anudhammasuttaṃ
൮. ദുതിയഅനുധമ്മസുത്തം • 8. Dutiyaanudhammasuttaṃ
൯. തതിയഅനുധമ്മസുത്തം • 9. Tatiyaanudhammasuttaṃ
൧൦. ചതുത്ഥഅനുധമ്മസുത്തം • 10. Catutthaanudhammasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭-൧൦. അനുധമ്മസുത്താദിവണ്ണനാ • 7-10. Anudhammasuttādivaṇṇanā
