| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭-੧੦. ਅਨੁਧਮ੍ਮਸੁਤ੍ਤਾਦਿવਣ੍ਣਨਾ
7-10. Anudhammasuttādivaṇṇanā
੩੯-੪੨. ਅਪਾਯਦੁਕ੍ਖੇ ਸਕਲਸਂਸਾਰਦੁਕ੍ਖੇ ਚ ਪਤਿਤੁਂ ਅਦਤ੍વਾ ਧਾਰਣਟ੍ਠੇਨ ਧਮ੍ਮੋ, ਮਗ੍ਗਫਲਨਿਬ੍ਬਾਨਾਨਿ। ਤਦਨੁਲੋਮਿਕਾ ਚਸ੍ਸ ਪੁਬ੍ਬਭਾਗਪਟਿਪਦਾਤਿ ਆਹ ‘‘ਧਮ੍ਮਾਨੁਧਮ੍ਮਪਟਿਪਨ੍ਨਸ੍ਸਾ’’ਤਿਆਦਿ। ‘‘ਨਿਬ੍ਬਿਦਾਬਹੁਲੋ’’ਤਿ ਅਟ੍ਠਕਥਾਯਂ ਪਦੁਦ੍ਧਾਰੋ ਕਤੋ, ਪਾਲ਼ਿਯਂ ਪਨ ‘‘ਨਿਬ੍ਬਿਦਾਬਹੁਲਂ વਿਹਰੇਯ੍ਯਾ’’ਤਿ ਆਗਤਂ। ਉਕ੍ਕਣ੍ਠਨਬਹੁਲੋਤਿ ਸਬ੍ਬਭવੇਸੁ ਉਕ੍ਕਣ੍ਠਨਬਹੁਲੋ। ਤੀਹਿ ਪਰਿਞ੍ਞਾਹੀਤਿ ਞਾਤਤੀਰਣਪ੍ਪਹਾਨਪਰਿਞ੍ਞਾਹਿ। ਪਰਿਜਾਨਾਤੀਤਿ ਤੇਭੂਮਕਧਮ੍ਮੇ ਪਰਿਚ੍ਛਿਜ੍ਜ ਜਾਨਾਤਿ, વਿਪਸ੍ਸਨਂ ਉਸ੍ਸੁਕ੍ਕਾਪੇਤਿ। ਪਰਿਮੁਚ੍ਚਤਿ ਸਬ੍ਬਸਂਕਿਲੇਸਤੋ ‘‘ਮਗ੍ਗੋ ਪવਤ੍ਤਿਤੋ ਪਰਿਮੁਚ੍ਚਤੀ’’ਤਿ વੁਤ੍ਤਤ੍ਤਾ। ਤਥਾਤਿ ਇਮਿਨਾ ਇਤੋ ਪਰੇਸੁ ਤੀਸੁ ਮਗ੍ਗੋ ਹੋਤੀਤਿ ਦਸ੍ਸੇਤਿ। ਇਧਾਤਿ ਇਮਸ੍ਮਿਂ ਸੁਤ੍ਤੇ। ਅਨਿਯਮਿਤਾਤਿ ਅਗ੍ਗਹਿਤਾ। ਤੇਸੁ ਨਿਯਮਿਤਾ ‘‘ਅਨਿਚ੍ਚਾਨੁਪਸ੍ਸੀ’’ਤਿਆਦਿવਚਨਤੋ। ਸਾਤਿ ਅਨੁਪਸ੍ਸਨਾ। ਤਤ੍ਥ ਨਿਯਮਿਤવਸੇਨੇવਾਤਿ ਇਦਂ ਲਕ੍ਖਣવਚਨਂ ਯਥਾ ‘‘ਯਦਿ ਮੇ ਬ੍ਯਾਧਯੋ ਭવੇਯ੍ਯੁਂ , ਦਾਤਬ੍ਬਮਿਦਮੋਸਧ’’ਨ੍ਤਿ। ਨ ਹਿ ਸਕ੍ਕਾ ਏਤਿਸ੍ਸਾ ਏવ ਅਨੁਪਸ੍ਸਨਾਯ વਸੇਨ ਸਮ੍ਮਸਨਾਚਾਰਂ ਮਤ੍ਥਕਂ ਪਾਪੇਤੁਨ੍ਤਿ।
39-42. Apāyadukkhe sakalasaṃsāradukkhe ca patituṃ adatvā dhāraṇaṭṭhena dhammo, maggaphalanibbānāni. Tadanulomikā cassa pubbabhāgapaṭipadāti āha ‘‘dhammānudhammapaṭipannassā’’tiādi. ‘‘Nibbidābahulo’’ti aṭṭhakathāyaṃ paduddhāro kato, pāḷiyaṃ pana ‘‘nibbidābahulaṃ vihareyyā’’ti āgataṃ. Ukkaṇṭhanabahuloti sabbabhavesu ukkaṇṭhanabahulo. Tīhi pariññāhīti ñātatīraṇappahānapariññāhi. Parijānātīti tebhūmakadhamme paricchijja jānāti, vipassanaṃ ussukkāpeti. Parimuccati sabbasaṃkilesato ‘‘maggo pavattito parimuccatī’’ti vuttattā. Tathāti iminā ito paresu tīsu maggo hotīti dasseti. Idhāti imasmiṃ sutte. Aniyamitāti aggahitā. Tesu niyamitā ‘‘aniccānupassī’’tiādivacanato. Sāti anupassanā. Tattha niyamitavasenevāti idaṃ lakkhaṇavacanaṃ yathā ‘‘yadi me byādhayo bhaveyyuṃ , dātabbamidamosadha’’nti. Na hi sakkā etissā eva anupassanāya vasena sammasanācāraṃ matthakaṃ pāpetunti.
ਅਨੁਧਮ੍ਮਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Anudhammasuttādivaṇṇanā niṭṭhitā.
ਨਤੁਮ੍ਹਾਕਂવਗ੍ਗવਣ੍ਣਨਾ ਨਿਟ੍ਠਿਤਾ।
Natumhākaṃvaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੭. ਅਨੁਧਮ੍ਮਸੁਤ੍ਤਂ • 7. Anudhammasuttaṃ
੮. ਦੁਤਿਯਅਨੁਧਮ੍ਮਸੁਤ੍ਤਂ • 8. Dutiyaanudhammasuttaṃ
੯. ਤਤਿਯਅਨੁਧਮ੍ਮਸੁਤ੍ਤਂ • 9. Tatiyaanudhammasuttaṃ
੧੦. ਚਤੁਤ੍ਥਅਨੁਧਮ੍ਮਸੁਤ੍ਤਂ • 10. Catutthaanudhammasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭-੧੦. ਅਨੁਧਮ੍ਮਸੁਤ੍ਤਾਦਿવਣ੍ਣਨਾ • 7-10. Anudhammasuttādivaṇṇanā
