| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၆-၇. အန္တေဝာသိကသုတ္တာဒိဝဏ္ဏနာ
6-7. Antevāsikasuttādivaṇṇanā
၁၅၁-၁၅၂. အန္တ-သဒ္ဒော သမီပတ္ထေ ဝတ္တတိ ‘‘ဥဒကန္တံ ဝနန္တ’’န္တိအာဒီသု, ကိလေသော ပန အတိအာသန္နေ ဝသတိ အဗ္ဘန္တရဝုတ္တိတာယာတိ ‘‘အန္တေဝာသိက’’န္တိ ဝုတ္တော ဝိဘတ္တိအလောပေန ယထာ ‘‘ဝနေကုသလော, ကူလေရုက္ခာ’’တိ။ တေနာဟ – ‘‘အနန္တေဝာသိကန္တိ အန္တောဝသနကိလေသဝိရဟိတ’’န္တိ။ အာစရဏကကိလေသဝိရဟိတန္တိ သမုဒာစရဏကိလေသရဟိတံ။ အန္တော အသ္သ ဝသန္တီတိ အသ္သ ပုဂ္ဂလသ္သ အန္တော အဗ္ဘန္တရေ စိတ္တေ ဝသန္တိ ပဝတ္တန္တိ။ တေ ဧတံ အဓိဘဝန္တီတိ တေ ကိလေသာ ဧတံ ပုဂ္ဂလံ အဘိဘဝိတ္ဝာ အတ္တနော ဝသေ ဝတ္တေန္တိ။ တေနာဟ – ‘‘အဇ္ဈောတ္ထရန္တိ သိက္ခာပေန္တိ ဝာ’’တိ။ တေဟိ အာစရိယေဟီတိ တေဟိ ကိလေသသင္ခာတေဟိ သတ္တေ အတ္တနော ဂတိယံ ဌပေန္တေဟိ အာစရိယေဟိ။ သတ္တမံ ဟေဋ္ဌာ ကထိတနယမေဝာတိ ယသ္မာ ဟေဋ္ဌာ ခန္ဓဝသေန ဒေသနာ အာဂတာ, ဣဓ အာယတနဝသေနာတိ အယမေဝ ဝိသေသော။
151-152. Anta-saddo samīpatthe vattati ‘‘udakantaṃ vananta’’ntiādīsu, kileso pana atiāsanne vasati abbhantaravuttitāyāti ‘‘antevāsika’’nti vutto vibhattialopena yathā ‘‘vanekusalo, kūlerukkhā’’ti. Tenāha – ‘‘anantevāsikanti antovasanakilesavirahita’’nti. Ācaraṇakakilesavirahitanti samudācaraṇakilesarahitaṃ. Antoassa vasantīti assa puggalassa anto abbhantare citte vasanti pavattanti. Te etaṃ adhibhavantīti te kilesā etaṃ puggalaṃ abhibhavitvā attano vase vattenti. Tenāha – ‘‘ajjhottharanti sikkhāpenti vā’’ti. Tehi ācariyehīti tehi kilesasaṅkhātehi satte attano gatiyaṃ ṭhapentehi ācariyehi. Sattamaṃ heṭṭhā kathitanayamevāti yasmā heṭṭhā khandhavasena desanā āgatā, idha āyatanavasenāti ayameva viseso.
အန္တေဝာသိကသုတ္တာဒိဝဏ္ဏနာ နိဋ္ဌိတာ။
Antevāsikasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၆. အန္တေဝာသိကသုတ္တံ • 6. Antevāsikasuttaṃ
၇. ကိမတ္ထိယဗ္ရဟ္မစရိယသုတ္တံ • 7. Kimatthiyabrahmacariyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆-၇. အန္တေဝာသိကသုတ္တာဒိဝဏ္ဏနာ • 6-7. Antevāsikasuttādivaṇṇanā
