| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੯. ਰਤਨવਗ੍ਗੋ
9. Ratanavaggo
੧. ਅਨ੍ਤੇਪੁਰਸਿਕ੍ਖਾਪਦવਣ੍ਣਨਾ
1. Antepurasikkhāpadavaṇṇanā
ਅਨਿਕ੍ਖਨ੍ਤਰਾਜਕੇ ਅਨਿਗ੍ਗਤਰਤਨਕੇਤਿ ਏਤ੍ਥ ‘‘ਸਯਨਿਘਰੇ’’ਤਿ ਪਾਠਸੇਸੋ ਦਟ੍ਠਬ੍ਬੋਤਿ ਆਹ ‘‘ਅਨਿਕ੍ਖਨ੍ਤੋ ਰਾਜਾ ਇਤੋ’’ਤਿਆਦਿ। ਤਤ੍ਥ ਇਤੋਤਿ ਸਯਨਿਘਰਤੋ। ਸਯਨਿਘਰੇਤਿ ਸਯਨੀਯਘਰੇ। ਯਤ੍ਥ ਰਞ੍ਞੋ ਸਯਨਂ ਪਞ੍ਞਤ੍ਤਂ ਹੋਤਿ, ਅਨ੍ਤਮਸੋ ਸਾਣਿਪਾਕਾਰਪਰਿਕ੍ਖਿਤ੍ਤਮ੍ਪਿ, ਤਸ੍ਮਿਨ੍ਤਿ વੁਤ੍ਤਂ ਹੋਤਿ। ਰਤਿਜਨਨਟ੍ਠੇਨ ਰਤਨਂ, ਹਤ੍ਥਿਆਦਿ। ਇਧ ਪਨ ਇਤ੍ਥਿਰਤਨਂ ਅਧਿਪ੍ਪੇਤਨ੍ਤਿ ਆਹ ‘‘ਰਤਨਂ વੁਚ੍ਚਤਿ ਮਹੇਸੀ’’ਤਿ।
Anikkhantarājake aniggataratanaketi ettha ‘‘sayanighare’’ti pāṭhaseso daṭṭhabboti āha ‘‘anikkhanto rājā ito’’tiādi. Tattha itoti sayanigharato. Sayanighareti sayanīyaghare. Yattha rañño sayanaṃ paññattaṃ hoti, antamaso sāṇipākāraparikkhittampi, tasminti vuttaṃ hoti. Ratijananaṭṭhena ratanaṃ, hatthiādi. Idha pana itthiratanaṃ adhippetanti āha ‘‘ratanaṃ vuccati mahesī’’ti.
ਉਭੋਸੂਤਿ ਰਾਜਮਹੇਸੀਸੁ। ਕਿਰਿਯਾਕਿਰਿਯਨ੍ਤਿ ਏਤ੍ਥ ਇਨ੍ਦਖੀਲਾਤਿਕ੍ਕਮੋ ਕਿਰਿਯਂ, ਅਪ੍ਪਟਿਸਂવਿਦਿਤਂ ਅਕਿਰਿਯਨ੍ਤਿ ਦਟ੍ਠਬ੍ਬਂ।
Ubhosūti rājamahesīsu. Kiriyākiriyanti ettha indakhīlātikkamo kiriyaṃ, appaṭisaṃviditaṃ akiriyanti daṭṭhabbaṃ.
ਅਨ੍ਤੇਪੁਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Antepurasikkhāpadavaṇṇanā niṭṭhitā.
