| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൨. അന്തരാഭവകഥാവണ്ണനാ
2. Antarābhavakathāvaṇṇanā
൫൦൫. അതിദൂരസ്സ അന്തരിതസ്സ പത്തബ്ബസ്സ ദേസസ്സ ദസ്സനതോ ദിബ്ബചക്ഖുകോ വിയ. ആകാസേന പഥവന്തരട്ഠാനാനി ഭിന്ദിത്വാ ഗമനതോ ഇദ്ധിമാ വിയ. ന സഹധമ്മേനാതി യദി സോ ഭവാനം അന്തരാ ന സിയാ, ന നാമ അന്തരാഭവോതി പടിക്ഖേപേ കരണം നത്ഥീതി അധിപ്പായോ.
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
൫൦൬. തത്ഥ ജാതിജരാമരണാനി ചേവ ചുതിപടിസന്ധിപരമ്പരഞ്ച അനിച്ഛന്തോതി ഏതേന ചുതിഅനന്തരം അന്തരാഭവം ഖന്ധാതി, വത്തമാനാ ജാതീതി, മാതുകുച്ഛിമേവ പവിട്ഠാ അന്തരധായമാനാ മരണന്തി ന ഇച്ഛതി.
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
൫൦൭. യഥാ കാമഭവാദീസു തത്ഥ തത്ഥേവ പുനപ്പുനം ചവിത്വാ ഉപപത്തിവസേന ചുതിപടിസന്ധിപരമ്പരാ ഹോതി, ഏവം തം തത്ഥ ന ഇച്ഛതീതി ദസ്സേതി.
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
അന്തരാഭവകഥാവണ്ണനാ നിട്ഠിതാ.
Antarābhavakathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൭൪) ൨. അന്തരാഭവകഥാ • (74) 2. Antarābhavakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൨. അന്തരാഭവകഥാവണ്ണനാ • 2. Antarābhavakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൨. അന്തരാഭവകഥാവണ്ണനാ • 2. Antarābhavakathāvaṇṇanā
