| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
២. អន្តរាភវកថាវណ្ណនា
2. Antarābhavakathāvaṇṇanā
៥០៥. អតិទូរស្ស អន្តរិតស្ស បត្តព្ពស្ស ទេសស្ស ទស្សនតោ ទិព្ពចក្ខុកោ វិយ។ អាកាសេន បថវន្តរដ្ឋានានិ ភិន្ទិត្វា គមនតោ ឥទ្ធិមា វិយ។ ន សហធម្មេនាតិ យទិ សោ ភវានំ អន្តរា ន សិយា, ន នាម អន្តរាភវោតិ បដិក្ខេបេ ករណំ នត្ថីតិ អធិប្បាយោ។
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
៥០៦. តត្ថ ជាតិជរាមរណានិ ចេវ ចុតិបដិសន្ធិបរម្បរញ្ច អនិច្ឆន្តោតិ ឯតេន ចុតិអនន្តរំ អន្តរាភវំ ខន្ធាតិ, វត្តមានា ជាតីតិ, មាតុកុច្ឆិមេវ បវិដ្ឋា អន្តរធាយមានា មរណន្តិ ន ឥច្ឆតិ។
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
៥០៧. យថា កាមភវាទីសុ តត្ថ តត្ថេវ បុនប្បុនំ ចវិត្វា ឧបបត្តិវសេន ចុតិបដិសន្ធិបរម្បរា ហោតិ, ឯវំ តំ តត្ថ ន ឥច្ឆតីតិ ទស្សេតិ។
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
អន្តរាភវកថាវណ្ណនា និដ្ឋិតា។
Antarābhavakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (៧៤) ២. អន្តរាភវកថា • (74) 2. Antarābhavakathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ២. អន្តរាភវកថាវណ្ណនា • 2. Antarābhavakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ២. អន្តរាភវកថាវណ្ណនា • 2. Antarābhavakathāvaṇṇanā
