| Library / Tipiṭaka / तिपिटक • Tipiṭaka / पञ्चपकरण-मूलटीका • Pañcapakaraṇa-mūlaṭīkā |
२. अन्तराभवकथावण्णना
2. Antarābhavakathāvaṇṇanā
५०५. अतिदूरस्स अन्तरितस्स पत्तब्बस्स देसस्स दस्सनतो दिब्बचक्खुको विय। आकासेन पथवन्तरट्ठानानि भिन्दित्वा गमनतो इद्धिमा विय। न सहधम्मेनाति यदि सो भवानं अन्तरा न सिया, न नाम अन्तराभवोति पटिक्खेपे करणं नत्थीति अधिप्पायो।
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
५०६. तत्थ जातिजरामरणानि चेव चुतिपटिसन्धिपरम्परञ्च अनिच्छन्तोति एतेन चुतिअनन्तरं अन्तराभवं खन्धाति, वत्तमाना जातीति, मातुकुच्छिमेव पविट्ठा अन्तरधायमाना मरणन्ति न इच्छति।
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
५०७. यथा कामभवादीसु तत्थ तत्थेव पुनप्पुनं चवित्वा उपपत्तिवसेन चुतिपटिसन्धिपरम्परा होति, एवं तं तत्थ न इच्छतीति दस्सेति।
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
अन्तराभवकथावण्णना निट्ठिता।
Antarābhavakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (७४) २. अन्तराभवकथा • (74) 2. Antarābhavakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / २. अन्तराभवकथावण्णना • 2. Antarābhavakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / २. अन्तराभवकथावण्णना • 2. Antarābhavakathāvaṇṇanā
