| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
২. অন্তরাভৰকথাৰণ্ণনা
2. Antarābhavakathāvaṇṇanā
৫০৫. অতিদূরস্স অন্তরিতস্স পত্তব্বস্স দেসস্স দস্সনতো দিব্বচক্খুকো ৰিয। আকাসেন পথৰন্তরট্ঠানানি ভিন্দিত্ৰা গমনতো ইদ্ধিমা ৰিয। ন সহধম্মেনাতি যদি সো ভৰানং অন্তরা ন সিযা, ন নাম অন্তরাভৰোতি পটিক্খেপে করণং নত্থীতি অধিপ্পাযো।
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
৫০৬. তত্থ জাতিজরামরণানি চেৰ চুতিপটিসন্ধিপরম্পরঞ্চ অনিচ্ছন্তোতি এতেন চুতিঅনন্তরং অন্তরাভৰং খন্ধাতি, ৰত্তমানা জাতীতি, মাতুকুচ্ছিমেৰ পৰিট্ঠা অন্তরধাযমানা মরণন্তি ন ইচ্ছতি।
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
৫০৭. যথা কামভৰাদীসু তত্থ তত্থেৰ পুনপ্পুনং চৰিত্ৰা উপপত্তিৰসেন চুতিপটিসন্ধিপরম্পরা হোতি, এৰং তং তত্থ ন ইচ্ছতীতি দস্সেতি।
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
অন্তরাভৰকথাৰণ্ণনা নিট্ঠিতা।
Antarābhavakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৭৪) ২. অন্তরাভৰকথা • (74) 2. Antarābhavakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ২. অন্তরাভৰকথাৰণ্ণনা • 2. Antarābhavakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. অন্তরাভৰকথাৰণ্ণনা • 2. Antarābhavakathāvaṇṇanā
