| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. ཨནོཏྟཔྤམཱུལཀསུཏྟཾ
10. Anottappamūlakasuttaṃ
༡༠༤. སཱཝཏྠིཡཾ ཝིཧརཏི…པེ॰… ‘‘དྷཱཏུསོཝ , བྷིཀྑཝེ, སཏྟཱ སཾསནྡནྟི སམེནྟི། ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; ཨཔྤསྶུཏཱ ཨཔྤསྶུཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; བཧུསྶུཏཱ བཧུསྶུཏེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ॰…། (༡)
104. Sāvatthiyaṃ viharati…pe… ‘‘dhātusova , bhikkhave, sattā saṃsandanti samenti. Anottappino anottappīhi saddhiṃ saṃsandanti samenti; appassutā appassutehi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; bahussutā bahussutehi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe…. (1)
‘‘ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; ཀུསཱིཏཱ ཀུསཱིཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; ཨཱརདྡྷཝཱིརིཡཱ ཨཱརདྡྷཝཱིརིཡེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟི…པེ॰…། (༢)
‘‘Anottappino anottappīhi saddhiṃ saṃsandanti samenti; kusītā kusītehi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe…. (2)
‘‘ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; མུཊྛསྶཏིནོ མུཊྛསྶཏཱིཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; ཨུཔཊྛིཏསྶཏིནོ ཨུཔཊྛིཏསྶཏཱིཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱིཏི…པེ॰…། དསམཾ། (༣)
‘‘Anottappino anottappīhi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dasamaṃ. (3)
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༨-༡༢. ཨསྶདྡྷམཱུལཀསུཏྟཱདིཝཎྞནཱ • 8-12. Assaddhamūlakasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༨-༡༢. ཨསྶདྡྷམཱུལཀསུཏྟཱདིཝཎྞནཱ • 8-12. Assaddhamūlakasuttādivaṇṇanā
