| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. อโนตฺตปฺปมูลกสุตฺตํ
10. Anottappamūlakasuttaṃ
๑๐๔. สาวตฺถิยํ วิหรติ…เป.… ‘‘ธาตุโสว , ภิกฺขเว, สตฺตา สํสนฺทนฺติ สเมนฺติฯ อโนตฺตปฺปิโน อโนตฺตปฺปีหิ สทฺธิํ สํสนฺทนฺติ สเมนฺติ; อปฺปสฺสุตา อปฺปสฺสุเตหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปเญฺญหิ สทฺธิํ สํสนฺทนฺติ สเมนฺติ; โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ; พหุสฺสุตา พหุสฺสุเตหิ สทฺธิํ สํสนฺทนฺติ สเมนฺติ; ปญฺญวโนฺต ปญฺญวเนฺตหิ สทฺธิํ สํสนฺทนฺติ สเมนฺติ…เป.…ฯ (๑)
104. Sāvatthiyaṃ viharati…pe… ‘‘dhātusova , bhikkhave, sattā saṃsandanti samenti. Anottappino anottappīhi saddhiṃ saṃsandanti samenti; appassutā appassutehi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; bahussutā bahussutehi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe…. (1)
‘‘อโนตฺตปฺปิโน อโนตฺตปฺปีหิ สทฺธิํ สํสนฺทนฺติ สเมนฺติ; กุสีตา กุสีเตหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปเญฺญหิ สทฺธิํ สํสนฺทนฺติ สเมนฺติ; โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ; อารทฺธวีริยา อารทฺธวีริเยหิ สทฺธิํ สํสนฺทนฺติ สเมนฺติ; ปญฺญวโนฺต ปญฺญวเนฺตหิ สทฺธิํ สํสนฺทนฺติ สเมนฺติ…เป.…ฯ (๒)
‘‘Anottappino anottappīhi saddhiṃ saṃsandanti samenti; kusītā kusītehi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe…. (2)
‘‘อโนตฺตปฺปิโน อโนตฺตปฺปีหิ สทฺธิํ สํสนฺทนฺติ สเมนฺติ; มุฎฺฐสฺสติโน มุฎฺฐสฺสตีหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปเญฺญหิ สทฺธิํ สํสนฺทนฺติ สเมนฺติ; โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ; อุปฎฺฐิตสฺสติโน อุปฎฺฐิตสฺสตีหิ สทฺธิํ สํสนฺทนฺติ สเมนฺติ; ปญฺญวโนฺต ปญฺญวเนฺตหิ สทฺธิํ สํสนฺทนฺติ สเมนฺตีติ…เป.…ฯ ทสมํฯ (๓)
‘‘Anottappino anottappīhi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dasamaṃ. (3)
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘-๑๒. อสฺสทฺธมูลกสุตฺตาทิวณฺณนา • 8-12. Assaddhamūlakasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘-๑๒. อสฺสทฺธมูลกสุตฺตาทิวณฺณนา • 8-12. Assaddhamūlakasuttādivaṇṇanā
