| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၅. အနောမသုတ္တဝဏ္ဏနာ
5. Anomasuttavaṇṇanā
၄၅. ပဉ္စမေ အနောမနာမန္တိ သဗ္ဗဂုဏသမန္နာဂတတ္တာ အဝေကလ္လနာမံ, ပရိပူရနာမန္တိ အတ္ထော။ နိပုဏတ္ထဒသ္သိန္တိ ဘဂဝာ သဏ္ဟသုခုမေ ခန္ဓန္တရာဒယော အတ္ထေ ပသ္သတီတိ နိပုဏတ္ထဒသ္သီ။ ပညာဒဒန္တိ အန္ဝယပညာဓိဂမာယ ပဋိပဒံ ကထနဝသေန ပညာယ ဒာယကံ။ ကာမာလယေ အသတ္တန္တိ ပဉ္စကာမဂုဏာလယေ အလဂ္ဂံ။ ကမမာနန္တိ ဘဂဝာ မဟာဗောဓိမဏ္ဍေယေဝ အရိယမဂ္ဂေန ဂတော, န ဣဒာနိ ဂစ္ဆတိ, အတီတံ ပန ဥပာဒာယ ဣဒံ ဝုတ္တံ။ မဟေသိန္တိ မဟန္တာနံ သီလက္ခန္ဓာဒီနံ ဧသိတာရံ ပရိယေသိတာရန္တိ။ ပဉ္စမံ။
45. Pañcame anomanāmanti sabbaguṇasamannāgatattā avekallanāmaṃ, paripūranāmanti attho. Nipuṇatthadassinti bhagavā saṇhasukhume khandhantarādayo atthe passatīti nipuṇatthadassī. Paññādadanti anvayapaññādhigamāya paṭipadaṃ kathanavasena paññāya dāyakaṃ. Kāmālaye asattanti pañcakāmaguṇālaye alaggaṃ. Kamamānanti bhagavā mahābodhimaṇḍeyeva ariyamaggena gato, na idāni gacchati, atītaṃ pana upādāya idaṃ vuttaṃ. Mahesinti mahantānaṃ sīlakkhandhādīnaṃ esitāraṃ pariyesitāranti. Pañcamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. အနောမသုတ္တံ • 5. Anomasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. အနောမသုတ္တဝဏ္ဏနာ • 5. Anomasuttavaṇṇanā
