| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૫. અનોમસુત્તવણ્ણના
5. Anomasuttavaṇṇanā
૪૫. પઞ્ચમે અનોમનામન્તિ સબ્બગુણસમન્નાગતત્તા અવેકલ્લનામં, પરિપૂરનામન્તિ અત્થો. નિપુણત્થદસ્સિન્તિ ભગવા સણ્હસુખુમે ખન્ધન્તરાદયો અત્થે પસ્સતીતિ નિપુણત્થદસ્સી. પઞ્ઞાદદન્તિ અન્વયપઞ્ઞાધિગમાય પટિપદં કથનવસેન પઞ્ઞાય દાયકં. કામાલયે અસત્તન્તિ પઞ્ચકામગુણાલયે અલગ્ગં. કમમાનન્તિ ભગવા મહાબોધિમણ્ડેયેવ અરિયમગ્ગેન ગતો, ન ઇદાનિ ગચ્છતિ, અતીતં પન ઉપાદાય ઇદં વુત્તં. મહેસિન્તિ મહન્તાનં સીલક્ખન્ધાદીનં એસિતારં પરિયેસિતારન્તિ. પઞ્ચમં.
45. Pañcame anomanāmanti sabbaguṇasamannāgatattā avekallanāmaṃ, paripūranāmanti attho. Nipuṇatthadassinti bhagavā saṇhasukhume khandhantarādayo atthe passatīti nipuṇatthadassī. Paññādadanti anvayapaññādhigamāya paṭipadaṃ kathanavasena paññāya dāyakaṃ. Kāmālaye asattanti pañcakāmaguṇālaye alaggaṃ. Kamamānanti bhagavā mahābodhimaṇḍeyeva ariyamaggena gato, na idāni gacchati, atītaṃ pana upādāya idaṃ vuttaṃ. Mahesinti mahantānaṃ sīlakkhandhādīnaṃ esitāraṃ pariyesitāranti. Pañcamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. અનોમસુત્તં • 5. Anomasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૫. અનોમસુત્તવણ્ણના • 5. Anomasuttavaṇṇanā
