| Library / Tipiṭaka / తిపిటక • Tipiṭaka / ఖుద్దసిక్ఖా-మూలసిక్ఖా • Khuddasikkhā-mūlasikkhā |
౨౩. అనోలోకియనిద్దేసవణ్ణనా
23. Anolokiyaniddesavaṇṇanā
౧౮౧. సారత్తోతి సంరత్తో, సఞ్జాతరాగచిత్తోతి అత్థో. ఇత్థియాతి తదహుజాతాయపి పటసతనివత్థాయ అనోకాసుపనిజ్ఝాయనే అన్తమసో తిరచ్ఛానగతానమ్పి దుక్కటమేవ. భిక్ఖాదాయియాతి ఉపలక్ఖణమత్తం, ఇత్థీ వా హోతు పురిసో వా, భిక్ఖాదానసమయే అసారత్తేనాపి ముఖం న ఉల్లోకేతబ్బం. ఉజ్ఝానం లామకతో సంచిన్తనం, కోపో, తత్థ సఞ్ఞా అస్సాతి ఉజ్ఝానసఞ్ఞీ. ఇధ పన గిలానోపి న ముచ్చతి. ఆదాసే ఉదకపత్తేతి ఇమినా సేసేసు కంసపత్తాదీసు కఞ్జియాదీసు చ ముఖనిమిత్తం పఞ్ఞాయతి, తేసం సఙ్గహో. ‘‘సఞ్ఛవి ను ఖో మే వణ్ణో, నో, జిణ్ణో ను ఖోమ్హి, నో’’తి పన ఓలోకేతుం వట్టతి. అస్సాతి భిక్ఖునో.
181.Sārattoti saṃratto, sañjātarāgacittoti attho. Itthiyāti tadahujātāyapi paṭasatanivatthāya anokāsupanijjhāyane antamaso tiracchānagatānampi dukkaṭameva. Bhikkhādāyiyāti upalakkhaṇamattaṃ, itthī vā hotu puriso vā, bhikkhādānasamaye asārattenāpi mukhaṃ na ulloketabbaṃ. Ujjhānaṃ lāmakato saṃcintanaṃ, kopo, tattha saññā assāti ujjhānasaññī. Idha pana gilānopi na muccati. Ādāse udakapatteti iminā sesesu kaṃsapattādīsu kañjiyādīsu ca mukhanimittaṃ paññāyati, tesaṃ saṅgaho. ‘‘Sañchavi nu kho me vaṇṇo, no, jiṇṇo nu khomhi, no’’ti pana oloketuṃ vaṭṭati. Assāti bhikkhuno.
అనోలోకియనిద్దేసవణ్ణనా నిట్ఠితా.
Anolokiyaniddesavaṇṇanā niṭṭhitā.
